#خطوة_مُميته 18
سيف؛تفضلي؟؟؟
حتى الصالون بتلزيني منه ولا كيف؟؟؟
هديل:قربت منه نحت المخدت ورقدت في حضنه وحطت يديه ع خصرها
جت في مكان المخده بزبط وسيف مصدووووم
هديل:بصوت هادي وعيونها مسكرات.....متاخدش غيري
سيف:فاتح عيونه ع وسعهم مصدوم
اما هديل خلاته يحضنها بدل المخده ورقدت في نوم عميق
استغرق الموضوع من سيف دقايق باش يستوعب
بعدين ابتسم وسحب الغطا عليهم❤️
زاد حضنها اكتر وهيا راقده وكمل يتفرج على التلفزيون
___________________________________
ريان:خشت للغرفه....ادم شوف القفطان
ادم:تلفت وفي يده التالفون....هاذا شنو؟!
ريان:اختفت الضحكه يلي كانت مرسومه على وجها
ورجع نفس شعور الخوف يلي كانت حاسه بيه قبل
بدون ما تفكر ومن خوفها تكلمت بدون ماتعرف شنو تقول ......جججج ج جبته جبته معاي لاني كنت بنرجع لي سيف والله
ادم:هه وسيف يلي عاطيهولك زياده !!
ريان:قلبها بيوقف من ....اءء انا لا
لل لا قديم و اصلا كان مسكر طول الوقت والله انا....
وجف ريقها من الخوف وبدت كلماتها تتقطع
ادم:سكر عيونه دقايق كأنه يبي يضبط الغضب متعه وميطلعاش فيها ...حولي من قدامي
ريان:اءء اء ادم انا ....
ادم:مسكها من يدها وبعدها من طريقه بقوه وطلع
كانت السماء كيف باديه ترشرش في المطر
حبات بسيطه قاعده تنزل❤️
طلع ادم من حوشه بسرعه لي جناح سيف
سيف:كان واخده النوم وهديل في حضنه ❤️
راقدين الاثنين في الدفي وشعور حلو موجود وقاعد ينخلق بينهم بعد كل الضروف يلي عاشوها
فجآه سيف فتح عيونه مخلوع من الباب يلي كان بيتقلع من مكانه !
سحب روحه من حضن هديل وناض للباب
فتح الباب واول شي دارها ادم جبده من رقبته وسيف مش فاهم شي
قعد يدف فيه لين نزلو لي الطابق الارضي وسيف يسأل خيرك شنو صاير!!
بس ادم مكانش سامع ولا شي بدي يضرب فيه والدم يطيح مع المطر
ادم:مزال عينك منها حتى بعد ما بدت مرتي ياواطي
مرت خووووووك بدت وانت قاعد حاط عليها العيننن
سيف:كان شبه دايخ من الضربات يلي خداهم على وجها
ومش قادر يدافع على نفسه
ادم:قام سيف من ع الارض من رقبته....؛عاطيها تالفون؟
تبي تسمع صوتها حتى وهيا ع ذمتي خلاص مش قادر تعيش بلاها!؟
وزاده ضربه على وجها
سيف:معش تحمل ووقف ع رجليه ودف ادم بقوه ....لاعيني منها لا شييي
فيق ع نفسك حتى يوم كانت تهرب منك وتجيني لانك معقددددد ومكرها في عيشتها انت وبوي
كنت انا الامان ليها وانا يلي نخلي فيها تتنفس
جبتلها تالفون بنت في عمرها معندهاش كيف ؟
لا طلوع ولا ناس ولا شي انتم تبو البنت تهبببببببل ؟؟؟؟
ادم:خنق سيف بقوه....يمين بالله لو نحس بس انك شايفلها بنضره غلط
نضره بس ياسيف وربي ندبحك انت وياها بالله
سيف:فك يد ادم بقوه والمطر تصب وتغسل في الدم يلي كان نازل من خشمه بسبب ضربة ادم
