🌋🌹القروية 🌹🌋(قصة بالدارجة المغربية في طور الكتابة )

البارت 1

سمر كنتهج :زوهرة واااااا زوهرة
زهراء هابطة من شجرة كتغوت:شعندك الزمر اسمي زهراء ماشي زوهرة
سمر ماجة كتجري : الخراية دغيا دغيا يماك كتولد
زهراء بفرح :حلف العايلة
سمر بفرح :حق بربي جدك قالي نعيطلك دغية زيد نده معاك الغلم دغيا باش نمشيو
زهراء :جري من ديك تيجاه دغية وانا منها يالله
سمر كتمجع معاها الغلم :هش هش يالله يالله زيد قدامم باش يزيدو انا نده ملوري
زهراء زايدة متوشقة تعرف شنو غادي تولد يماها :سمر انا نجري باش نزربو
سمر كترضب بالعود عليهم :وخا يالله
بدات سمر كتجري والغليمات تابعينها وسمر كتجري من لور وصلات لقدام الدار ديالهم ووقفات كتنهج :هش هش
كجمعهم فالغريسة ديالهم وسمر معاها :صافي خليهم هنا كياكلو ربيع
زهراء داخلة لدويرة ديالهم شاف جدا كالس وسمر موراها مشات عندو باست يدو  وهي كتسمع غوات يماها فالبيت :جدي يما باقي مولدات
الجد مخنزر فيها :باقي  ملي دخلت العايشة والفاطمة نعندنا باقي مخرجو
سمر بفرحة :جدي انا حاسة ماش دقي العايل
تسمع صراخ طفل صغير من البيت وناضو واقفين فرحانين كاملين دازو دقائق وخرجات مرة كبيرة هازة بيبي فيدها ملوي فمنديل (كتعرفوه ديال الجبل )كتهز فيه جرات عندا زهراء فرحانة هزاتو من عندنا كتشوف فيه وتحقق باش تعرف عايل ولا عايلة :خالتي فاطمة عايل ولا عايلة
فاطمة كتمسح يدا :قات العايل اكبدي 
عايشة كتعيط من داخل  بخوف :فاطمة جري جري
دخلات كتجري ورضات الرواق جد خاف على بنتو سمر وزهراء كيشوفو فالعايل مماسوقينشي ندنيا شاف جدا ماشي ماجي حدا الباب خوفان ناضت عندو عطاتو العايل :هاك اجدي ادنلو فونو
الجد شاف فيها وشبرو بزز محاملوش وخى هو غير طفل صغير  كيأذن فودنو وهي تخرج عايشة كتمسح الدموع :سي حمد
مشا وقف قداما :لا عايشة ياك لباس كيف بقات امينة
سمر وزهراء وقفو فداهم مخلوعين كيتصنو عليهم عايشة بحزن :امنية الله يرحما اسي حمد
جد كلس فلارض مصدوم
زهراء بقات غير حالة عينيها بصدمة وهي كتسمع بكاء سمر دفعاتهم ودخلات للبيت جبرات فاطمة كتغطيلا وجها :يما هئ هئ يما حتى تينا مشيتي ايما ياك بابا مشى ونتي مشيتي ياك قلتي عتبقا ماعايا  يما هئ هئ
فاطمة قربات عندا وعنقاتها :صافي اكبدي متبكيشي يماك ماش دتعدب الى بكيتي عليها صافي الله يرضى عليك
سمر وزهراء كالسين وعينيهم حومر بدموع والجد كالس وحفيدو فيدو وناس كيعزو والقران فسينتا مطلوق وفاطمة وعايشة قايمين بالواجب دكشي لي قسم الله خرجات الكنازة وزهراء هازة خاها صغير فيدا وسمر هداها دازو ايام العزو دغية الجد دبح واحد الخروف وسما بيه حفيدو محمد على اسم ابوه  وخا محاملش فيه شعرة  جالسين مجموعين كتغداو
سمر كتهضر وتاكل :العايلة ديك البقرة خاصا ترعى راها مامات بجووع
الجد بهدوء :عادمشيو بجوج بيكم درعاو ديو الغلم وديك البقرة درعا يالله تغداو دغية العاصر ماش دأدن انا ماشي نجامع ناض خرج الجد وخلاهوم ناضت زهراء :شوف نتينا جمع الطيفور انا ماشة نجيب محمد من عند خالتي صفية عادكون رطعاتو
سمر ناضت بزربة :نتي جمع طابلة وانا نجيب محمد
زهراء بغضب :اسمر زمر انا عنمشي
سمر بغضب كتر :ولله ماذمشي انا ماشة
