البارت 13
#صدفة القدر
واخذ دور السمه مو حلو دور الكاع
وضــل فــلاح تــزرع مايـزرعــونك
صليت وقريت قرآن لروح أهلي وكعدت أفكر ماكدر اسوي شىء لازم أوفق بس شلون وإني ماطيق عيشتهم شلون انسة الماضي هو مايدري شصار جان مسافر وهسة يريد أوفق من كل عقلة والمشكلة ماكدر انهزم لأن اختي وحسين يحبون بعض وطلبها للزواج مني قبل وفاة بيبي ماكدر اكسرها أوف بقيت حايره اجتي حور كعدت يمي
حور: ياقوت داتفكرين بطلب جدو
ياقوت:بلي وحايره ماكدر أعيش بهذا البيت صدكيني صعب وماكدر أتقبل رجال بحياتي انتي تعرفين الماضي شنو اني انكسرت مره ماريد انكسر مرتين
حور: باعي ياقوت ترى اخوي حوش رجال ويخاف الله واعي هو يحبج وشاريج اني مو لأن اخوي امدح بية لا بالعكس اخوي شاب كامل ومكمل وراح يصونج ويحافظ عليج وإذ ماتردين تعشين هنا تكدرين تحطين شروطج وتعيشين بغداد
ياقوت :مادري أفكر
حور :يلا اعوفج وفكري زين وفكري بسيلين ياقوت
راحت حور كلامها صح لازم أفكر باختي بقيت أفكر بكل جوانب وقررت اكول شروطي واحجيلة عن الماضي صار المغرب نزلت صليت وانطيتهم خبر ينجمعون انجمعو وكعدت احجي وصلت لشروطي
الجد:ادللي شنو شروطج بنتي
ياقوت :اعيش بغداد لأن ماكدر أعيش هنا
كلهم صفنو وأم أيهم كامت تصيح تاخذين ابني ومن هل كلام ومادري شنو شفت جدي صافن وهو هم بعدين حجة جدي
كال شلون بوية وأمة تريد تشوف احفادها يبقون بعدين هو كال موافق
انصدمت بس بعدين كالي شنو شرطج الثاني
كتلة ..
والحكاية بقية
مرحباً اعتذر عن التأخير بسب الظروف وهذا بارت قصيره هدية
# الكاتبة أم وطن
