#لا_اكراه_في_الحب(01)
#بقلـ ✍️ـم:نـوودين=Πeedoo)
ف بيت كبير مليان بالاثاث والديكور اكتر مما يكون مليان بالناس احد احياء الخرطوم الراقيه ف الباب بلاقوك 3عربات مقرشة واول م تدخل ف حديقه كبيرة مليانة بكل انواع الزهور والاشجار الصغيرة مخضرة ومورقه وظليله تحجب الرؤية الأفقية من البيت حتي حجبت الرؤية واشتد الظلام نهارا بلاقيكم المدخل للبيت ف الصاله مرة اتجاوزت الاربعين ولكن يبدو عليها وكانها ف بدايه الثلاثين رافعه صوتا المبحوح وبتكورك ومتجهة نحو غرفه وبتقول ي ميمي انا طالعه وخليت ليك الاكل جاهز وانا يمكن اتاخر بعد المغرب كلمي السواق يجيبك لي ف محل الشغل لو م بتقدري تقعدي ف البيت براكي او اقعدي مع ناس مياس لما انا اجي ميمي بتزمر طلعت سماعتا وقالت ليها don't worry about me mam)(م تقلقي علي ماما)وباسة بتها وادتا المفتاح وطلعت ف البوابه حارس العمارة عمو عبدالله زول طيوب وسلاااام وكلامو حلو طبيعي جنبو مصحفو واذكار الصباح بتاعو وكبايه الشاي المابتفارقو لما شاف مدام سهام جات طالعه وقف علي حيلو بادر بالتحيه السلام عليكم ورحمة الله وبركاته ست سهام اكتفت بي عليكم السلام ي عبدالله
(ونسال من وين الوضع بقا م بنطاق وجانا الفقر م نحنا برانا محينا الرحمة والبركة يااااخي حتي السلام قللناهو وااااأسفاه😐💔)
قالت ليهو انا طالعه وخليت ميمي دي ف البيت لو غيرت راي المغرب قالت جاياني ف المركز قول لي ولدك حمدان يجيبا بالعربية وانت خليك لما نحن نجي قال ليها ان شااااءالله قالت ليهو يلا انا طالعه قال ليها ف امانة الله ورجع قعد ف كرسيهو ومسك مصحفو اللحظة ديك ست سهام دورت عربيتها وبوووووم علي مركز التجميل عندها مكان كبير هي خبيرة تجميل ف احدي الاماكن اخر شياكة ومك اب يصغر عمرها 10سنوات نرجع لميمي الخلوها براها طلعت سماعتا ياااخ البت دي شدة م مدمنة استماع تحس الفنان ح يقول ليها عليك الله اديني جغمة موية ريقي نشف🌚من صباح الله دا يصبح هي مركبه سماعتا ف اضانا وعايشةف عالم تاني لا بتطلع من غرفتا دي لا من الله قال دي اجازة تالته بتعمل اكتر من كدا🌚مووش ي الاجزتو جربتوها صاح ولا م غلط🌚
الموهم طلعت من الحمام وهي بدندن اغنيه انجليزية انا شن عرفني بالاغاني العربيه خلي الانجليزية😴سمعت تلفونا اتصل شالتو وقدام المرايه وقفت ودي شدة م بتقيف كتير قدام المرايه تحس المرايه عايزة تقول ليها والله انتي حلوة خلاص كفاكي بتسحري روحك🌚عاد انا مرايتي الا كم شاشه تلفوني دي 😴ردت بدلع
اهلين ي بيبي .............امممم يعني زعلت مني................ ام سوووو سوووري بيبي بس والله كنت باخد شور م سمعت مكالماتك........................... ولاشي بسرح شعري وعايزة اشوف لي شي اكلوو.................................... تيب 10دقايق وبرجع ليك
