لعنه شهد (قيد التعديل)

البارت 2

(بعد ما شهد ولعت ف ام فاروق طلعت عند ابو سعيد بس سمعت )

ابو سعيد بحب:بحبك اووي ياام سعيد مش مصدق ان العمر دا كله فات وانتي معايا ومنوره حياتي وكمان جبتي ليا سعيد زين الرجال وكنتي الزوجه والام وصاحبه وكل حاجه ليا وهتفضلي كد علي طول

ام سعيد بخجل:الاه بقي ياابو سعيد انت لسه بتقول كلام حلو زي زمان وانا بحبك يازين الرجال وابني دا هو زين الرجال عشان بس حته منك انت ابوي واخويه وكل حاجه فى حياتي

شهد وهي بتخبط الباب:افتح ياابو سعيد هو دا اللي بقولك بلاش شقاوه ياعم افتح وانتي ياام سعيد في اي ياختي انا وخده بالي منكم الفتره دي شغالين حب فى بعض خير

ابو سعيد بغضب مصطنع:طب بعد الكلام دا انا مش فتح الباب

شهد بصوت مرتفع :افتح ياابو سعيد وبلاش تحب في ام سعيد دلوقتي افتح ياعم انت مش عايز تفتح عشان مش اقول لناس أن ابو سعيد بيحب في ام سعيد

ابو سعيد بغضب وغيظ :يخربيتك يافضيحه ادخلي

شهد بضحك:ايو كد بس عايزه سالك سوال ياابو سعيد مين زين الرجال سعيد ابنك المهزق اللي مش بيسيب البلايستيشن مع الواد فاروق

ابو سعيد  بغيظ : ملكيش فيه ابني برده زين الرجال

شهد بمرح:القرد فى عين امه غزال

ام سعيد بهدوء :طب تعالي و بطلي لمضه وهزار

شهد بحزن مصطنع:تعرفي امي ديما كانت تقول ليا بطلي هزار مع الناس دول وحشين اوووي مش زي ما انتي شايفهم كنت على طول اقولها يا امي فى الحلو والوحش بس طلع كلهم وحشين ياام سعيد اه مش قادره والله يا ام سعيد

ام سعيد بتأثير :ياقلبي امك تعالي فى حضني ياضنايا معلش ياحبيبتي

ابو سعيد بضحك:لا شاطره يابت مشهد أنك هتطلعي بنت ملجأ امتي يا شهد بس تمثيلك اتتحسن يابت

شهد بضحك:لو فى طلب جمهوري على مشهد الملجا هيبقي الفتره الجايه انتظروني روتانا سينما أوع تغمض عينك

ام سعيد بغضب:يابت ..... طب تعالي انا ساكته ليكي من بدري لا وقال اي انا اللي كنت هعيط عشان مديقه عليكي

شهد بمرح:هي مش اول مره يعني بس انتي اللي قلبك قلب ضعيف مش بيتحمل

ام سعيد وهي بتقلع الشبشب:ايو قلبي ضعيف جدااا تعالي بقي اخليكي تشوفي القلب القوي ياجزمه

بعد ساعه خرجت شهد تتمشي و هي بتفكر فى حياتها ،ثم تتكلم بينه وبين نفسها وقالت

شهد بحزن  :قد اي انا  لوحدي حتي معنديش زي البنات اخ سند ليا وقت ما اقع او حتي وقت ما اخاف طب لما اتعب انا مش بلقي حد يقاعد جنبي يشوف انا بقيت احسن ولا لا يارب اعمل معجزه خليني احب واتحب وأشوف  الشخص اللي يخاف عليا ويبقي سند ليا