Sweet Night S-2 (Taekook)

🐯🐰-11

"Namjoon hyung i awm em?" Tih pah chuan Tae chuan kawngka chu a kik dat dat a.

"Aww... taehyung lo nghak lawk" aw phelh deuh phang a rawn tih hnu min.5 vel ah chuan Jin chuan kawngka a rawn hawng a a chhuak zui a.

Taehyung chu a lut zui ve vat a, Namjoon chuan khum chu a lo phah mar sawk sawk a. "Ka rawn tibuai che u mi" inthlahrung tak chuan a ti a.

Namjoon chuan uang tak a chhan a tum a mahse  Taehyung hmel a hmuh chuan thil thalo a awm tih hria in a thulh leh ta zawk a.

"Enge ni ta a " alo ti var a.

"Thil sawipui duh che ka nei a, ihhh. Jungkook chungchang ania" ati zuai raih a. A aw ah chuan mangan na leh natna te chu a ri tel deuha.

"Tunlai a awmdan hi ka hrethiam lo. Suga hyung inzei vang a chawlh a lak lai leh kei ka mixtape tur ka buaipui vel nen inrual in a tan hun ka nei tam theilo a. Jimin lunglen nen hun an hmantam dun zia chu in hre ve tho anga. Mahse tun thleng pawh hian..., ka hrethiam lo. Jungkook hian min hlat tlat in ka hria." Hnuailam melh ran chung chuan a ti a, a kut chu a khalh neuh neuh bawk a.

RM chuan ngun tak in alo ngaithla a, engtin mah a chhang lo. Taehyung chuan ngaihthlak sak a, a rilru hahna inbunruah na tur a mamawh ber rih niin a hria a.

Taehyung bawk chuan a chhunzawm leh a, "keimah ai Jimin hi a ngaina zawk niin ka hraia. Ka sawi awmxia chu keipaswn Jiminie chu ka ngaina a ka hmangaih bawk, mahse... " sawizawm dan mai tur a hrelo. A kut chu a hmer ngat ngat a.

A hrawk chu hnawhtu awm ang maiin a phui tlat a, a pum te chu a so bulh bulh maiin a hria. Namjoon chuan hrethiam in kalhnai in ava kuah vat a. A hnung a a bensak thek thek chuan Taehyung rilru no lo chhuak in a mittui chu a rawn luang thla ngiai ngia a 

Namjoon chuan alo chik ngai miahlo a. Mahse chutia Taehyung an an sawi tak ah chuan an ngaihtuang chiang chet chet a sawi dik in a hria.

Taehyung chu a inbengdaih hnu chuan engmah thlenglo ang maiin inhnuai lamah chuan an chhuk a. Taehyung chuan phone alo khawih neuh neuh a, Suga chu chhing chungin sofa ah chuan thatchhe zetin alo thu a Jin erawh hmuh tur a awmlo. Jimin leh Jungkook chuan phone pakhat ah thil en dun in eng eng emaw sawiin anlo nui dun hak hak a.

Taehyung chuan chu chu a hmuh chuan thawk la hakin a room lam chu a pan zui daih a, jungkook chuan a rawn chhuk tih pawh alo hre maihlo. RM chu engmah thleng lo ang mai a chhuk in Jin awmna te chu a zawt a.

Jimin leh Jungkook awmdun hnem zia chu an hre vek a, an inngaina in an infiam reng a, an intibuai a an inchhaih a, an hlim dun thei hle. Jin nen pawh an intibuai reng fo a, mahse Jimin nen chuan a danglam tlat ani.

Jungkook chuan chu chu a hre hauhlo, Taehyung nen an inkar hlat sawt zia te pawh chu a hrechang hauhlo. Tun a anun hman ah hian a hlim tawk em em ani.

Covid vangin kum dang angin Bon Voyage pawh an shoot theilo a, chu aiah chuan In The Soop chu ramhnuai ah hrileng tihbuai phakloh ah ARMY te tan leh an tana intih harhna tha tak ni bawk turin an shoot a.

Chulai hmun ah ngei chuan Taehyung pawn Jungkook nen an inkar siamthat na hun niin a hria a. A mize danglam leh cool chho em em mai chu camera hma ah pawh a thup hleithei lo a, an chet dan leh mizia lo chik a lo chhui reng tu ARMY te chuan chu chu anlo hre hneh khawp mai. Article leh post tamtak chumi chungchang ah chuan a hmu bawk.

Mahse insawi thiam dan leh chhuanlam tur a hriat miau loh vangin a hrelo awm mai mai zawk ani.

Hun nuam tak an hmang a, hna thawk nih pah.tho in chawlh an hmang thei a an hlim tlang viau. a hmun in a zir em em mai bawk si.

V chuan Jimin chu kohrang in  eng emaw hi a hrilhru ser ser a, Jimin chuan khi vur vur chung hian mit a siai zauh a a kal ta nal nal a.

Reilote ah chuan Jungkook ngaihna hriat loh hmel zet mai rawn kaiphei hnak hnak chung hian a rawn let leh a, V chuan meieng bulah engkim.buatsaih in alo nghak a, Jungkook chu a thutna ah chuan dah in jimin chu a inthiarfihlim leh vang vang a.

Show a tel tur tlem an lak hnu chuan staff ho chuan an kiansan a an pahnih chauh chuan hunthawl chu an nei ta a..

Zan boruak a nuam in a thiang em em a, Taehyung chuan alo sawi tura a hual zawng zawng te chu an bo zo duak hian a hria a, a hma ah a mipa hmangaih chu a thu ran a, a chan phal lo ani.

Mahse engkim a sawichuak ngawt thei silo, Jimin nen an inkar thleng in a chhiat phah thei tih nen lam a hrechiang si.

Date pangai tak angin a kaltlangpui ta ringawt a , hun nuam tak chu an hmang ta tho a.

A tuk zingah chuan a ngai te bawk in Jimin.chu  atho har ber ah a tang leh a, midang ho chuan an hna chu an thawk sap sap a, Jungkook chu thophang tih hriat tak hian Jimin room ah chuan a lut a, a khum ah chuan va lawn in jimin tui tak a mu lai bulah chuan ava inthawlh a  , a va kuah hlan a .