جبروت الشيخ والفقيرة

بارت 32 🖤

اصعب المعارك التي ستخوضها في حياتك، تلك هي التي تدور بين عقلك الذي يعرف الحقيقة، وقلبك الذي يرفض ان يتقبلها..🖤

..................................................
مساء العوافي عليكم يلا نكمل ❤

بيلار . كعدت الصبح صداع قوي براسي كمت شفت ابو الحسن بصفي مهتميت اله نزلت سويت كوب جاي و لفه جبن اكلتهه وشربت الجاي شربته صار راسي احسن كمت نضفت البيت وغسلت الكراج وسكيت الحديقه صارت بل 10 وهمه نايمين واني بل 8 كعدت كمت احضر بل غده واكمل حتى اصعد فوك لان ماريد اشوف واحد منهم

ابو الحسن . كعدت بل 11 صبح باوعت بيلار ماكو كبل كمزت ما اجه ابالي غير هيه نهزمت مني نزلت ركض سمعت طكطه بل مطبخ طبيت شفتهه كاعد تطبخ ارتاحيت كتلهه استكان جاي بسرعه جان تكول

بيلار . الناس الاوادم يكولون صباح الخير

ابو الحسن . لا حول الله مالي خلك مناكر من صبح لزمي لسانج

بيلار . والله ياشيخ مجاي اتناكر

ابو الحسن . كلت خل اكسر الشر كتلهه صباح الخير

بيلار . بعد وكت لو متغدي يلا كايلي

ابو الحسن . شو رجع لسانج طويل

بيلار . لان بعض الناس مو مال اطيهم عين هه ضحكت بستهزاء

ابو الحسن . ضربت الباب حيل كتلهه دقايق واريد الجاي ورحت للصاله بهل اثناء نزلو اخوتي وكعدنه نحجي شويه وجابت الجاي شربته لو تزوهرت بي صحتتت ببيييلاااااررر

بيلار . ضرب الباب كمزني ابن .... اخخخ يلساني اهله خوش اوادم وكال على جاي وراح كتله بعيييني شوف شراح اسوي صبيتله ستكان وخليت نص خاشوكه فلفل اسود الحار وديته اله وطفرت بل مطبخ شويه وسمعته صاح عليه متت ضحك عليه شويه سكتت ورحت كوه لازمه ضحكتي كتله نعم

ابو الحسن . نعم الله ضلوعج

بيلار . هنه ناعمات

ابو الحسن . بيييللااررررررر

بيلار . اوووي صوتك احد كالك طرشه حجيت بنزعاج

ابو الحسن . متقصده موو

بيلار . هوه شنو

ابو الحسن . تعرفين كلش زين

بيلار . كتله اي وياها ابتسامه كام عليه وطفرت للغرفه طبيت وقفلت الباب

ابو الحسن . صررت عصبي عليهه شوف الغبيه كمت عليهه طفرت واجاني ايهاب لزمني كال

ايهاب . شبيك يخوي اهدء

ابو الحسن . خل الزمهه واعلمهه

اياد . شبيك شسوت

ابو الحسن . كتلهه على جاي جابتهه بس مدري شحاطه بي بهارات فلفل حار زوهرتني من الصبح كامو يضحكون دفرت الطبله وصعدت فوك فتحت الباب الغرفه مقفوله دكيتهه كتلهه بيلار فتحتي الباب