السلام عليكم ورحمه الله وبركاته
اولا كل عام وانتم بخير
ثانيا حبيت اشاركم اسكريبت بقلم صديقتي بتمني يفيدكم ويكن له تأثير ف تغير فكرتك عن الزواج الصالونات
____________$_____________________
اسكريبت،،جواز صالونات،،
-مش موافقه يعنى مش موافقه
=ليه يا بنتى طيب
جامعتك وخلصتيها
عايزه ايه تانى والشاب مافيهوش حاجه وحشه، ادب وأخلاق واحترام وقولتلك اقعدى معااه بس ولو ارتحتى خير وبركه لو مرتحتيش كل شيئ قسمة ونصيب ابوكى الله يرحمه موصينى انى مغصبكيش على حاجه والقرار قرارك
يابنتى انا عايزه افرح بيكى
عايزه اطمن عليكي انا مش ديمالك
وبعدين يا ستى متقلقيش عليا اخوكى هييجى ينقل فى الشقه اللى جنبى هو ومراته
فمش هبقى لواحدى
=اللى فيه الخير يقدمه ربنا يا امى
دخلت اوضتى قعدت اعيط محدش فاهمنى انا مش عايزه اتجوز كده عايزه اتجوز عن قصه حب ومش عايزه جواز الصالوناات ده
عايزه اكون عارفاه وهو عارفنى
واكون بحبه مش واحد اول مره اشوفه
بس طالما ماما مصره عليه هقعد معااه اشوفه وكده كده هرفضه اصلا
بعد 3ايام جه وقعدت معااه
يالهوى ده طلع شيخ
وقمر كمان اكاد من فرط الجماال اذووب
ايه اللى بقوله ده لا انا هرفض اصلا
بس الحليوه ده يترفض مانفكر شويه
طيب هو حاطط عينه فى الأرض ليه من اول ما دخل هو مكسووف
وكمان امى بتكلمه حاطط عينه فى الأرض ايه يا اختى الكسووف ده
-ازيك يا آنسه عائشه
يالهوى ده طلع بيتكلم اهو وبص عليا كمان
=الحمدلله
-احب اعرفك بنفسي
حمزة صالح السيوفى
مهندس وبفضل الله حالتى الماديه كويسه
عندى شقتى جاهزه من كل حاجه
درست علوم شرعيه وحفظت القرآن بفضل الله وخلصت 5 قرآءات ولسه مستمرين ان شاء الله
والدى متوفى وقاعد انا ووالدتى
فى شقه والشقه اللى جنبها بتاعتى اللى كلمتك عنها
انا ساكن في الشارع اللي قبليكم هنا
بتمنى اللى هتكون زوجتى ان يكون غايتها رضا الله وهدفها الجنه
ونساعد بعض للنحقق هدفنا ان شاءالله سوا
وان شاء الله لو حصل نصيب ما بينا
الخطبه هتكون بحدود
مافيش خروجات طبعا الا بعد العقد
لما اعوز اكلمك هاجى اقعد معاكي هنا قدام اهلك
الخطبه هتكون تلات شهور
وبعد كده هنعقد علشان نعرف بعض اكتر
وفى حاجه هقولهالك بس قبل ما امشى يبقى فكرينى
وده كل حاجه عنى لو عندك سؤال اتفضلى
بصراحه اعجبت بطريقه كلامه جداا وارتحت
استغربت شويه ان الخطوبه هتكون زي اللى مش خطوبه اصلا
يعنى ولا هخرج معاه ولا هكلمه الا بحدود وبغرض التعارف مش اكتر
ايوه انا يمكن حاجات كتيير مش عارفاها فى الدين بس هبحث وهعرف وهتعلم ان شاءالله
بعد سكوت طويل
اتكلمت
=احب اعرفك بنفسى
انا عائشة محمد خريجة اعلام
وبفضل الله متخرجه بتقدير امتياز
عايشه انا ووالدتى
ده لإن والدى متوفى واخويا ساكن في اسكندريه لطبيعه شغله وجاى قريب ان شاءالله يسكن جنبنا هنا
بصلى بفضل الله وبحفظ قرآن بس لسه فى الأول يعنى لإنى
بحفظ مع نفسي
فى حاجات كتير معرفهاش فى الدين وان شاءالله هبحث وهعرفها
ده كل حاجه عنى
عندى سؤال
-اتفضلي
