Unicode
비밀《နှလုံးသားရဲ့ထောင့်စွန်းကမဖွင့်ဖြစ်သော လျှို့ဝှက်ချက်》
1....2...3....
လူတစ်ယောက်ကိုချစ်မိဖို့အတွက် ၃စက္ကန့်ဘဲကြာသလား?
အင်း...ဟုတ်မယ်ထင်ပါတယ် ကျွန်တော်သူ့ကိုသဘောကျဖို့အတွက် ၃စက္ကန့်ပဲကြာတယ်
သူ့ကိုစတွေ့တဲ့အချိန်က ၇တန်းနှစ်ကဖြစ်မယ် သူကအဲ့အချိန်က၉တန်းပေါ့။ကျောင်းကောင်စီကမလို့ ကျောင်းစိမ်းလက်ရှည်အဖြူကို ကျကျနနဝတ်ပြီး အမြဲသပ်သပ်ရပ်ရပ်နေတက်တဲ့အကို...။ အသားဖြူတာကြောင့်အလုပ်လုပ်ရင်ခေါက်တင်ထားတဲ့အကျီအောက်က သွေးသွေးကြောစိမ်းစိမ်းတစ်ချို့။ ကတ္တီပါဖိနပ်အစိမ်းလေးနဲ့အမြဲကျောင်းလာတက်တဲ့အကိုကခေါင်းအစခြေအဆုံးမြတ်နိုးစရာပါပဲ။ ကိုယ်ကျောင်းကောင်စီစဝင်တာသူ့ကြောင့်လို့ပြောရမလား။ သူကတော့ ကိုယ့်ကိုတောင်သိမှာမဟုတ်ဘူး။
သူ့အတွက်တော့မတော်တဆတွေ့ခဲ့ကြတဲ့ ကောင်စီအဖွဲ့ဝင်သာဖြစ်မယ်။
အဲ့တုန်းကနေမယ် မုန့်ဈေးတန်းမှာ ချော်လဲမလိုဖြစ်သွားတုန်းကထိန်းပေးခဲ့တာ။ သူ့သူငယ်ချင်းအမတွေက ကိုယ့်ကိုစနေကြသေးတယ်။ သူကအဲ့လိုစတာမကြိုက်ဘူးထင်ပါရဲ့။ နှုတ်ခမ်းလေးစူပြီးလှည့်ထွက်သွားလေတယ်။ တစ်ခါတစ်လေတော့လဲ အဲ့လိုကလေးဆန်ဆန် ချစ်ဖို့ကောင်းပြန်တယ်။
ကျောင်းကောင်စီကလာခေါ်ရင် သူပါမပါ လိုက်ကြည့်ရ၏။ကိုယ်ကနဲနဲအနေအေးတာမလို့ တကယ်ခင်တဲ့သူငယ်ချင်းသိပ်မရှိ။ ငယ်ငယ်ကပေါင်းတဲ့ကောင်တွေကလဲ ကိုယ်နဲ့ဇာတ်ကြောမတည့်ပါ။သူဌေးသားလေးက သူ့အိမ်ကားပေါ်ကဆင်းလာသည်ကို စောင့်ကြည့်ရသည်မှာလဲအမောပင်။ ကိုယ်ကယောကျာ်းလေးပေမဲ့ K Popကြိုက်တာမလို့ ကောင်စီကအစ်မတွေနဲ့Idolအကြောင်းပြောဖြစ်ရင်ဘေးမှာ Gameလာစော့ပြီးနှောင့်ယှက်သေးတယ်။
ကျောင်းပိတ်ရက်နီးလာ၍ ကောင်စီကလာခေါ်သည်မှာပိုကျဲလာသည်။
တစ်ရက်ကျ ဆရာကန်တော့ပွဲအတွက်ခုံတွေစီပေးရင်း မောလို့လှေကားမှာထိုင်နေတဲ့အချိန် သူတို့အဖွဲ့ကကိုယ့်နားရောက်လာပြီး စကားတွေလာပြောနေလို့ ထွက်ပြေးရသေး။ ကိုယ်ကလူထူးဆန်းတစ်မျိုး။ Crushနဲ့ထိပ်တိုက်တွေ့ကိုမတွေ့ချင်တာ။ အဝေးကနေကြည့်ပါများတော့ မျက်နှာချင်းမဆိုင်ရဲတော့ဘူး။
