هو طبيعي اكون قاعد لوحدي واسمع نفسي بتكلم وأنا ساكت؟؟
طب طب يعني هو ايه الصوت ده.
مهو لو طبيعي هيكون بيحصل للناس كلها
بس هعرف ازاي ان كان طبيعي أو لأ أنا حتي خايف اسأل حد فيقول عليا مجنون.
يمكن هلاوس..
اه هي هلاوس منا برضو مبنامش بقالي فترة وعندي ضغط شغل ومش مرك....
قطعت حبل أفكاري بصوتها الحنين
مريم.
مريم: حبيبي تشرب قهوة معايا
أنا : ياريت ي حبيبتي
مريم: أنا اصلاا عملتهالك
بضحكة خفيفة مني: ماشي ياستي و ياتري عملتيها إيه
مريم: فرنساوي زيادة هو إنت بتشرب غيرها
أنا : حفظاني انتي هه
مريم:ولو محفظتكش انت يعني هحفظ مين
مش عارف حتي مريم البنت اللي حبتها أكتر من نفسي مش عارف أحكيلها عن الكلام اللي ف دماغي ده قصدي الهلاوس يعني. ايه الهبل ده أنا بصحح الكلام بيني ومبين نفسي كمان!
مريم قاطعة أفكاري مرة تانية: هو انت بتخوني؟
انا ب استغراب: نعم!
مريم: لأ أصلي شايفاك يعني قاعد بتفكر كتير إيه بتفكر ف مين ي بيه
أنا: ياستي دي الرواية الزفت دي
مريم : رواية إيه؟!
أنا ب ارتباك: لأ قصدي آه.
اه ايه ياعم يخرب بيتك هتفضحنا..
مريم قاطعة الافكار كالعادة: رواية اييه بقولك
أنا: يا ياستي رواية ايه انا قولت رواية؟
مريم : اه قولت رواية ي أحمد
أنا : ياستي بقولك مراااية مراية أصل مراية الحمام مكسورة مش عارف من ايه
مريم : يلهوي مكسورة مين كسرها؟!
أنا : ياستي مفيش حاجة اتكسرت بهزر معاكي
مريم : انت مش هتبطل رخامتك دي بقالنا سنتين متجوزين ولسه رخم زي منتا
معقول بقالنا سنتين متجوزين!
عدوا عليا هوا دول
مريم : برضو بتسرح ومبتردش خليها تنفعك ي احمد
أنا : يهبلة بفكر ف مين
مريم: معرفش شوف انت
أنا: يبنتي انا بس بفكر أخدك وننزل نعمل شوبينج إيه رأيك
مريم:آه حلو ده هدخل ألبس بسرعة
أنا : بس هنتفرج بس مش هنشتري
مريم: نعم؟!.
انا بضحكة : ياستي بهزر هشتريلك اللي انتي عايزاه انهاردة
مريم: حبيبي حبيبي يعني.هات بوسة
الفكرة إن لما مريم بتبوسني عادة مبحسش ان مراتي بتبوسني. بحسها بنتي الصغيرة
مريم: يلا قوم إجهز يلا وأنا هلبس أهو
أنا : أنا جاهز كده كده
مريم : تمم ماشي
