أشتغل جواله بعد ما حمل كل بياناته القديمه واول شي شيك عليه الصور، واستغرب لما ما لقى اي شي عن حبيبه ملت وجهه خيبة الأمل وقعد يدور بالارقام وبرضو ما لقى شي يخصه.
سالم" من متى ما حدثت جوالي انا" فك الملاحظات ولقى العنوان حق شقة حبيبه ورجع ابتسم " لازم اروح له!" حضن جواله بفرح ودخل حساباته يدور شي يرجع له ذكرياته.
فتح تويتر وشاف محادثته القديمه مع حبيبه وضحك وهو يقرا كلامهم سوا " اكيد خايف علي الحين" انتبه انه مرسله رقم امريكي واخذه بسرعه يدق عليه.
مر الوقت وهو يستنى رد لكن ما وصله اي جواب " طبيعي ما بيرد على رقم غريب"، لكن ارسله" حبيبي انا سالم غيرت رقمي كلمني اول ما تشوف رسالتي ، أحتاجك"
حط جواله على جنب وهو يده على قلبه وكأنه فاقد شيء.
" اتمنى يرد بسرعه" تنهد ولف راسه يطالع بالمغذي، لكن توسعت عيونه وهو يتذكر موقف مر عليه:
" كان يصارخ على هيئه شخص اضخم منه قدامه وهو يحاول يسحب المغذي.
سالم بصراخ: كله بسببك انت اللي خليتني اوصل هنا عشانك! سويت كل ذا عشانك فاهم!
كان الشخص اللي قدامه واقف ببرود بعدها قرب له وثبته عالسرير.
تذكر نبرته الحاده: أثبت مكانك سالم بيدك مغذي!
سالم بحقد: مسوي تهتم الحين! خليني أموت مالك صلاح!
ثبته اكثر وهو يلصق وجهه فيه، عيونه الحاده قريبه وخلت سالم يثبت بخوف لين ما دخلت ممرضه واعطته مسكن عشان يرجع ينام"
حط يده على راسه وهو يسمع هجر يناديه لكن الصداع اللي قاعد يحسه اقوى من انه يرد.
نادى الممرضه تعطيه المسكن وما ممرت دقايق الا هدى الصداع عنه.
هجر: سالم تسمعني؟
فتح عيونه بتعب وفحصه هجر بسرعه: تذكرت شي؟
حضن سالم نفسه وهو يتذكر نظرات اللي كان يطالع فيه : اي كنت اصارخ على احد بمستشفى بس .
انتبه هجر انه يرجف فمسح على راسه: حصل خير حصل خير.
سالم بتعب: احس عيوني تغمض.
هجر: ما نمت اليوم؟
هز راسه بلا وكمل هجر: المسكن له تاثيره لما ما تنام لا تقاوم حاول ترتاح.
استسلم سالم لكلام هجر وغمض عينه لما شاف هجر انفاسه تهدى وقام بعدها يكمل شغله.
أنت تقرأ
صُدفه|TbxB
Random" نوع الروايه تومبوي x بوي"⚠️ هل بتقدر تغير قرارتك الخاطئه لو أُتيحت لك فرصه انك تعيد كل شي من جديد؟ أو بتلقى نفسك تكرر نفس الشيء بنفس الطريقه؟..
