زعلنه وگلي ولي وگلته ما ولي ،
تظل ولفي ورفيچي وصاحبي وخلي 💛
البارت 12
بقلم الكاتبة أم وطن
# صدفة القدر
جلمات المعاتب كضن وانتة على طبعك ذاك
مرة اليوم وإني نايمة بسبب العلاج
سمعت صوت حجي كعدت وعيوني بلكوه افتحها جانت سيلين ودكتور أيهم وحور جانوا يقيسون حرارتي شفتهم تعصبت وطردتهم
أيهم : كافي عاد شهل صلافة شايلتها هسة راح اعدي الصار بمزاجي ولأن حالتج ماتسمح بس كافي عاد ترى كل لي صار لمصلحتج وانتي ماتعرفين بل ماضي شصار وليش أهلي عافوكم
طلع وركع الباب حيل بقت حور كدامي واكفة
حور : ياقوت ترى احنة كلنة انحبج وحتي جدو دائما يسأل عليكم اسمعي الصار بل ماضي وبعدين احكمي ولاتزعلين مني أو من أيهم ترى احنة وانتي مالنة ذنب بل صار اترجاج كافي تاكبرين وانتي تعرفين كل لي اسوينة ماراح يغير رأى جدو فلا تعبين نفسج
ياقوت
اكتفيت بهز رأسي طلعت حور وبقيت اني وسيلين
سيلين : ياقوت شلون صرتي
ياقوت : تمام
سيلين : ياقوت ترى حور خطية مالها ذنب بل صار ليش هيج ماتحجين ويها
ياقوت : لأن هي مثلهم
سيلين : بس
قاطعتها ورديت
كافيي سيلين طفي الضوء أريد انام
نمت ماكعدت غير ثاني يوم
الصبح اجتي حور جابت ريوك أشكال والوان وراحت مالي نفس أكل شربت جاي وطلعت برة لازم احجي ويا جدي يشوفلي حل اني ماكدر ابقي هنا
نزلت شفت أيهم كال
صباح الخير
رديت
😒وين جدي والشيخ محمد
رد
على الأقل الواحد يسلم بس شنسوي وبعدين هاز كاروكج وتكليلة محمد
رديت
والله اكوا ناس ماتستحق السلام وبعدين يجوز صدك هاز كاروكي رفعت تك حاجب شفتة اتعصب
رد
اسمعي لج احترمي نفسج ولاتتجاوزين لا ومحمد أكص السانج مو السان بيكيسي ركع باب المطبخ وراح
رديت
هذة شبية وي البوب عفية عائلة مختلة عقلين
شوية اجت نسوان عمي يسون ريوك وبس يتبسبسن عفتهن وطلعت رحت بلغرفة شفت سيلين نايمة اف شراح اسوي هسة وين راحوا من الصبح رحت فتحت الفون مابية شحن خليتة عشحن وانتظر جلالت الملك يجي كعدت سيلين صبحت عليها وكتلها أنزلي تريكي اني مالي نفس راحت نزلت شوية واجتي هية وحور حور اعتذرت مني والصراحة هي صارت صديقة إلى خلال أشهر واعرف مالها ذنب الهيج سامحتها بقينة نسولف وإني كل شوية اصفن وأفكر شراح اسوي بهل المصيبة اف
كمت غسلت وصليت بلكي ارتاح
والحكاية بقية أم وطن # تفاعلوا