وقفلت الخط 🌚م سمعنا كلام البيبي ي ربي بكون قال ليها شنو 🌚البت سرحت شعرا واتجلبطت ليها حاجات كدا ولبست سماعتا وبقت تدندن وطلعت من غرفتا ع المطبخ عاينت يمين شمال لحظة اخليها هي تتكلم معاكم انا مالي ومال التعب 😴👌
اووووف م ف شي علي مزاجي ميه مرة قلت لماما بلاش تطبخ اكلات م ليها داعي بس ف البيت دا زول بسمعني م ف 😭اسي انا اعمل شنو فكرة ح اتصل لحسام الوووو ي حسوووم كيفك ي قلب هههههه لالا والله دايما انت ف بالي بس تقول شنو امممممم عايزة بيتزا دليفري سرررريع ممكن تكلمك اخوك يرسلا لي من مطعمكم اوووك ببعت ليك العنوان ف مسج يلا بايات yes 😌👌اخيرا الواحد يستفيد منهم ف اللحظات دي يلا ع بال م يجي الديلفري انا ح اطلع اشم هوا اممممم ليه م ف زول من صحباتي ديل بعبرني بديت امل من الااجازة لحظة اتصل لهودي دي اشوف الحاصل معاها شنو اي ي هووودي كيفك ي حوب خبرك شنو ليه جافيه كدا من اخر مشوار وعملتي رايحة مشغولة بشنو مباااااالغه وانا اخرر من يعلم لا انتو اتغيرتو شديد ي هودي م اتوقعتها منكم عديمين زوق تعاليني ف البيت طيبب هي متين لازم تجيني الليله انا م ح اقدر اطلع بكرة ف الشمس الحارة دي ايوة كلمي احمد يجيبك ومن هنا انا بكلم عمو عبدالله يودينا ولدو مرات بسوق لينا العربيه ومنها نمش لي ماما ف الشغل تعمل ليك شعرك بكرة نكون جاهزين طيب يلا منتظراكي انا م تتاخري علي اخيرا الديلفري وصل الواحد ياكل بمزاج
بعد نص ساعه من الجلوس اما المرأة( لا ادري من الفاتنة الصورة التي ف المراأة ام الحقيقه التي انعكست صورتها امام المرأه 😍)جات هودي داخله ميميتي موووشتاقين كيفك فلة الحمدلله وانتي اتفضلي اقعدي البس ونطلع طالعه كيوووت ي بت انتي بقيتي خبرة ف الميك اب هههههه فطرة اتعلمتو من ماما لبست وطلعت قالت لي هودي يلا بينا جات ميمي ي عمو عبدالله كيفك ي ميمي انا تمام وين حمدان طالعين يوصلنا قال ليها مشي المسجد لكن اسي بجي يوصلك انتظريهوو اووووف بكره شي اسمو انتظار 😐💔هودي قالت ليها تعالي ننتظرو دخلنا قعدنا 15دقيقه كدا وطلعنا لقينا حمدان قاعد جمب ابوهو وعندهم صحن فيهو فته وشكلهم يداب بدو الغدا عاينت للساعه بتزمر انتبه لينا قام قلت ليهو كمل اكلك نحن ح ننتظرك ف العربية كلو من ماما ياما قلت ليها تخليني اتعلم السواقة وارتاح بس شابكلني لسه صغيرة هودي ضحكت قالت لي كلنا نفس المشكله ي بيبي زكرتني البيبي شلت تلفوني واتصلت عليهو الرقم كان مشغول جا حمدان قال لي علي المركز ولا وين قلت ليهو لا المول عاين لي باستغراب وصنة مسافة قلت ليهو سريع م تاخرنا ركب واتوكل علي الله انا تلفوني اتصل فتحت الخط وسكتا قال لي سوري حبيبتي كنت بتكلم بالتلفون عشان كدا م رجعت ليكي قلت ليهو اوك راحتك بس وقت