عصام شاف عثمان بحالا شاف عزرائيل و بدا كيدوي بلا سوالات :انا انا و اللهم درت ليها شي حاجة هيا هيا راسها هربت و مشات و طاحت و.. عثمان:سكتنا ا صحبي واش سولتك عصام:(حرك راسو ب لا و صرط ريقو) عثمان:مم..واش فراسك بلي كنت كنتسنا ختي غير تقوليا راه غوت عليا و نجي ندفنك حي و لا مفراسكش عصام حرك راسو ب اه عثمان:دبا اتقوليا اش وقع ل ختي ولا انقتلك بلاما نتردد عصام:مدرت والو هيا هيا لي بغات تمشي.. عثمان(كيشووف ف ساعتو) : وقتك كيدووز عصام:خويا والله مدرت ليها حاجة كنقسم لييك هيا.. لي.. عثمان:هيا شنو.. ممم دوييي ا لقلاوي سربيناا ممساليش ليك انا عصام:انا بغيت نطلقها ولكن هيا مبغاتش و... عثمان عصبو كيقول زوج كلمات و كيسكت جبد السلاح تيرا فيه فرجليه خلاه كيتركل خرج و خلاه شاف عثمان ف ساعتو و طلع فالطموبيل و كانت الوجهة الشركة
فالقصر
كملات وجدان ردان الحويج قادات ماكياجها و لبرودويات ديالها حتا ولات الساعة 12 بقاو كيدويو هيا و سلمى مخرجوش من البيت حتا كيسمعو الدقان فالبيت سلمى:شكون (بهمس) وجدان (هزات كتافها) : معرت ناضت وجدان حلات الباب لقاتها لمياء لمياء:لالة مراة سيدي.. لالة مامات سيدي بغاتك وجدان:و فاش بغاتي لالاك مامات سيدك لمياء:معرفتش ا لالة قاتلك نزلي عندها للتحت وجدان : واخا انا نازلة تقدري تمشي سدات وجدان الباب و ضارت عند سلمى لقاتها. كضحك سلمى:لالة مرات سيديي... ااا طرت... هههههه.... وجدان : ههه سكتي سكتي ا زمرة راه مسكينة مولفة...(سكتت شوية و دوات) ولكن طيرتني والله ههههه سلمى:واش دبا نتي عندك العگوزة وجدان:ااه..عندي.. و عندي مرت الخووو سلمى:هههه هاديك مرفوع عليها القلم مهم لبسي لبسي باش تهبطي عند مامات راجلك ا ختي.. انا انمشي باش نجيب شي حويجات نعدي بيهم هناا عليما دار الله شي تاويل د الخيير وجدان(دلات شنايفها) : وعلااش بقاي معايا باقا مكنعرف حد هنااا سلمى:وا انرجع الليل نرجع راه عندي الخدمة وجدان:ااف واخاا.. دوزي عند عفراء قوليها راه مسافرة متعودي ليها والو و قوليها تسد لاكابيين تنشوف مع هاد الزمر باش نرجع لخدمتي ناضت سلمى و سلمات على وجدان خرجات و نزلات للتحت تلاقات مع رحمة جالسة فالعشيشة زوييينة مصوبة بالقصب و اونفاص مع المسبح رحمة:ا بنيتي شكون نتيي سلمى:السلام ا لحاجة انا صاحبت وجدان رحمة:اييه صاحبت عروستي قولي سلمى(ضحكتها عروبيه فهدرتها قولي هاد النفووذ كااملين مبدلو ليها والو ف هدرتها) ااه هاديك.. مهم نخليك ا لحاجة دبا راه وجدان دبا تنزل.. رحمة:واخا ا بنتي طريق السلامة.. خلاتها سلمى و مشات طلعات للطاكسي لي عيطات ليه الصباح حيت مجابتش طوموبيلتها..
عند وجدان الفوق لي لبست
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
