اللهم ارزقني الصبر حين يفرغ الصبر عندي وارزقني الأمل حين أظن أن طاقتي لاتحتمل المزيد..
..................................................
صباح التفائل يلا نكمل 😻🖤
غاده . رحنه للدوام وجان كلشي نفس روتين ملل وضوجه اجن البنات و محمد ضلينه نسولف وهاذا الخبل بس يخزر بيه والله اني ولا اهتميت كملت عادي يخزر يريد ماعبرته شويه وهاذا شو اختفه من الكليه باوعت دورت ماكو اففف هسه اني شعلبه بي يحترك يتخبل اني شكو عفته وكملت اخر محاضره ورجعنه للبيت بل كراج سيارته ماكو اكيد ويه نور استغفرالله هسه ليش تفكرين انتي شعليج
بيلار . كعدت صبح لميت فراشي وكمت حضرت ريوك نزلو الولد اكلو وطلعو ابو الحسن تعمدت مااكعده خلي يستاهل حتى يلزم نفسه وياي لان مو علمود كم كلمه هيج يسوي تريكو وطلعو نضفت المطبخ والاماعين ايدي كلش وجعتني لان جرح جبير عبالي بارحه يهتم اذا تذيت بس هوه ولا عبالك اني هم مهتميت يصير شي هوه يبتلي المهم ساعه تسعه كعد نزل الشعر مكفش والعيون حمره مدري من الخبال لو متعصب لو من نوم المهم نزل متكهرب عليه اني كبل طفرت للمطبخ اسمعه يسئل عمه عليه يكول وينهه كالتله بل مطبخ واجاني يمه بس يخبل شكله اول ماكعد فهيت عليه
ابو الحسن . كعدت صبح متأخر عن شغل روحي طفرت عبالي بيلار بعدهه نايمه كمت باوعت فراشهه شايلته عجيبه ليش مكعدتني كمت اخذت تليفوناتي ونزلت بل صاله ماكو شفت امي كالت بل مطبخ رحتلهه كتلهه اي مدام بيلار ليش ماكعدتيني وتعرفين عدي شغل ولازم اطلع
بيلار . باوعتله صفح ورجعت سويت روحي اغسل اماعين مع العلم هنه مغسولات ومارديت عليه
ابو الحسن . حجيت وياها بعصبيه كتلهه داحجي وياج ردي
بيلار . مارديت ضليت اغسل اماعين جان ويجرني من زندي حيل حتى الماعون وكع ونكسر كتلهه شبببيك شبيييك كسرت الماعون
ابو الحسن . اتخبل من احجي ويه واحد ويتجاهلني احجي ماترد جان اروح اجرهه من زندهه وكع الماعون حجت كتلهه مره لخ من احاجيج تردين فتهمني تره ساكتلج وناطيج عين زايده جري عدل لا ادفنج
بيلار. انته شبيك
ابوالحسن . اني لو انتي شبيج كالبه الخلقه
بيلار . ما ورايح كله هيج
ابو الحسن . سهله عفتهه وكتلهه سويلي زقنبوت داطلع
بيلار . اخدم نفسك بنفسك
ابو الحسن . ويعني
بيلار . انته سوي لروحك
ابو الحسن . راح ادفنج
بيلار . ادفن
ابو الحسن . استغفر الله عفتهه وصعدت وبدلت وطلعت لان الحجي وياها ضايع رحت للشغل كملت الي عندي ساعه تقريبا بل 11 دك تليفون رقم رديت الوو
أنت تقرأ
جبروت الشيخ والفقيرة
Bí ẩn / Giật gânعندما يملئ قلب السلطان بل جبروت والتسلط ويفعل كل شيء يخطر على باله ليحصل على مايريد يقع ضحيتها الضعفاء الذين هم لا حول ولا قوه دينا اسامة
