The elfin knight sits on yon hill
Blaw, blaw, blaw winds, blaw
He blaws his horn loud and shrill
The wind has blawn my plaid awa
'If had yon horn in my kist,
Blaw, blaw, blaw winds, blaw
And the bonny laddie here that I luve best!
The wind has blawn my plaid awa
'Ye maun make me a fine Holland sark
Blaw, blaw, blaw winds, blaw
Without ony stitching or needle wark
The wind has blawn my plaid awa
'And ye maun wash it in yonder well
Blaw, blaw, blaw wind, blaw
Where the dew never wat, nor the rain ever fell
The wind has blawn my plaid awa
'Now sin ye've askd some things o me,
Blaw, blaw, blaw winds, blaw
It 's right I ask as mony o thee.
The wind has blawin my plaid awa
'My father he askd me an acre o land,
Blaw, blaw, blaw winds, blaw
Between the saut sea and the strand.
The wind has blawin my plaid awa
'And ye maun plow 't wi your blawing horn,
Blaw, blaw, blaw winds, blaw
And ye maun saw 't wi pepper corn.
The wind has blawin my plaid awa
'When ye've dune, and finishd your wark,
Blaw, blaw, blaw winds, blaw
Ye'll come to me, luve, and get your sark.'
And the wind has blawin my plaid awa
YOU ARE READING
Child Ballads
RandomLyrics to the first 100 traditional English and Scottish ballads collected by Francis James Child.
