*في منزل يامن المالكي*
ياعم حرام عليك بقي نزلنى انا زى بنتك هفضل متعلقه في الهوا كده
كانت يديها معلقه بسور احد سلالم المنزل وقدميها تتأرجح في الهواء
:- عشان تتعلمى الادب بقي مانا مش هفضل عايش طول عمرى بلم مصايبك انا
تدخلت شمس وهى لا تفهم ماذا يحدث بينهم :- طب حد يفهمنى الى حصل طيب انت معلقها كده لى
احتضنها بحب وهو يجلس على الاريكه ويشاهد احد الافلام باهتمام :- سيبك منها انا تعبت اربي فيها وهى بردو هتفضل طول عمرها متهوره
ليقبل راس زوجته بحب تحت نظرات ياقوت :- انت يا عم النحنوح تعال فكنى بعد كده شوف انجلينا جولى بتاعك دى وياريت تلاحظ ان في سناجل هنا وتراعي مشاعرى
يامن بقرف :- مشاعر اى يا معفنه هو انتى في حد هيبصلك اصلا
ليكمل حديثه الى زوجته :- مشوفتيش ادت الدكتور بالروصيه ازاى ده انا كنت حاسس انى اتشليت ومش عارف اتصرف
شمس :- معلش ياحبيبي مانت عارفها متهوره وطايشه معلش نزلها عشان خاطرى
ياقوت :- ياشيخه شالله يسترك دنيا واخره
:- عشان خاطر عينك بس يا شمس تعالى انزلى يا اخره صبري
قام بفك يديها لتمسدها هى بسبب الالم الذى تشعر به :- عارف بقي يابن المالكي انا كان المفروض فعلا مقلقش عليك عشان انت مفترى اصلا وكمان صاحب المخروبه دى يستاهل الحرق مش روصية بس
لتفر هاربه بعد ان القت كلامتها بخوف :- يارب عوضي عندك يارب انا راجل كبير ومش حمل بهدله ..ماشي يا ياقوت الكلب الحساب يجمع ...
*عند سيلين المحمدى*
خرجت من المكتب مثل العاصفه هى عنيده جدا ولا تحب ان يقف احد امامها صفت سيارتها بسرعه امام مكتب ذلك المحامى الذى يسوق الدلال من اجل حاجتها اليه
لتقف امام المساعده الخاصه به وتتحدث بضيق:- الى مشغلك فين
:- حضرتك قصدك حمزه بيه
سيلين بضيق:- ايوه هو قوليله سيلين اوس المحمدى
المساعده :- اسفه يا فندم بس هو عنده احتماع مع
لتقاطعها سيلين :- لو سمحت ادخلى اعملى الى قولتلك عليه بدل ما ادخل انا في وسط الاجتماع ولا يهمنى
دلفت المساعده لتخبر مديرها ماذا يحدث في الخارج لكى يسمح لها بالدخول فورا بعد انتهاء اجتماعه
دلفت هى داخل مكتبه بخطوات هادئه واثقة وغاضبه في نفس الوقت لتسرق انفاس ذلك الجالس على مكتبة بشموخ
:- اتفضلى اقعدى تشربي ايه
