1997/08/05 12.45 ට "කියලා අම්මි කියුවා අම්මි මාවත් එක්කන් එතනින් අම්මිගෙ ඩොක්ටර් රූම් එකට ගියා.....
ස්කූල් යන්න බැරි වුන නිසා අම්මි මාව ඩොක්ටර් රූම් එකේ අම්මි එක්ක තියා ගත්තා.
මට පෙනුනේ අර ලස්සන චූටි බබාව ඒ බබා ගොඩක් ලස්සනයි ඒත් ඒ බබා නංගි බබෙක්ද මල්ලි බබෙක්ද දන්නෙ නෑ අම්මිගෙන් අහන්න ඕනි
" අම්මි අර බබා මල්ලි බබෙක් ද නංගි බබෙක්ද "
" ඒ මල්ලි බබෙක් පුතේ "
" මන් එ මල්ලි බබාට ගොඩක් ආදලෙයි අම්මි මට ඒ මල්ලි බබාව ආයි බලන්න පුලුවන් ද "
" දැන් බෑ නෙ මගෙ පුතේ ඒ ආන්ටියි බබයි දෝ ගන්න ඕනි නේ හෙට ස්කූල් ඇරිලා මන් ඔයාව එක්කන් එන්නම් බලන්න හොදද "
" පොමිස් කියන්නකො අම්මි "
"පොමිස් පොමිස් මගේ හා පැටියෝ "
අම්මි වැඩ ඉවර වෙනකම් මන් චිත්‍ර පොත අරන් අර මල්ලි බබාව ඇන්දා . අම්මිගෙ වැඩ ඉවර වෙලා අම්මියි මායි ගෙදර ගියා අම්මි ගෙදර එන ගමන් මට ලොකූ ටිපි ටිපි එකක් අරන් දුන්නා .
මන් ටිපි ටිපි එකයි චිත්‍ර පොතයි අරන් මගේ කාමරෙට දුවලා ගියා ගිහින් මල්ලි බබාගෙ චිත්‍ර කොලේ අරන් ලස්සනට මගේ ඇද ලග ඇලෙව්වා . හෙට අම්මි එක්ක ගිහින් මල්ලි බබාව බලන්න ඕනි උම්මා එකකුත් දෙන්න ඕනි අම්මිට කීලා මල්ලි බබාටත් ටිපි ටිපි ගෙනියන්න ඕනි .
" ආ මගේ හා පැටියා මොකක් දිහා බලානද මේ කල්පනා කරන්නේ "
" අම්මි මේ මන් මල්ලි බබාව ඇන්දා හෙට යද්දි බබාට ටිපි ටිපි ගෙනියමු හා නේ සුදු අම්මි "
" හරි මගේ හා පැටියෝ යන් ඇග සෝදගෙන කාලා දොයි ගමු "
අම්මි මාව සෝදලා බන්ඩි පිරෙන්න බත් කවලා දොයි කෙරෙව්වා...
🚫" යන්න මාව අතහැර යන්න මාගේ වැරදි නිසා නුබ විදෙව්වා ඇති "
" මන් නුබට පොරොන්දු වුනා කවදාවත් නුබව අත්හැර නොයන බවට මාගේ ......"🚫
" පුතා පුතා මගේ හා පැටියෝ මොකක්ද මගේ පුතේ වුනේ ඇයි අඩන්නේ මගේ පැටියෝ "
