الواقع المجهول

الحلقه 13

الواقع المجهول 13🔥🔥
للكاتبه شيماء الشيخ 💛

راكان:اهلين عمي
محمد:بو سديم)
محمد:شن درت في بنتي تاني
راكان:سكت ونزل عيونه

____________________________

عبدو:السلام عليكم عمي
معتز:وعليكم السلام ياولدي شوف بلا زياده في لكلام اني ربي عطاني بنيه وحدا ونبيك تحطها في عينك لاكن لو زعلتها ساعتها بتشوف وجهي الثاني
عبدو:اكيد اني نبي بنتك ع سنة الله ورسوله وبنحطها في عيني ولو زعلتها ع انه هدا شي شبه مستحيل تعالى ودير فيا شن تبي ❤️
معتز:توا نشوفو ايمن ضبح عليها تجي تشوفه
ايمن:تشوف من تي هيا لي جباته 😧
معتز:فنص فيه
ايمن:به 😒

ليسا:ياحماره متتوتريش هلبا خير ما المكياج ينمسح يادرااه
ساجده:اااه وخلاص متوترا ❤️
ايمن:خش عليهم شن هدا لي في وجهك انتي امسحي النم لي في وجهك خير مانفسدلك وجهك
ليسا:شن مدايره هيا درتلها كحله وايلاينر وضلال بس مشبها ع خاطري 😉
ايمن:الصبرر حطي حاجه ع راسك واتبعيني شوفي عريس العازه متاعك
ساجده:طلعت ايمن اصبرر
ايمن:وقف شن
ساجده:شدة يده انت خوي الوحيد ومنبيكش تقعد زعلان مني اني نحبه وهوا يحبني وهوا جاني من الباب ارجوك تقبله 🥺
ايمن:هوا خداك مني معاش بديتي تحبيني زي قبل 😒
ساجده:😂😂😂تدوي زي المفرخ الصغار انت سندي وخوي محد يقدر ياخد مكانك في قلبي الكون في كفه وانت في كفه ثانيا ❤️
ايمن:ابتسملها به نقصي من الروج شويه
ساجده:🤦‍♀️تمام حاضر
ومشو

______________________________

راكان; طاحت من فوق الدروج ورجلها نكسرت ولو مدارتش العمليه احتمال يقطعوهالها لانه الخلايا ميته
محمد:لاحول ولا قوه الا بالله
راكان:لاكن متخافش حجزت الاسبوع الجاي بنسافر اني وياها المانيا باش نديرلها العمليه في احسن مستشفى
محمد:طبطب ع كتفه مشكور مقصرتش
راكان:تفضل شوفها
محمد خش.عليها
سديم:باباا 😭يبو يقطعولي رجليي 😭😭
محمد:اهدي يابنتي متخافيش. مايصير الا لي فيه الخير باذن الله.  ❤️
سديم:حضنت بوها وقعدة تبكي وتشبح لي راكان
راكان:نستاذنكم
سديم: لحظه طلعت ورقه. من جيبها جيبلي هادم في طريقك ومتخافش توا نعطيك حقهم
راكان:ريحي عمرك توا نجيبهم ومنبي منك شي وطلع

_________________________________

راكان:ركب السياره وكان متجه للمول بعد ماتذكر انه سديم معندهاش هلبا حوايج خشيت لمحل اكسسوارات وزينه خديتلها روايح وكل شي تستحقه ولوشن لي قالتلي عليه وشامبو وفرشة اسنان ومعجون بعذين خشيت محل ملابس شريتلها سوريات وسراويل وتوتات مقدرتش نشريلها ملابس داخليه تحشمت المهم يوم تاني نجيبها معاي وتوا تختارهم بروحها
وروحت شريتلها الادويه لي عطاني الرشيته متاعهم الدكتور ورحت

________________________________

عبدو:اخيرا بننخطبو وتبدي خطيبتي رسمي ❤️
ساجده:نزلت راسها اي 💛
عبدو:خيرك متحشمه 😂
ساجده:لا مش متحشمه
عبدو:قاملعا راسها باصبعه توا عن قريب نتجوزو ونسافرو تركيا ونمشو للمطعم متاع بوي لي في انقرا عندهم اكل حلو 😂❤️
ساجده:انشاء الله 💛
ايمن:هيا ساجده وشبح لي عبدو من فوق لي لوطه
ايمن كان مش مرتاح لي عبدو نهائيا وكان حاس انه وراه فيه شي كبير ولازم يعرفه

ساجده:باي
عبدو:باي
ساجده:هيا ايمن
ايمن:اسبقيني انتي توا اهو لاحقك
ساجده:تمام وركبت
ايمن:انا حاس انه وراك شي كبير لاكن مش عارف شن هوا
عبدو:ابتسم با استفزاز به لما تعرف كلمني 😉
ايمن:صدقني لو بكيت اختي او اذيتها بندمك
عبدو:تم باي
ايمن:ركب وهوا متعفلق من اسلوب عبدو التافه
ساجده:شن في
ايمن:ساجده الولد هدا مش مرتاحله نهائيا وحاس في شي وراه
ساجده:خوي الحلو اني نحبه ونبيه نبيه هوا وبس صدقني عبدو انسان كويس ومفيش اطيب منه اعطيه فرصه ع خاطري ❤️❤️
ايمن:تنهد وقعد يشبحلها
ساجده:توا تعال احكيلي شن صار في سيارتي تصلحت
ايمن:كلمة الراجل وقالي..

___________________________

بثينه:راقده جنب شروق والزوز يشبحو للصقف
بثينه:شن مقرره ديري توا
شروق:مش عارفه عقلي يقولي بري اهربي وخلي كل شي وراك
بثينه:با البساطه هدي?
شروق:مش عارفه لاكن لي نعرفه منقدرش نعيش هني كل مانشوف للشقه نتذكر ذكرياتي مع بابا وماما وقلبي يتقطع اكتر 💔
بثينه:لقيت الحل
شروق:تلفتتلها شني ابهريني
بثينه:خلي نبيعو الارض لي بااسمك والشقق والعماره  ونسافرو تركيا ونبنو حياتنا من الصفر نديرو مشروع خاص بينا مثلا نديرو مطعمنا شويه شويه نكبروه ونبدو مشهورين ❤️
شروق:شبحتلها وكانها اقتنعت صح فكره لاكن معنديش جواز
بثينه:نعرف ولد يديرلنا جوازاتنا فيسع فيسع
شروق:طقي كفك 🖐️
بثينه:🖐️
___________________________________

#وقفة اقتباس💙

تنازلَ الجمالُ عنِ الجمالِ لِجمالكِ
فزادَ جَمالكِ عن الجمالِ جمالاً .🤍

__________________________________

راكان:بشويه عليك اركبي السياره
سديم:ركبت ورجلها كانت مجبسه
راكان:ركب السياره ومشو

#بعد 2ساعتين

راكان:انزلي با الشويه
سديم:مش قادره لاكن شكرا لانك رجعتني لي شقتنا. لانه مرتحتش في الفيلا متاعكم
راكان:هز راسه وقامها وخش بيها للحوش

يتبع....