البارت الحادي عشر
سلار . قررت اروح وي خواتي لقصر الشيخ ورحت طبعا رحنه وتعرفت على فطوم وقترحت عليهن سالفه المزرعه راحت مهره وجت وجه مخطوف لونه
سولفتنه شصار وياها وكالن رايحات نبدل اني هم كلت اخواتي يله اروح ابدل طلعت من باب المطبخ اتلكيت الشيخ العصبي
خزرني وفات ابتسمت مدري ليش ورحت للبيت لبست فستان سمائي وفليت شعري الفستان ضيق من كدام ومنفوش من جوه
هيج اتفقنه نلبس اني مو دائما البس حجاب يعني ما محجبه ومحجبه نص ستاو 😌فليت شعري ومشطته ولبست حذاء رياضي1
وطلعت فتت من يم الديوان مديت راسي محد بي طبيت ليجوه واني رافعه الفستان شفته جبيررر وبارررد واو الأجواء تجنن
طلعت ورحت للقصر طبيت للمطبخ لكيت الولد كاعدين كلهم واولهم الشيخ العصبي نزلت راسي جان يحجي الشيخ الجبير
الشيخ سلطان . هلا بويه هلا
سلار بخجل . هلا بيك شيخنه اتمنه تكون بخير
الشيخ سلطان . هلا يبووي شهل صوت أنه بخير يأبه
سلار . شيخ وين البنات
الشيخ سلطان . تعالي قربي علي
قربت اله هو كاعد اول واحد حطيت عيوني بعيونه ابتسم ولزم شعري جان يكول
الشيخ سلطان . شهل شعر بويه ليش مضامته
الاسد . اتضمه لتخاف
سلار . ما اقتعد حجه وياك
الاسد . نزلي عيونج لا افكسهن
سلار . عيوني وبكيفي اجيييب شكد تحط خشمك بيه
الاسد بعصبيه . اكلي تبن ولج بكد اصبعي بومه
سلار بعصبيه . للاسف ما مشتهيتك هسه من اشتهيك عود اجيك
ام الأسد . يمه على كيفج ويا ابني شهل لسان
سلار . خاله كليله ليدخل بيه تره والله يصير موته على أيدي
عفتهم وطلعت بره انتضر البومات خربن مزاجي
الشيخ سلطان . اتعرفون الأحداث من اجت سلار الشعر مفلول وشطوله اتقربت يمي شكد حلوه وأخلاقه عاليه بس يم الأسد دلاله
صارت جدالات هيه والاسد عافته وطلعت ما اشوف غير الأسد كعد يبتسم حط أيده على رأسه ويبتسم وحنه صافنين علي
طكيته على أيده تغيرت ملامحه وعكد حواجبه عرفته ورا شغيله شفته رفع حاجب لشموخ وكان كام ورا شموخ وصقر وجبل وفهد
باوعت وراهم هذوله شبيهم نزلت البنات لابسان فساتيين مثل سلار ضحكن وطلعن
سلار . طلعو العصابه باوعلي الشيخ العصبي وخزرني رفعتله حاجب شوي وطلعن الصخلات وكلتهن رزاله اتكاودنه
ومشينه المزرعه اخيرا وصلنه كعدنه نسولف ونحش بعمام فاطمه وهيه هم تحش بيهم مثل المطيه 😂شفت يزن من بعيد بيده علاكه1
ركضت اله اخذتهن بسرعه وشردت هو ضل يباوعلي والبنات يضحكن فتحت العلاكه بيها كرزات ونساتل وحده بيها عصائر
كمنه نحش كلنه نلعب ركيضان ذبن ذبن احذيتهن وكمنه كل وحده تركض وره الثانيه ونضحك سمعنه صوت الشيخ وحده باوعت للثانيه
الاسد . من سمعت قصه فاطمه ما اجذب انقهرت عليها وخلاص هيه بحمايتنه صعدت نمت كعدت الصبح وكل عاده ديوان وشغل