زهراء كلسات :صافي بلحاق متعطلشي انا عنخمل طيفور
خرجات سمر كتجري داز بين الديور لي مبنين بتراب تلاقات مع دراري  ماجين كانو كيلعبو الكورة فالمرح (واحد بلاصة خاوية كاتكون ومعاوطة مفيهاشي ديور )
دراري كيشوفو فيها دايزة عبد المالك كيتزلل بيها :شوف شوف الطاووس دايز منها
عبد العزيز كيجر فيه :وزيد فحالك دبساح يجي جدا ويوريك شغول
يوسف :والبرقوق اصاحبي
سمر وقفات وهزات الحجر كتخلي عليهوم :ياكو اولاد الحرام سيرو الله يعطيكم القمل وصيب كتار مانتوما مقملين امشيو هاكو يالله ولله ياحتى نفلق باباكوم الهجيج ماذهشمو ماذستحياو 
كلشي هرب خافو يتفلقو وهوما حالفين فيها  رجال كانو كالسين كيكمويو بسبسي طلو عليها
جيلالي :اشعندك ابنت علي
صالح :كاقاولك شي حاجة
سمر بغضب :عمي جيلالي شبر بنك ولله ياحتى نفقل لو راسو شي نهار وخا انا قولتا
زادت معصبة دخلات لمراح ديال صفية ودخلات كانت كالسة وبنتا فيدا ومحمد منعساه قدامها :سلام عليكم خالتيودفعات الباب صفية كيف قيالا
صفية :وعليكم السلام اسمر الحمدلله ها محمد مرطع عندي يالله انا غنمشي عند يما عبد الكبير مشا نجامع
سمر هزات محمد فيدا وخرجات هي وصفية
زهراء جمعات طبلة وكالسة فالغرسة كتستنا سمر دخلات سمر هازة محمد
زهراء هزاتو من عندا : فاين تعطلتي كونتي قريبة
سمر دخلة لروا :تلاقيث ديك جدام د عبد المالك وصحابو
زهراء كتعدل محمد فطهرا :اهيا زيد زيد نرعاو
خرجو لبنات سمر كتنده الغلم وزهراء جارة البقرة تلقاو بالبنات حتى هوما كيرعاو وكلسو مع بعضهم من بعد ماربطات زهراء البقرة وخلاتها ترعا
سعدية :العيال فخباركم علاش مخرجتشي رقية
زهراء كتنعس محمد :علاش
سعدية :قالو ماش دتزوج بالعايل دعما فالمدينة
ليلى :كبصاح عليها كيديها باباها معاه نسوق واقيلا كيشرولا الحوايج
سمر كتحلم :ااااه فوقاش حتى هنا نقيو فحالا بعدا نتهتاو غير من تمارة
سعاد :بقا دحلم يابننتي
زهراء :ولله هيلا نوض شوف ديك الغلمة راها ماشة نزرع ديال الحمامشة مانقصينا مشاكيل
فطيمة جبدات التعريزة كتغني : ايما الحبيبة يما ورضي عليا عايشة وحدانية والغربة ضارت بيا عايشة وحدانية والغربة ضارت بيا
وهاكدا دازت العشية رجعو الابطال ديالنا ندار دخلو شعلو الضو زهراء مشات رضات الماء يسخنو على العافية باش دوش هي ودوش نمحمد لي كان شاد ليها فصبعها بيديه صغيرة وهو كيشوف فيها ويضحك
سمر ناضت توضات وصلات ودخلات للكوزينة لي مصايبة غير بالعواد رضات البطاطة تسلق هي لي باقة ليهم هوما ناس على قد الحال
زهراء كتبدل لمحمد تصرويلة ديك ديال الميكة (كتعرفوها لي كتصبن )حيداتها ليه وهو كيفركل برجليه وهي كتشوف فيه بحزن :الحبيب ديالي دب دازت اربع ايام ملي ماتت يما ولاكين متخفشي انا عنعوضك على كلشي ان شاء الله باست يدو الصغيرن وهي كتشوف فيه كان زعر عينيه عسلين وشعرو بني سمر لي كانت كتطل عليها حات عندها وعنقاتها زهراء بادلتها العناق : الحمد لله حيت نتي كاينة اسمر نتي ماشي غير بنت عمي نتي ختي
سمر كتمسح دموعها :انا عارفة باش كذكحس الحبيبة دقلبي حتى ملي مات بابا هيدا حسيت وحتى يما وخى معمري شوفتا وخا هي خلاتني ومشات ولا كين انا كنبغيها وخا هيداك
