أين انت يا نصفي الآخر

سيف أم يحيي

Part 16♥️✨
يحيي خلص شغل شركته ووقف كل حاجه لحد ما يرجع من الرحله دي الي ميعرفش مدتها هتطول قد ايه
..............
امير خرج من عند يحيي وأمر انه يكون تحت المراقبه ويشوفو هيحصل اي ورجع تاني للمكتب
سحر: وصلت لايه؟
امير: ولا حاجه بس بنسبه ٩٥ % هو ميعرفش حاجه
سحر: مش عارفه بس انا شاكه فيه معرفش ليه كونه هو الوحيد الي يفضل عايش من وسطهم حاجه غريبه
(اسكتي اسكتي )
امير: وده الي مشككني
.............
يحيي دخل المول وبدأ يشوف هدوم لشهد
جابلها   بلوفرات وتيشرتات وبنطلونات وجاكيت  وجابلها معاهم كوتشي وهاف بوت  وطلع من المول تحت مراقبه حد من رجاله امير
وهو خارج وراكب عربيته لاحظ ان فيه عربيات وراه
راح مطلع سلاحه ومجهزه وبدأ يحصل هجوم علي عربيته وحرفيا كانو بيمشطوها
يحيي كان بيرد عليهم بس الرصاص الي معاه خلص
امير لقي الراجل الي باعته بيتصل
امير: خير يا محمود
محمود: امير بيه يحيي خرج من الشركه ودخل المول جاب هدوم واكل وخرج وهو راكب عرببته في ناي بيهجمو علبع وشغالين وتقريبا رصاصه فضي اتدخل؟
امير: اه أتدخل وبسرعه
سحر: خير في ايه
امير: مظنش انه معاهم فالخطه هو كمان بيتعرض لهجوم
سحر: مش يمكن كل ده مخطط
امير: وده كمان احتمال
سحر: والعمل ؟
امير: محمود هيدخل وهينقذه اكيد وهو اصلا تحت المراقبه وتقريبا شكله مسافر
سحر: هو قالك؟
امير: اه
سحر: هنشوف هيحصل اي
امير: اه
سحر: ممكن نكلم في حاجه
امير: اه طبعا
سحر: عمو طارق وعلي الله يرحمهم مش هينفع نسيبهم كده فالتلاجه
امير بضعف : بس انا وعدتها
سحر: عارفه والله بس اكرام الميت دفنه اكيد مش هنسيبهم كده علي الاقل عشان لما نرجعها تزورهم ..انت متخيل ان شهد هيكون عندها القوه انها تشوفهم بالمنظر ده انت كده بتقتلها مرتين
امير بضعف : معاكي حق ...بكره ان شاء الله الجنازه هتطلع
سحر: وانا ههتم بالاجراءات
امير بتوهان : انا...همشي
سحر مسكته قبل ما يمشي
سحر: انت كويس ؟ وشك اصفر
امير قعد علي الكنبه وبص فالارض وحط ايده علي وشه بضعف وقال
: مش متخيل اني هوديهم للتراب الشغل كان كل ما افكر فالموضوع ده يلهيني بس خلاص نهايه المطاف وصلنالها ...اول مره احس اني ضعيف كده ...عمري ما حسيت بالضعف ده فحياتي ...انك تدي كل الي بتحبهم للتراب ده اصعب شعور والاصعب انك معرفتش تحميهم ....شهد متعرفش بموت باباها ولو عرفت هتنهار اكتر ...وابتسم بتريقه وكمل : حتي شهد معرفش هي فين ؟عايشه ولا ميته ولا جرالها اي ومطلوب مني بعد كل ده افضل متماسك وقوي وافضل واقف علي حيلي بس انا خلاص معادش فيا حيل اتحمل اكتر من كده عاوز ارتاح من الحمل ده عاوز اغمض عيني وافتحها والاقي نفسي في بيتي واخويا جنبي وكأن مفيش حاجه حصلت واعيش حياه طبيعيه زي اي طفل بيعيشها ليه انا يحصلي كل ده ليه ...انا مش قادر اتحمل
ومال براسه علي كتفها وعيط
امير كان عامل زي البالونه عماله تتنفخ باحداث وضغوط وكلمات سحر كانت الابره الي فجرتها وفتحت كل جروحه
سحر حطت ايديها علي راسه وبدأت تهديه
سحر: انا مبعرفش اواسي او حتي اقلل من ألمك بس اقدر اقولك اننا لازم نصدق من جوانا ونثق بالله اننا هنلاقي شهد مش من اول مطاف هنستسلم ونقول خلاص الحكايه انتهت ...مش يمكن ان مفيش اي خبر انها بخير