عارف روحك بتنشغل يبقا م تقول لي برجع ليكي بعد 10دقايق قال لي ي ميمي يعني نحن م ح نخلص من الدوامة دي اعتذرت ليك انا معليش سكتا م رديت قال لي طيب ي انا اعمل ليكي شنو عشان ترضي م بحب اشوفك زعلانة امممممم ممكن اشوفك اسي بس الزمن اتاخر انتي وين ماشة علي المول خطوبه صحبتنا بكرة ولازم اشتري شي وكمان عايزة ليها هدية طيب ح اجيكي انا يااااي بالجد اكيد ي انا عندي كم ميمي انا واحدة بس🙈قفلت الخط مبسوووطة ياااخ اشتقت ليهو اخيرا ح اشوفو هوي قالت لي بتتبسمي براكي مالك ابتسمت وم رديت قالت لي اتكلمتي مع الحب قلت ليهو طبعا منو غيرو وصلنا اول م دخلنا لقيت باسم ف وشي😍جيت عليهو سلم علي بلهفه لينا تلاته اسابيع م اتلاقينا وسلم لهودي وقعدنا نتونس يلا اعرفكم علي
انا اسمي ميمان احمد الحسن عمري 16سنة لوني فاتح متوسطة الطول انجليزيه القوام وقائقه الجمال علي حسب كلام الناس وحيدة امي اصلا ابوي وامي م متفقين كتير ف بيناتهم خلافات كتير ابوي زول تقليدي شوية ومتعصب دينيا وخلقيا وكلو وماما منفتحة زولة ليها مكانة بتحب تاخد حريتا الشخصيه عمرها 40سنة قرت فنون وبعد خلصت ابوها عرس ليها ابوي اللي هو ود عما وبعد ابوها مات خلا ليها ورثة كتيرة بما انها كانت وحيدة م كانت عايزة بابا بس تدبير اهل وكدا ولقتا فرصه اصلا ابوها م راضي ليها بالجامعه ومن قبل تخلصا كان ناوي يعرس ليها بابا ف هي قدرت تقنع بابا يخليها تقرا وتخلص بعداك العرس وبعد العرس بشهرين ابوها اتوفي وجاطت مع ابوي وقالت الا تشتغل رغم انو وضعها المادي كويس بس ابوي م كان عندو شي ف عايش ف كنف امي علي م اعتقد دا سبب مشاكلهم اللي اصلا انا م لي فيها هم الاتنين م بهتمو بي ماما تظبط مظهرا وشكلها ومكانتا. واسما بين الناس وابوي ماسك شغل ف السعودية وقطر وبسافر م بقعد معانا كتير ولما يجي بتامر فيني م تطلعي وم تلبسي وم تطلبي صراحة كرهني حياتي وم بحب انو يجي احسن ليهو بعيد مننا ماما ولدتني وتاني م عندها اي طفل من ابوي عايشة حياتا كتير مرات بتفكر تطلب الطلاق بس بتتراجع اهل ابوي واهل امي اولاد عم بس ولا كانو ف قرابة م شغالين ببعض نهائي عشان كدا انا عايشة حياتي وحيدة اتعرفت علي باسم دا لما كنت ف 2ثانوي دايما بشوفو ف شارع المدرسة وحبينا بعض واسي هو وصحباتي بس البفرقو عني بطلع معاهم بتونس معاهم
م عندي لاخوال ولاخالات امي م عندها اخوان وابوي عندو اخ واحد واخت واحدة بس وهم ف البلد م بيجو هنا ولا انا حصل مشيت ليهم 😴من قمت وانا بسمع مشاكل امي وابوي بقيت بتحاشاهم وم بقعد معاهم وعشان م اسمع مشاكلهم سماعتي ف اضاني والسلام حاسه نفسي ف شي ناقصني رغم انو هم موفرين لي اي شي بس الحياة المادية م كل شي فقدت رغبتي ف حاجات كتيرة وم بثق ف الناس وم بحبهم ولابحب اغتلط