Ready To Be A Princess [ Completed ]

FINAL ( Uni )

Final

ကျွန်တော်တို့တွေဟာ တူညီပေမဲ့ ကွဲပြားတဲ့အခါတွေလည်းရှိကြတာပဲ။

ဒါဆို ~

မတူရင်ရော မညီညွတ်နိုင်ဘူးလား။

မတူကွဲပြားခြင်း မဟုတ်တဲ့ မတူညီညွတ်ခြင်း

xxx

အထက်တန်းအောင်သွားကြတဲ့အခါမှာ အလယ်တန်းတုန်းက သူငယ်ချင်းအများစုက မန္တလေးနည်းပညာ တက္ကသိုလ် နဲ့ မန္တလေးဆေးကျောင်းကိုရောက်ကုန်ကြသည်။  စောသက်ရော ဘယ်လျှောက်သလဲမသိ။ စောသက် ရန်ကုန်ဆေး( ၂) လျှောက်တယ် လို့ကြားပေမဲ့ ဝင်မဝင်မသိ။ ပုံပြင်သစ် ဘယ်လောက်ပဲ စိတ်ပြတ်သားတယ်ပြောပါစေ၊ ပေါင်းခဲ့တဲ့သူတွေထဲမှာ စိတ်တူကိုယ်တူ အရှိဆုံးသူမို့ တိုက်ဆိုင်မှုရှိတိုင်းတော့သတိရပါသည်။ အနည်းဆုံးတော့ လင်းယုသွေး ကျေးဇူးနဲ့ Heaven to Hell လေးပြီးသွားတာ ကျေးဇူးတင်မိသည်။

ပုံပြင်သစ် ကတော့ သူငယ်ချင်းတွေလို ပြည်တွင်းက တက္ကသိုလ်တွေမရွေးချယ်ဖြစ်ခဲ့ချေ။ နိုင်ငံခြားကျောင်းသားဝင်ရလွယ်တဲ့ ထိုင်းက Mah Fah Laung univerisity ကိုရွေးချယ်ခဲ့သည်။ အကြောင်းပြချက်ရယ်လို့ ရေရေရာရာမရှိပေမဲ့ မြင်ပြီးသားမျက်နှာတွေနဲ့ပြန်မဆုံချင်တာလဲပါသည်။

Mah Fah Laung Univerisity

IT engineering major

ပုံပြင်သစ်တို့ First year တွေရဲ့ ပထမဆုံးအတန်းအချိန်တွင်ဖြစ်သည်။

" Which field are you intersted? "

ပထမဆုံးအချိန်မှာ မိတ်ဆတ်အနေနဲ့ Networking , Programming , Data analysis အစရှိတဲ့ IT ရဲ့ field ပေါင်းစုံအကြောင်းရှင်းပြပြီးတဲ့အခါမှာ ထို field တွေ ထဲမှာ ဘယ် field ကို စိတ်ဝင်စားလဲ အမေးခံရသည်။

" Raise your hands up if you are intersted in Cyber Security "

ကျောင်းသား၊ ကျောင်းသူ ၃၀ လောက်ရှိတဲ့အထဲကနေ လက်ထောင်တဲ့သူက ပုံပြင်သစ်တဲ့နောက်ထပ် ကောင်မလေးတစ်ယောက်သာရှိသည်။ ထိုကောင်မလေးက အရှေ့ဆုံးတန်းမှာ အသားဖြူဖြူ ပိန်ပိန်သွယ်သွယ်နဲ့ ကောင်မလေးဖြစ်သည်။

" Please stand up "

ဆရာဖြစ်သူ ပုံပြင်သစ်ကို မတ်တပ်ရပ်ခိုင်းတာမို့ရပ်လိုက်မိသည်။