امير: انا مش عاوز الا اني الاقيها قدامي كويسه وانا هحطها في عيني مش هخليها تسيب ايددي ابدا هتفضل معايا ومش هسيبها ..شهد دي بنتي اعتبر انا الي مربيها ..احنا الاتنين عوضنا وجع بعض بخسرانا لسيف ...امير ابتسم باستسلام: حتي سيف للحظه دي عندي امل اتي هلاقيه بس مفيش للاسف
سحر: اخوك صح؟
امير: اخويا وتوأمي وروحي وكل حاجه كأنه لما مشي نصي التاني مشي وبقيت ناقص من غيره
سحر: هو ضاع ازاي
امير كان تايه في عينها وهو بيحكي وبدأ يحكيلها
Flash back
ابو امير كان صاحب طارق جدا وبعتبرو اخوات
كان في عدو خفي لأبو امير وكان طارق ماسك القضيه هو ويحيي ابو امير والشخص ده هويته اكتشفت فقرر يقتل طارق ويحيي لانهم اكتشفوه محاولته نجحت مع يحيي وعيلته
امير وسيف الي نجو وطبعا بأعجوبه لان للبيت ولع بيهم ..وطارق عرف ينقذ نفسه هو وبنته ولما راح ليحيي كان الوقت اتاخر
اخد العيال وطلعو عالمستشفي لانهم طبعا كان عندهم حروق بس بسيطه
سيف كان صغير جدا ومش فاهم حاجه كان كل ما يسأل عن اهله يقولوله انه مسافرين
سيف: امير هي ناهد فين ..انا بخاف بليل
امير: ماما يا حبيبي سافرت مع بابا راحو مكان بعيد
سيف: بس هم وحشوني هي هترجع امتي
امير بمواساه: السفر هيطول يا حبيبي
سيف:طب انا عاوز اروحلهم اشوفهم
امير: لا متقولش كده متسبنيش لوحدي يا سيف انت الي باقيلي
وكان واخده في حضنه جامد
سيف: انا بخاف وشهد بليل بتعيط وانا بخاف زيها وبنبقي عاوزين حد يحكيلنا حكايه
امير: انا يا حبيبي هحكيلكم ماشي؟
سيف: ماشي
طارق طبعا اتكلف هو بأمير وسيف مع بنته
ولان بيتهم اتحرق
كان فيه بيوت امنه بياخدها الضباط في اماكن صحرا وخافيه
فمن ضمنها كان بيت الشيخ زايد ده
لانها كانت من ٢٠ سنه صحراء .
..............
امير سكت فجأه وبدا جسمه يبان عليه اضطرابات غريبه كانه بيتشنج
سحر: امير انت كويس
امير: انا السبب ..انا السبب انا كان لازم اقفل الباب كان لازم اقفله
سحر: باب اي
امير: باب البيت هو هرب اول ما عرف انهم ماتو ...جه واحد كده وبدا يكلم مع طارق وبعديها قال اهلهم الي ماتو سيف سمع وعرف هرب مقدرش يسمع اكتر من كده ومعرفناش هرب فين دورنا كتييير كتييير اوي اوي في كل مكان ، مستشفي،  ملجأ ، اي مكان ممكن يتلاقي فيها وزعنا صور عملنا كل حاجه ومرجعش  قوليلي انا ازاي هستحمل كل ده ازااي معدتش عندي طاقه او قدره عالاحتمال كل حبايبي بيتسحبو من حواليا اتبقالي مين
سحر: انا موجوده وهفضل جنيك ومش هسيبك وانت اقوي انسان شفته فحياتي انت عملت كل حاجه ووقفت علي رجلك كبرت وربيت وكنت اب واخ لشهد ...انت بجد اقوي انسان قابلته
امير: بس انت تعبت عاوز ارتاح خلاص عاوز بس الاقيها هي وسيف ويكونو كويسين وانا هاخدهم ونبعد بعيد بعيد عن العالم ده العالم القاسي الي حتي مش سامحلي افرح ...هنبعد لابعد مكان ..مكان هادي فيه راحه وبس ومش هنرجع
سحر بلا وعي منها : وهتسبني
امير بنفس اللاوعي والتلقائيه: مقدرش اسيبك
(اي يرجاله كميه اللاوعي دي ركزو يا حباببي مش كده😂)
هنسيبهم معلش يرجاله نصايه ونرجعلهم😂😂
......................
