يابني هو انت عبيط٬ ولا عندك عتاهه في سقف حلقك .
:- انتِ بتقولي ايه ؟! انتِ عندك قاموس جديد بتتكلمي بي غير كلام البني ادمين يعني
قالها إياس بتعجب من طريقة حديثها الغريبة الى حد ما ٬وهو يقود سيارته في اتجاه منزلها .
:- معلش صعب على كتكوت دلوعه ماما زايك انه يفهم انا بقول ا...
توقفت من تلقاء نفسها بعد ان شد إياس مكبح السياره بقوه مما ادى الى احتكاكها في الارض ..
:- انت عبيط يابني ناويه تموتنا
تطلع عليها بنظرات مظلمه .
:- شوفي يا استاذه ياقوت ٬ انا بتكلم وبضحك وبهزر وده طبع فيا ٬ انما فاكره انك هتهزئني اكتر من كده واسكت تبقي غلطانه ٬ انا ممكن اضربك علقه دلوقت ابلعك صف سنانك اخليكي متعرفيش تتكلمي وتقولى كلامك الى زى الزفت ده فاهمه ٬ ويا ستي لو على عرض الجواز اعتبري ان انا سحابته انا مش مستعد اتجوز واحده دماغها مش فيها اصلا .
كانت ملامحه غاضبه اقتربت بشدة الى ملامح والده ولا تعرف هي لماذا تستمر في مكانها من حديثه وابتلعت كل ما كان في جوفها من حديث٬ لتهبط من السيارة وتذهب في اتجاه بوابه منزلها وفور دخولها ادار إياس محرك السياره لينطلق بسرعه عائدا الى المنزل .
دلفت ياقوت الى المنزل بهدوء على غير العاده
:- كنتِ فين كل ده يا ياقوت .
تسأل يامن وهو يجدها على هذه الحاله الغريبه بالنسبه له
:- كان في شوية حاجات كده بخلصها ٬ واول ما خلصت رجعت ٬ واسفه على التاخير عن اذنك يا بابا
صعدت الى غرفتها بسرعه لتستلقي على فراشها ٬ صعد خلفها يامن ليقوم بطرق الباب ثلاث مرات ثم يدلف الى غرفتها .
:- مالك يا ياقوت في حاجه حصلت ٬ حد عملك حاجه ٬ ولا تعبانه ولا مالك .
في محاوله فاشله منها لصنع ابتسامه على شفاتيها
:- مفيش ياحبيبي انا محتاجه انام بس.
:- على بابا بردو ٬ احكيلي في ايه .
استقامة لتأخذ الغرفة ذهابا وإيابا
:- المشكله ان انا مش عارفه في ايه ٬ فاكر الدكتور الى ضربته في المستشفى .
ابتسم يامن بسخرية
:- وهي دى حاجه تتنسي ٬ ماله يعني .
:- حسيت انهارده اني زوتها معاه اوى روحت اعتذرتله ....
سردت عليه كل ما حدث معاها وهى تنظر الى تعابير وجهه المتجهمه بشده .
:- ايه يا بابا٬ مردتش عليا يعني
زفر انفاسه بضيق لكي لا يخرج غضبه بها .
:- ارد اقول ايه يعنى ٬ وانتِ شيفاني قرطاس في حياتك ٬ ورايحه تقعدى مع واحد ف كافيه٬ وتركبِ معاه العربيه٬ وجايه تقوليلى بكل بساطه ؟!
