#خطوة_مُميته 8
فجره:تعالي الحقيني لي غرفة العروسه
ريان:مسحت دموعها يلي كانو ع طرف دموعها وتبعتها
رجعت شعرها للخلف واول ما تخش تنصدم بي ادم مستنيها في الغرفه
فجره:شافت لي ادم....متعطلش
ادم:هز راسه لي امه بمعنى تمام وطلعت فجره وقلبها محروق على ريان لانها موافقه غصب
ريان:كانت مصدومه وادور اي شي تستر بيه نفسها وهيا ناسيه ان ادم قري عليها فاتحه !
طلعت فجره سكرت باب الغرفه بهدوء ورجعت للمعازيم في الصاله يلي كانو الاغلبيه منهم يلبسو لانهم بيروحو خلاص الحفله كملت
نزلت ريان عيونها ويديها طول الوقت ينزلو في القفطان وتحاول تستر جيهة الصدر لان القفطان كان مكشوف شويه
قرب ادم ومسك يدها اليسار ❤️
ريان بدي قلبها يخبط بقوه ومعش قدرت تتحكم في روحها بدو يديها يرعشو بي زياده وصوت نفسها مسموع
لبسها الذبله ورخي يده لي يدها طاحت 💔
قامت ريان عيونها فيه
ادم:يساوي في جاكيته ....يدك منبيش نشوفها بدون الذبله
وتقعد ديمه في يدك اليسار نفس حكم المتزوجه
ريان:طاحت عينها على وشاح اسود كان ع الكنبه خذاته وحطاته على راسها ورقبتها
ادم:بدون اي ملامح ابتسامه....مفيش داعي تلفي روحك قدامي الفاتحه مقريه
ريان:كملتها ساكته وهيا مقعمزه ع الصالون بصدمه تشوف لي ذبلتها 💔
اما ادم رتب نفسه في المرايه للمره الاخيره وجي بيطلع
طاحت في وذنه الكلمه يلي قالتها
ريان:بملامح صدمه ...كيف بتكون حياتي معاك!؟؟
ادم:التفت وجاوبها بهدوء....نفس حياتك قبل مفيش شي بيتغير
بتاكلي وتشربي وتلبسي الجديد في حوشي ومفيش حد يقدر يطق فيك لين نفهمو شنو بيصير في اهلك بعد السنين هاذي
ريان:ردت ودموعها في عيونها.....انت هكي تشوف فيها الحياة ؟
ماكله ولبس وشراب ؟؟
ادم:علاش انتي طامعه في حاجات اكبر من هكي ؟!
ريان:نقرت حواجبها ودموعها يلمعو ....جديات انت تحكي ؟؟؟؟؟
لعند امتى بنقعد محبوسه بي الطريقه هاذي 💔
انا حتى سيف تزوج💔
سيف يلي كان .......وسكتت
ادم:قرب خطوات منها لين لصق في الصالون ....كان شنو ؟!
ريان:سكتت وهيا تمسح في دموعها
ادم:اشبحيلي وانا ندوي معاك
ريان:قامت عيونها ابتداء من سرواله الاسود لعند فانيلية الرقبه متع الصوف الكحله واخيرا وصلت لي لحيته وعيونه يلي كانو بنفس اللون
ادم:شنو كان؟!
ريان:وقفت وجايه بتتطلع....مكان شي
ادم:مسكها من يدها قبل ما تمشي ودفها بقوه لين طاحت ع الصالون والوشاح سبقها ....شن كان
ريان:ماسكها دموعها....مكان شيييي خلاص خليني نطلع
ادم:مسكها من رقبتها بهدوء.....شن كان؟
ريان:بلعت ريقها بهدوء ....شيييي
ادم:قوا القبضه متعه اكتر...معش بنعاود السؤال
ريان:معش قدرت تتحمل وبدت تبكي ....كان يهون عليا مره مره
يعطي فيا في تالفونه نتصفح النت ونتفرج على حجات اول مره نشوفها وطلعني مرتين
ادم:طلقها واتجه للباب
ريان:حطت يديها على وجها تبكي وهيا متريحه انه طلع من صوت الباب يلي تقربع بقوه لكن بعد شوي حست بيه قعمز قدامها
بعدت يديها بهدوء من على وجها عشان تلقاه جابد الكرسي قدامها ومقعمز شابك يديه في بعض ويشوفلها
