#حواديت ايممى

𒊹︎︎︎اخيرًا جالها 𒊹︎︎︎

" اسكريبت كامل "
تقى : طيب يبقا انا كدا نقيت الفندق اللى هنعمل فيه الفرح و اخترت الفوتوجرافر و فاضل الميكب ارتست بقا ... تفتكرى اجيب مين !
يمنى : اللى انتى بتعمليه دا حلو اوى .. بس انا استوقفنى سؤال ! ، مين العريس !!
تقى : اه صح !! مفكرتش فى الموضوع دا ، بس مش مشكلة العريس دلوقت
يمنى : يعنى اية مش مشكلة !! هتتجوزى لوحدك و لا اى مش فاهمة !
تقى : لا طبعا و دى تيجى ، هجيب اى حد يمثل انه العريس
يمنى : يولا يا جامد عليكى افكار عمرها ماجت لحمار ، انتى يابت غبية !!! بس انا عندى حل ..
تقى : اممم قولى
يمنى بغمزة : الولا اخويا زياد
تقى : منا قولتلك مرة يا يمنى الكلب انتى ، اخوكى حلو و قمور و ابيض و عين بنى و دقن و عنده عضلات و سكس باكس و دكتور اسنان شاطر و عنده شقة و عربية و كل البنات بتجرى وراه ، بس هو عنده مشكلة
يمنى : اية هى
تقى : انه بيحبنى
يمنى : اه طبعا مشكلة كبيرة اوى ، ازاى مجتش على بالى
تقى : شوفتى بقا و غير كدا مش عايز يعترفلى الواطى
يمنى بزعيق : تقى انتى عايزة تهبيلينى !!
تقى بخوف : لا طبعا بس انتى مش فاهمة ان فى مشكلة اكبر ان انا كمان بحبه
بصت يمنى جمبها و مسكت كوباية المية و رمتها فى وش تقى
تقى شهقت و فتحه بقها بصدمة : اه يا كلب البحر ..
تقى خدت منديل من جمبها و مسحت وشها و هى بتقول : منتى لو فاهمة وجهه نظرى يا بقرة كنتى فهمتينى ، انا دلوقتى بحبه و هو بيحبنى فين المشاكل ! فين الخناقات ،فين التشويق و الاثارة ! ، هتبقى حياة روتينية اوى و انا مش بحب كدا
يمنى : انا مش عارفة اية اللى جابك عندنا ! امشى يا تقى و متجيش تانى !
تقى : طب هتيلى حته كيكة من اللى عندكو
يمنى : لا
تقى : طب هتيجى شوية بيبسى من اللى فى تلاجة عندكو
يمنى : لا ....
تقى وهى بتمثل انها زعلانة : براحتك .. انا ماشية
يمنى : متجيش عندنا تانى ها ..
تقى و هى بتفتح باب اوضة يمنى و خارجة شافت زياد جاى عليها فمثلت انها زعلانة ..
زياد ببمسة : ازيك يا تقى ..
تقى بزعل : الحمدلله يا زياد ..
زياد : احم مالك !
تقى بتبصله ببراءة : يمنى ..
زياد : مالها !
تقى : هى اللى مزعلانى ، ابقى فى بيتكوا و تزعلنى و تشتمنى و تطردنى و تقولى متجيش هنا تانى! يرضيك يا زياد
زياد : لا طبعا ميرضنيش
تقى : و تقولى انى معفنه و متحبش !! هو انا فعلا معنفه و متحبش يا زياد !
زياد : لا طبعا تتحبى يا تقى
تقى ببسمة : بجد و الله اتحب !
زياد باحراج : احم اه
تقى بزعل : انت شكلك بتجبر بخاطرى يا زياد
زياد بسرعة : لا و الله ابدا انتى فعلا تتحبى و اعرف واحد بيحبك اوى
تقى ببسمة : ابقا قوله انى كمان بحبه ...
فجأة يمنى فتحت الباب و شافت تقى و زياد قدامها بصتلهم بشك : انتوا بتعملوا اى !! ، و بصت لتقى : و انتى واقفة تعملى اى ! مش قولتى هتمشى !
تقى بزعل زياد : شوفت بتطردنى ازاى و انا فى بيتكوا يا زياد
زياد بحدة ليمنى : انتى بتزعلى تقى لية يابت انتى ، و كمان بتقوليلها انها معفنه و متتحبش !!!
تقى وقفت ورا زياد و بتلاعب حواجبها ليمنها بتغيظها يعنى
يمنى كزت على سنانها : بقا انا قولت كدا يا كدابة !
تقى : و بتشتمنى فى وجودك يا زياد واخد بالك !
زياد : اه واخد بالى
تقى : طب انا مش هتراضى يا زياد الا لما اختك تجبلى كيك من اللى عندكوا و بيبسى ...
يمنى : بيبسى اية يا معزة انتى !
تقى فتحت عنيها بصدمة مصطنعة
زياد قرب من يمنى و ضربها على قفاها بهزار : زى ما تقى قالت تعملى ..
يمنى بألم و هى بتفرك مكان ما ضربها و بصتله و بتتكلم بخفوت : انا محترماك بس عشان تقى موجودة فـ مش تعيش الدور ها
زياد بحزم : زى ما قولت كلام تقى يتسمع
تقى بتبص لزياد ببسمة و بتقول فى سرها : الرجالة لما تحب
......
تقى قاعدة بتاكل فى الكيك و بتتفرج على التى فى و زياد جمبها ..
تقى مسكت كوباية البسبسى عشان تشرب لقتيها خلصت فبصت ليمنى و حطت رجل على رجل : يمنى هتيلى بيبسى بسرعة لو سمحت
يمنى : خلص ..
تقى : انا و انتى عارفني انه مخلص بس هعديها بمزاجى مش لاجلى و لا لاجلك .. و قربت من يمنى و قالت بصوت واطى : لاجل زياد يبقى يشرب بيبسى منا بردو مش طفسة انى اخلص الازازة ، و بعدت عن يمنى و قالت : انا ماشية بقا عايزين حاجة !
زياد : هتمشى دلوقتى ! ما لسة بدرى !
يمنى : لا هى اتأخرت مع السلامة انتى يا تقى ..
تقى : بيقولك مرة صاحبة واطية
يمنى : انا يبنى !
زياد : اقعدى يا تقى و انا هبقى اوصلك ..
تقى بصتله بتفكير : لا انا اتأخرت اصلا و انا كدا كدا معزومة عندكوا بكرة
يمنى : اه ماما عازماها بكرا ، بس للاسف يا تقى زياد هيبقى عنده شغل بكرا
زياد بسرعة : لا معنديش الشغل اتلغى
يمنى بتضيق عنيها : لا ياراجل ! مش دا الشغل اللى كان مهم اوى و بتحضرله من كام يوم
زياد : الله منا قولت اتلغى ...
تقى : طيب انا ماشية سلام بقا
زياد وقف و اخد مفاتيح عربيته : يلا هوصلك
..........