زهراء كتمسح دموع ديالا :صافي مدبكيشي الحبيبة ديالي يالله عنمشي ندوش باش نصلي رض لبال نمحمد حتى نخرج باش نظوش لو
سمر هازة محمد :عمل البطانية باش ميدخلشي عليك الهوى
دخل الجد من بعد ماصلى المغرب جبر سمر كالسة كتقشر فالبطاطة مسلوقة ومحمد فحجرا
الجد بتعب :سمر بنتي عطيني محمد  فايني زهراء
سمر شافت فيه وناضت بخوف :جدي شعندك واش مريط
الجد هز محمد :لا اكبدي غير نتي عارفة الجماعة ماش يبداو يحرثو  وانا كنفكر فهاد الشي
زهراء خارجة من اليبت :نتينا اجدي مقاد على حرث نتي كتشوف الصحة ديالك على قد الحال
سمر :ايه اجدي
الجد بتعب مسح على وجهو :لا والو اولادي الى محرثتشي شكون ماش يحرت معندنا مناكلو
زهراء كتعدل الملحة للبطاطة :بلا متخمم اجدي يكون خير
تعشاو فسكات كل واحد وفاش كيخمم
سمر كتغمز زهراء :احم جدي
الجد شافيها بشرود :نعام اكبدي
زهراء :معمرك هضرتيلي على بابا
الجد كمش وجهو وخنزر:معمرك دجبدلي ديك الراجل
زهراء :علاش
الجد وقف معصب :علاش علاش ها حيث ماشي راجل كوون كان راجل ميسمحشي فيماك و وفيك يمشي ويخليكم   ها فينو دب فينو كيستاهلشي يكون باك سمح فيك وفخاك  وسمح فيماك هداك ولد المدينة ضحك علينا ومشى ربي هو لي غادي يحاسبو بنتي مسكينة شحال تعدبات باش رباتك وكانت تجي تحرث معايا وترعا دب تعبدات بزااف بنتي فايني دب فاين هو وديك  شامة لي حتى هي مشات قبل منو سمحات فبنتى ومشات
كلس الجد كيمسح عل وجهو بلاعصاب قلبو كيحرقو كيحس براسو مهلوك صافي مبقاش قاد كيقاوم غير على وجه حفادو كيقاوم
زهراء:جدي هو مكناشي عارف بلي يما حاملة بمحمد
الجد ناض معصب :متبقاشي تجبدلي هاد الموضوع دخل للبيت ديالو وحط يديه على قلبو لي كيحرقو :ياربي عاوني ياربي حفادي باقين صغرين
سمر كطبطب عليها :صافي نساه فيما سمح فيه  وفماماك وناساكم
زهراء شافت فيها وخاها :انا غير بغيت جدي يعاودي باش نزيد ننساه فمرة سمر خاصنا نكونو قوين
سمر كتجمع طايفور :ضروري
دخلو للبيت ديال ام زهراء ونعسو محمد فالوسط صلاو العشاء ونعسو كانو مهلوكين بتمارة
زهراء :بنت فعمره16 سنة قرات حد السادس حيت قديك القرية كاينة غير مدراسة  وحدة ديال الابتدائي  طولها موسط بيضة ولاكين الشمس مسمراها شعرها كتستنائي مخلط بين الزعر  طويل يماها مكتخليهاش كانت تقطعو   رموشها زوعر وحجبانها بحال  شعرها مع شمس مكتبانش فيها الزعورية زوينة بزااف مشاء الله عليها فورمتها مقادة كلشي هو هداك عينيها بحال لون شعرها
سمر  15سنة مربية مع زهراء حيت يماها فاش ولداتها  معرفوهاش فين مشات بنت عم زهراء قدها فسن غير هي سمرة  ولاكين ماشي بزااف وشمس زادت سمراتها فورمتها بحال ديال زهراء غير هي رقيقة شوية عينيها عسلين وشعرها قهوي وحد فخاضها كانت قطعاتو بتخبية وصبناتها ام زهراء علاش قطعاتو
الجد رجل صارم وقاسي معاهم ومكيرضاش و سمر مرضعة مع زهراء الزمان نال منو ما نال تجاعيد الوجه  وتقوس ظهره ولاكين كيصبر بزز عل قبل حفادو
القرية جات بعيدة مافيهاش توصلات ممعروفاش   لدرجة معكيعرفوش حتى تلفازة كيفاش عاملة والتلاجة واشياء الاخرى عندهم الضو والماء لي يالله دخلوه هاد العام ناس باقيين فالعصر  الحجري تماك
..