البارت السابع عشر
الاسد . راحو وضلينه بلديوان كلبي يم سلار مدري ليش احس هيه مو بخير طلعنه اني ولولد كعدنه بلمزرعه نسولف ونضحك
كلت لفهد خابر يزن وخوانه خل يجون خابر يزن بس ملامحه تغيرت مدري شبي باوعلنه بقلق صقر كاله شكال كال سلار بالعه حبوب ابوها ومسويلها غسل معده1
احس الدم وكف بجسمي مدري ليش كمت من يمهم رحت لغرفتي ذبيت عكالي والسبحه والساعه ولمحابس كعدت على الجربايه لازم راسي
اشبيه اني كل ما افكر بيها ابتسم ومن اشوفه كلبي يطير خايف اطلع احبها وهيه متحبني هيج ينكسر كلبي وانهان لاني شيخ ولشيخ من يحب وينكسر كلبه تعتبر اهانه اله
بعدها بشويه أبويه دز نوارس عليه نزلت لكيتهم مجمعين أبويه كال
الشيخ جراح . يا جماعه الخير عندي خبر الكم
الكل . شني
الشيخ جراح . والله غدير قبلت بخطوبه جبل
ما اشوف غير جبل كمز شبك أبويه ضحكنه علي فرحنه كلنه بعدين اجاني شموخ كالت رجعو للبيت زينه ما بيها شي
نمت مرتاح أنو هيه ما بيها شي كعدت الصبح بأجر محرم هلا بي والله مشتاق لجوائه لكيت الشباب طالعين طلعت اني هم
رحت للخان حتى اشتري عجل أوامر جدي طلع بلمليون ونص العجل نذبحه للموكب والعزيمه مالت لشيوخ لصير بأجر كلش جبيره
ونذبح خرفان ثنين بلسابع لبو فاضل ونطبخهن ونطبخ بيوم العاشر هم اشريته خلو بسياره اني طلعت بسيارتي وهمه وراي
رحت للمزرعه الكبيره نزلو وشدو بليل يذبحو والخرفان يمه رجعت للبيت لكيتهم مهوسين النسوان كلهن بلسوك بس اتفاجئت من شفت لبوتي يمه كتكوتي هههه
والله يلوكلها اسم كتكوتي ههههه ابتسمت بوجها شو ردتلي ابتسامه ولكم مضروبه على رأسها البنات كلهن جاي ينضفن ويجرنها بضحكه ثولات ههههه
من شافني وكفن بحترام الي شفتها لازمه معدتها حقها الغسل صعب وهيه صغيره صعدت سبحت وبدت ونزلت طلعت للديوان
العصر ذبحو للعجل وبدو ينضفو لمحت سلار طالعه من المطبخ رحت الها بسرعه باوعت إليه بعيون ذبلانه رجعت لزمت معدتها نزلت بمستواها
بست رأسها باوعتلها بحنيه مثل نضرات الابو لبنته
الاسد بحنيه. شلون صرتي ليش هيج سويتي ها
سلار . ويهمك اني شلون صرت يهمك
الاسد . طبعا يهمني شبيج
سلار . خلي اهتمامك لخواتك وهلك فهمت
اطتني ضهره وراحت اني هم اطيتها ضهري دروح حسيت واحد شبكني شبكت تقريبن بطني درت وجهي شفتها سلار اتفاجئت
نزلت لمستواه شفت دموع بعيونها بتسمت بوجها جريت خدها بتسمت وسط دموعها حطت ايديها على لحيتي جريت أيدها وبستها
سلار . اعتذر شيخ عصبي
الاسد . مقبوله منج لبوتي
سلار . فعلا اعتذر منك على كل غلطه غلطتها وياك وشكرا لأن ساعدتني وخليت أبويه يرفض جبر وشكرا لانك ساعدتني من جبل حاول يتعدى عليه وهسه اعتذر انته على الراشدي لضربتنيا يله
الاسد. ههههههههه ما اعتذر جنت عصبي
سلار . ما غلطت من سميتك الشيخ العصبي
الاسد . ما غلطت من سميتج لبوتي امشي للمزرعه مالتج
كدتها ومشينه نفس ما كتلكم مضروبه على رأسها وصلنه لمزرعته شفت جدي وشموخ وبويه بعيدين حيل واكفين يم العجل كعدنه على المصطبه
سلار . اكلك
الاسد . كولي
سلار . هذاك شنو
الاسد . هذاك العجل زوج البقره
سلار . البقره هم عدها رجل
الاسد . ههههههه خرب عقلج
سلار . بله شاف منها وازوجها هاذا
الاسد . هههههههه ولج نجبي هههههههه
سلار . ليش تضحك اني غلطانه بشي
الاسد . لا حقج
سلار . كبور شكد غبيه اني
الاسد . لييش
سلار . استوني عرفت العجل يصير زوج البقره
الاسد . الاسد زوجته البوه
سلار . يعني انته راح تزوج لبوه
الاسد. نجبيي لبوه
سلار . اكوم اني لأن بديت اعصب وخاف ازلك وياك بلحجي يله باي
الاسد . باي ههههه
كلبت وجهي شفت جدي وبويه متجهين الي
سلار . فتحت عيوني ما شفت يزن يمي شالوني ودوني للبيت وكعدو يمي اني نمت ما حسيت بشي نمت كعدت الصبح اكلت خفايف
جرجرني البنات لبيت الشيخ طبينه كلهم ماكو بس البنات اتحمدلي بسلامه كعدت وهنه ينضفن طب الأسد بتسملي وبتسمتله
صعد وبعد شوي طلع صار العصر طلعت اريد البيت لأن جوعانه وتعبانه معدتي توجعني شفت الاسد كدامي باوعتله اتجادلنه
بس بعدين اتذكرت هو الي خلصني من جبر اعتذرت منه جرني للمزرعه مالتي كعدنه وبديت نسولف علبقره ورجلها هههه رحت للبيت كبل اكلت ونمت
يتـــبع 😍🔥
