بداية أمنيه

... البارت الاول....... بداية أمنيه 🦋✍🏼 هاله صالح

وانا في المطبخ بحضر الاكل زي كل يوم سمعت صوت الباب بيتفتح وكان جوزي.....واول ما دخل قالي بغضب....
عمرو(جوزها).......انتي لسه ما حضرتيش الزفت.....
امنيه.......حرام تقول على نعمة ربنا كده..... وبعدين انا تعبانه ولا انت مش شايف........قلم نزل على وشي بمجرد ما خلصت كلامي....
عمرو..........انتي كمان هتتكلمي وتردي علياا.....كنت بعيط ومش قادرة اتكلم....لكن فجأة لقيت ولادي دخلوا......
حمزة........انت ليه وحش يابابا وكل يوم بتخلي ماما تعيط كده......
نيره وهي بتمسح دموعي......... خلاص بقى ياماما وحياتي ماتعيطيش.......
عمرو.........انتي مابتزهقيش من النكد ده انتي وعيالك كل يوم نكد وقرف.....اقولك مش عايز اطفح.......وسابني وخرج......

.....استوووب.....
اعرفكوا بنفسي انا امنيه عندي ٣٠ سنه متجوزة عمرو بقالي خمس سنين ومخلفين توأم ...نيرة وحمزة وزي ما انتوا شوفتوا كده عمرو جوزي على الحال ده كل يوم.....انا مش عارفه ايه اللي حصل بعد ما اتجوزنا.....اهلي ياما حظروني منه بس أنا اللي ماسمعتش كلام حد.....كنت بقول أنه بيحبني وبعد ما اتجوزنا بانت شخصيته الحقيقية.....من ضرب واهانه.... وطبعاً بسكت ماانا لو روحت لأهلي اول كلمة هسمعها منهم مش ده اختيارك.....فبسكت وبعيش عشان خاطر حمزة ونيرة......

.......خلصت الأكل وأكلت حمزة ونيرة ونايمتهم......كان هو لسه ماجاش....فأتصلت عليه.......
امنيه........انا خلصت الأكل......
عمرو ببرود........كلي انتي وعيالك انا كلت برة......سمعت دوشة جنبه وهو بيكلمني....
امنيه.........ايه الدوشه دي انت فين......
عمرو........اصل انا عند عمتي...... سلام.....

....قفلت ودموعي نزلت غصب عني.....هو عمره ماكان بيروح لعمته ولا حتى عيلته كلها.....بس من ساعت مااطلقت ياسمين بنت عمته وهو كل يوم عندهم ...ماهو كان بيحبها زمان......مسحت دموعي وقمت صليت العشاء ونمت من كتر التفكير.......

.........عدت الايام شبه بعضها ومفيش اي تغيير لحد ما في يوم..........كنت قاعده بتفرج على التلفزيون.......رجع عمرو من الشغل..............
عمرو........نيره خدي حمزة اخوكي ودخلوا اوضتكوا......ولما دخلوا اضتهم....
امنيه........في ايه يا عمرو......
عمرو........انا عايز اتجوز......
امنيه بصدمه........ نعععم...
عمرو ببرود قرب منها.......افهم......لكن قاطعته امنيه.....
امنيه..........ابعد عني ياأخي منك لله بعد كل اللي انا مستحملاه ده وفي الاخر عايز تتجوز.......وياترى مين دي اللي هتتجوزها بقى.......
عمرو بنفس بروده.......... ياسمين بنت عمتي.......
امنيه.........قول كده رجعت تحن للحب القديم....طب استنوا شوية ده العدة بتاعتها خالصة من اسبوع.....جابتك كده على طول.....
.....قام عمرو من مكانه ومسكها من شعرها......
عمرو.........بقولك ايه انا هتجوز يعني هتجوز......سواء رضيتي أو لأ......
امنيه........وانا مش موافقة....وقومت من مكاني لبست عبايه سودا وخدت نيره وحمزة...ونزلت روحت بيت اهلي.....حكيت لماما اللي حصل......ونايمة نيره وحمزة وبعدها صليت ونمت.......
.....تاني يوم الصبح بعد ما فطرنا.....
والدة امنيه.........بصي يا امنيه كل اللي بيحصل ده انا وابوكي الله يرحمه قولنالك عليه بس انتي اللي صممتي على عمرو.......بس دلوقتي انتي عندك ولد وبنت منه.....ارجعي بيتك يابنتي وبلاش تدي فرصة لغيرك تخربه........فضلت افكر طول اليوم في كلام ماما......وبالليل فعلاا رجعت البيت واول ما فتحت الشقة سمعت صوت جاي من اوضتي......كان عمرو وياسمين بنت عمته.......كنت مش مستوعبه حاجة خالص.......
عمرو.........امنيه اهدي دي مراتي انا اتجوزتها......بصتله بكسره ونزلت بسرعة وانا بعيط.......بس المرادي روحت لفاطمة اختي هي متجوزة محمود ابن عمي...... بمجرد ما دخلت عندها حضنتها وقاعدة اعيط........
فاطمه........مالك ياحبيبتي بتعيطي ليه.......
امنيه.........ع.....عمرو......
فاطمه..........عملك ايه بس الحيوان ده........
امنيه.........اتجوز علياا........
فاطمه.........ايه......
امنيه..........أيوة اتجوز ياسمين.....وحكتلها كل اللي حصل معايا من بدايه خالص.......
فاطمه.........كل ده ياامنيه.......كده حصل معاكي ومقولتليش.....هنا دخل محمود واتفاجأ من شكلي وعياطي......
محمود.........مالك ياامنيه في ايه.......حكناله اللي حصل....
فاطمه.......شوفت الواطي هانت عليه بعد العشره دي كلها......
محمود.........انتي اللي عملتي في نفسك كده......بصتله بكسره من وسط عياطي......
امنيه.......انا.....انا اللي قولتله ابقى واطي وقليل اصل معاياا......
محمود......... لأ...بس انتي اديتيله فرصة أنه يقلل من كرامتك واتنزلتي عن كل حاجة عشانه وادي النتيجة....بصي لنفسك يابنت عمي هي دي امنيه ....حتى شغلك اللي كنتي بتتمنيه سبتيه عشانه.......اسمعي مني وفكري كويس......ارجعي امنيه بتاعت زمان....ارجعي شغلك وحياتك......بقى......انا هسيبك تفكري وفي الاخر القرار ليكي.......سابوني لوحدي وانا قاعده بفكر هعمل ايه.....شريط بذكرياتي مع عمرو كان قصاد عيني.....فوقت من دايرة الذكريات......ولبست وقولت لمحمود وفاطمة......
امنيه........معاك حق امنيه القديمة لازم ترجع واهم حاجة أن امنيه القديمة مش بتسيب حقها ولا بتخلي حد يجي عليها......انا هنزل اقابل هدير دلوقتي.......
محمود........طب فاهمينا ليه.......
امنيه........هبقى اقولك بس لازم انزل حالاا.......ونزلت لهدير وقابلتها.......وهي تبقى صاحبتي ومحاميه مشهوره......وبعد ماحكتلها اتجهنا للقسم ........ياترى ايه اللي هيحصل وامنيه هترجع حقها ازاي.....؟اسنتوا الجزء الجديد.....🦋✍🏼 هاله صالح