دنيه الضهر التمينه كلنه نضحك ونسولف طبت علينه سلار بس شنو بلوه على رأسه لابسه ثوب بلون عيونه سمائي
وفاله الشعر صارت نقاشات بينه طلعت هيه كرصت شموخ ورفعتله حاجب هو فتهم انو كوم شفت شموخ كرص صقر وصقر كرص فهد
كمنه شفتها بلباب باوعتلها وخزرته رفعتلي حاجب كلش استفزتني اتسوي بيه عناد رحنه للديوان كعدنه نسولف شوي وطب جدي وعمامي وياهم
الشيخ ابو جبر وجبر وخوته عباس وانس ويونس كعدنه اني افر بلسبحه ضايج مدري شبيه جان يحجي الشيخ ابو جبر
الشيخ ابو جبر . اي يبو جراح اسئلنك سوال
الشيخ سلطان . كول ليبو جبر
الشيخ ابو جبر . اشونه بنت الفلاح الصغيره
الشيخ سلطان بستغراب . زوينه بس ليش
الشيخ ابو جبر . اريدنك تحجيلي عنها يخوي
الشيخ سلطان . ليش يخوي سولفنه
الشيخ ابو جبر . السالفه وما بيها يخوي جبر شايفها وحابها لبنيه هاويها ورايدها
الشيخ سلطان . اها بس
الشيخ ابو جبر . انته لا تشيل هم أنه أحاجي ابوها
الشيخ الأسد . بس يعمي بس
الشيخ جراح . وليدي الولد رايدها لا تكطع بقسمتها
احس شي حار ونزل على صدري وما ادري شنو هو نزلت راسي واني افكر راح تصير زوجته وتحبه وتحضنه وتخلفله ولد وبنيه1
اني مدري ليش جاي افكر هيج برغم البنيه تجادلني وجادله وحب لسانه وجرائته ماكو أكثر من هيج بس البنيه ماليه عقلي
باوعت لجبر بخيبه امل وتخيله حاضنها باوعلي وكأنه يحاجيني بس مافهمه لحد ما دغني عمي ناصر كلي شبيك شيخنه
الشيخ الاسد . راسي يوجعني ما بيه شي ابد
الشيخ جبر . اها شلونك سالي ساعه احاجيك
الشيخ الاسد . بخير
الشيخ جبر . لعد ليش راسك يوجعك يخوي صاير شي
الشيخ جراح بشك . ما شرب جايه الصبح وكام يوجعه رأسه
الشيخ منذر . ومنام زين
الشيخ ابو جبر . اخذلك مسكن خافن يقوه الم راسك يوليدي
الشيخ الأسد . هسه اصير زين
فعلا صار راسي يوجعني نزلت راسي ولزمت كصتي غمضت عيوني حسيت بيد على رجلي شفته ايد شاب رفعت راسي شفت يزن مبتسم كبالياطاني ستكان جاي ابتسمت بوجه وكمل توزيع الجايات طلع يزن وصلتي رساله على جهازي
( اشصاير اشوفك ضايج خو ماكو شي )
ماكو شي بس راسي يوجعني
( اكول ليش متطلع أنته وشباب نشرب كهوه )
اكول اكول ن.. هسه تجينه طلابه جديده وتعالو نضل نفتر بليل عود
( اوك يله روح )
ولي
سديت جهازي ورجعته لجيبي باوعت لجبر يباوع عليه غمضت عيوني وسديتهن طبو شيوخ كومه وبدينه نتناقش بطلابه واحد متعدي على أخته
ساعتين نجر ونعر بيها للسالفه كوه انحلت كمت بسرعه طبيت للبيت وكبل لغرفتي بدلت دشداشتي لبست دشداشه سمائي وغتره سوده وطلعت للمزرعه
وكل عاده شفتهن كاعدات يسولفن عفتهن ورجعت للبيت سبحت ونمت بسرعه ....... كعدت على صوت امي وهيه تلعب بشعري
ام الأسد . اصمله يمه خو ما فزيت
جريت أيدها بستها وحطيتها على راسي كامت تفرك براسي رجعت غفيت
يتـــبع 😍🔥