بيهم صحباتي محدودات هودي هي برضو زي كدا امها بتسافر كتير بس الفرق دي عندها اخوات كبار يهتمو لامرها وبشرفو علي تربيتا م زي امي معتمدة علي السواق يوصلني محل م عايزة م حصل جات سآلتني انا بمش وين بجي من وين وحاسة بشنو كل البتعملو تبوسني لما تجي طالعه وم بترفض لي اي طلب وكمان الهدايا دي عادة عندها كل فترة وفترة بتجيب لي هدية انا م بعرف اذا دا معني امومة بس الله لايخليني اجربا لو كدا 😴😴الموهم دي حياتي مع امي اما عن ابوي م بتذكر يوم قال لي كلمة حلوة كان دايما بحسسني انو مجبور علي ونهائي م حصل عاملني بحنيه م بيعجبو شي من الانا بعملو وحتي مرات كتيرة بحميني اعمل حاجات كتيرة انا بحب اعملا منعني دروس السباحة والموسيقي وكان دايما دايما بعترض علي اي شي حتي شكلي عشان كدا انا م عندي معاهو ارتباط ولما يجي بقفل لي نفسياتي م ف طلعه لاصحباتي بجوني ولا بمش ليهم حتي ماما بتخلي الدوام المسائي لما هو يجي بحسسني اني ف سجن لو م امي احيانا بدافع لي كان انتحرت وريحت نفسي 😴
الموهم كدا حياتي لا اخت تحسسني اعمل الصاح من الغلط لاصديقه عزيزة احكي ليها عأيشه علي كدا حتي باسم م بنتفق بس بنتحمل بعض 😴نرجع لموضوعنا اخدت ونستي مع باسم طبعا حمدان لما يودينا مكان بنتظرني لما اخلص واجي طلعت قلت ليهو انت اصبر شويه والحقني ف المركز عشان عندنا شغله وبعدين ترجعنا م بعرف هو ليه بضايق من تصرفاتي اذا م عاجبو م جابرينو بنشوف سواق غيرو بس😒💔باسم وصلنا ودخلت سلمت لماما عملنا شعرنا انا وهودي وقلت لماما انا راجعه الساعه كانت 9الا ولسه هي قالت عندها شغل شويه اصلا م فاضيه لي هي قلت ليها طيب انا بوصل هودي بيتهم ومن هناك برجع البيت قالت لي طيب اكيد خطر ببالكم سؤال امي براها شغاله ولليل بتجي مع منو 🌚م تسالوني حتي انا م بعرف بس هي اصلا بتجي بعربيتا ونادرا م تتاخر الا ف الاعراس وكدا لانو شغلهم كتير ف بتطلع المسا والساعه 8الا ربع بتكون جات لكن الليله اتاخرت وصلت هودي واتفقنا بكرة نتلاقي نمش خطوبه مودي هههه اسماء غريبه خليني اقول ليكم ديل اعز صحبتين عندي او علي الاقل انا بكون مرتاحة وانا معاهم م بحس انهم مصاحبيني لمصلحة كلنا نفس الوضع الاجتماعي هودي دي صحبتي من الاساس اسمها شهد بت كيووت شديد بنبسط معاها ومودي دي اسمها مودة اتعرفنا عليها ف الثانوي اهلا صعبين شويه ابوها متقاعد من الشرطة الدخول والطلوع بي زمن م بنحب نمش ليها الا نادرا ولا هي بتجينا اسي خطوبتا بكرة من اجزنا م اتلاقينا دي فرصه نتلاقي وصلت البيت فتحت النور قعدت طلعت حاجاتي ورتبتهم اتصل لي باسم اطمن اني وصلت اتونسنا شويه وقفل مليت جيت فتحت التلفزيون لقيت لي فيلم ظريف بقيت اتابع فيهو لحدي م ماما جات دخلت نمت 😴😴😴
#يتبع
#نهاية_الحلقة_الاولي