نروح بقي لسيف الي اتصاب في كتفه ومحمود اتدخل وانقذه
محمود: انت كويس
سبف:اه اه شكرا ليك
محمود: دراعك بتنزف لازم تروح المستشفي
سيف: لا هتصرف انا فالبيت شكرا ليك
محمود: هتروح ازاي بعربيتك دي دي اتمشطت
سيف: هطلب اوبر متقلقش
وراح ناحيه العربيه يتأكد ان الاكياس ان جابها سليمه
محمود: واضح ان الأكياس مهمه اوي
سيف: فيها هدوم مراتي انت عاوزها تبهدلني
محمود: اسمحلي اوصلك
سيف: لا شكرا ليك انا هتصرف
محمود: انا عارف انك عارف انا مين
سيف: طالما عارف ييقي تتفضل انا مش مجرم عشان تعملو كده
محمود: الاحتياط واجب بردو
سيف: عن اذنك اتأخرت
وسيف اخد تاكسي ومشي
سيف في نفسه: اووف السكه بتتقفل من كل حته ولو اكتشفو انها عندي الدنيا هتتقلب فوق دماغي..هو انا اصلا سايبها عندي ليه ..اجابه السؤال دي مش عندي ليه ..طول عمري عندي إجابات كل جاجه الا دي ...مين دي وليه وانا معاها بحس بحاجات غريبه ...ليه ظهرت في احلامي وكوابيسي
(ده شعور اسمه الحب كده يا سيف يا حبيبي😂تلاقيك اول مره تحس بيه ده انت كل الي تعرفه الدم )
روح البيت وطلع لشهد وخبط علي الباب
سيف: شهد افتحي بسرعه يلا
شهد مسحت دموعها بسرعه واستجمعت قواها وارتدت قناع اللامبالاه
شهد: خير في ايه
سيف لاحظ دموعها الجافه ومناخيرها المحمره بس مرضاش يكلم عشان ميحرجهاش
سيف : هنسافر يلا اجهزي
شهد: ليه وهنروح فين انت بتقول اي
سيف: خدي الهدوم دي
شهد لاحظت ان فيها دم وان دراعه بتنزف
شهد: دراعك؟!
سيف:عشان كده بقول هنسافر اجهزي يلا وتقلي هدومك كويس لاننا هنقعد فتره في البحر
شهد:طب دراعك الاول
سيف: هتصرف
شهد: انا دكتوره هشوفه بسرعه بس شوفلي علبه اسعاف
سيف: مفيش داعي
شهد: مش هتحرك الا لما نشوف دراعك
سيف:تمم
...................
قطع تركيز وكلام سحر وامير تليفون امير
امير باحراج: الو
محمود: انا خلصت عندي وهو فاهم اصلا انه متراقب فمظنش انه هيعمل حاجه
امير: بس خليك مراقبه
محمود: هو كان قايل انه مسافر صح
امير: اه
محمود: هبسافر مع مراته لانه لما دخل المول جاب هدوم ستات وقال انه رايح لمراته وحتي مرضاش يروح المستشفي تقريبا مراته هي الي هتتصرف
امير: بس مش مكتوب في ملفه انه متجوز؟
محمود: ممكن تكون ...احم سوري فالكلمه واحده بعني وعايش معاها ..الي زي دول كده ومبيحبوش حد يعرف حاجه عنهم او عن حياتهم الشخصيه