سمر كتشوف فيها وكتحسر :الله ياخوتي زرقوك عاوتاني
سكينة ربطات ديك جوج بقرات وولادهم وسرحات الغليماتها ومعيزتها وكلسات وضحكات وخا مسكينة معالم بيها غير الله :لاء غير كانو كيلعبو معايا غميضة
لبنات كلهم ضحكو كاملين
زهراء سكتات من الضحك :اييه كيقولو كترت الهم كضحك
مارية :دب يفرج ربي البنات
زهراء ناضت :سمر يالله شمس كتغرب خاصنا نعدلو العشاء
سكينة :نتلاقاو غدا فالواد البنات
سمر كتجمع الغليمات :ان شاء الله يالله تبقاو على خير
زهراء كتجر فالبقرة :اي اسلامة عطومي مدقدقين
سمر كتهش على الغلم :انا وكتار يابي خرج هاد ليلة على خير
وصلو لبنات سمر دخلات الغلم والبقرة لروا وزهراء دخلات محمد لي كان ناعس نعساتو بلاصتو
سمر كتشوف فزهراء :الخرية شني عنعدلو نالعشى
زهراء :شني جبرتي فالكوزينة
سمر :والو باقي غير السمن بوحدو
زهراء :انا كنموت بجوع
سمر :حتى انا وكرشي كتحراقني واقيلا جاتني
زهراء كتمسح الطبلة :نزل الخبز وشوية دسمن انا عنصلي وعمل اتاي شرب شي كاس عمل فيه شوية دسحتر باش متبقاشي كرشك تحرقك
سمر بخوف :الى جا جدي معيبغيشي على سمن
زهراء شافت فيها بقلة حيلة :قولو مجربنا مناكلو
دخلات زهراء توضات وصلات جبرات محمد فاق بدلات ليه خرجات جرات سمر نزلات دكشي :سمر ماقيشي حشوش دالحليب من صباح
سمر شبرات محمد :باقي واحد الغراف صغير
دخلات زهراء تسخن لخوها لحليب
محمد كيفركل برجلو ويبجغط :غغغغغغ غغغ
سمر كتلعب معاه :حبيب ديالي اݣݣ اݣݣ
محمد كيضحك بطفولة : غغغ غغغ غغغغ
دخل الجد مخزر هزاتو سمر عنقاتو خايفة عليه خرجات زهراء كتصرط ريقها :جدي على سلامة
الجد شاف فطبلة مخزر :فاين العشى
زهراء بهدوء كلسات :جدي مجبرنا والو هادشي لي كاين
بقا ساكت كيشوف فطبلة سمر مدات يديها وهو يصليها معاها بالعكاز :جمعي يدك ونوضي عليا يالله
سمر هبطو دموعها :جدي فيا جووع هئ هئ هئ
زهراء رجعاتها موراها باش ميضربهاش :جدي خلينا وناكلو فينا جووع
هز ديك السمن والخبز ودفع ديك طبلة وتهرق ديك اتاي تما ناض دخال لبيتو بنتو :الى فيكم الجوع لسحو داكشي من الارض
زهراء بغصة :هاداك بيتنا
الجد جا قدامها وضغط على يديها لي كان فالارض بالعكاز :من اليوم هدا بيتي ونوما سيرو باتو فروا يالله منلقاش شي وحدة هنا
ناضت زهراء بزز نيضات سمر :يالله اسمر نوض الله يرضي عليك
سمر كتبكي :هئ هئ هئ و وخى اختي
نيضاتها وهزات جوج منطات ودخلو لروا فين البقرة والغليمات شعلات الضو وبدات تشطب فين ينعسو وسمر هازة محمد كتبكي وتشوف فختها طلقات سمر البطانة وحدة فديك البرودة والشي شراوط فوق راسهم
زهراء شافت فختها قدامها كالسة دخلات يديها مع قلبها وجبدات واحد الكسرة ديال الخبز :هاك كول هادي يالله مذبكيشي الحبيبة ديالي شوف محمد صغير عليك ومبكاشي
حيدات المنديل ديالها وعملاتو تحت سمر :خلي هذا هنا من البرودة صافي
سمر شافت فيها وقسمات معاها لخبز ونعسات على فخضها :ختي زوهرة انا كنحس بلي ربي غادي ينجينا من هاد العذاب
زهراء كتمسح على راسها ومحمد فيديها شاد ليها فصبعها وكيضحك ليها :ان شاء الله ياربي
نعسو هكاك كل شوية تفطن زهراء من صداع ديال البقرة والغليمات
..
..
..
..
..
..
ابصحنا واصبح الملك لله
نازل من ضروج بهدوء بعدا العشاء البارح اصرو عليه يبات هنا دخل لقاهم جالسين على طبلة ديال الفطور جلس بهدوء بداو كيفطرو فهدوء حتى هضرات ام صابر صفاء :احم ولدي اسد سمعت غاديين لشي بلاصة
اسد هز عنيه فيها بهدوء :وي
اب صابر مهدي :الله ويفقكم اولدي رضو البال لراسكم شفتي شنو وقع اخر مرة
ناض اسد بهدوء خارج بلا هضرة بلا جوج تبعو صابر ركب كل واحد فسيارة ديالو وزاد
اسد دوز الخط لرياض :فينك
رياض كيسوق :انا ورائكم دب
اسد :سيفط ليا لوكاليزاسيون ديال ديك المكان
رياض:المكان ممعروفش هاهو واحد من ريكار عارفو غادي يسبقنا وحنا غادي نتبعوه
اسد قطع عليه وركز على طريق ديالو
..
..
..
..
..
..
VOUS LISEZ
🌋🌹القروية 🌹🌋(قصة بالدارجة المغربية في طور الكتابة )
Randomطيط طيط طيط ها انا جييت 🚨🚑🚑 كلشي يتجمع يالله يالله مول المليح بارع وراح 🔔🔔 ها الجديد ها الجديد 🌋🌋 قصة جديدة وطبعا مخاتلفة كليا على القصص اخرين 😁😁 قرا ومغاديشي تندم 🌹🌹 تفاعل راه تفاعلك كيهمني 🥰
