قدري ان احبك

الجزء العشرون

جمعات حويجها و حطاتهم فالجنب و خرجات كتقاد فالنااموسية و كتهز حويج عثمان لي نصلهم البارح و دارتهم فسلة الحويج لي خاصهم ايتصبنوو..
خرج من الدريسينغ و شافها كتقاد فالناموسية و مشا لعندها شدها من شعرها
وجدان:ايي طلق ا زمر وعتيني
عثمان:باغا تلعبي معايا لمك انااا
وجدان:(شادة شعرها)  واصاف دوينا و وريناك الدلييل مالك باغي تعقدها
طلق ليها من شعرها و ضورها على الحيط حابسها
عثمان:اها نعقدهاا.. اوا سمعي الحاجة نتي لي بديتي اللعب دبا انخليك تمشي ولكن بشرط ايمشيو معاكم ليگاارد
وجدان:والا مبغيتش ليگارد انا
عثمان:دويت انا دباا راه بامكاني نحببسك و متصافري ما تا خرية و داك الدليل كوليه ولكن نديرو فيها مالين العقل و نديرو الخاطر لي معندهم عقل
وجدان(قربات ليه لوجهو) : دبا انا معدي عقل هههه ولي معدو عقل ايدير هاد الفكرة لي ناااضية و طيحتك فالشبكة همم تكذب
عثمان(كيحماق على هاد الطفولية لي فيها مخلطة مع التشيطين ميكذبش سالات معاه بهاد التفكير ديالها ولكن شنو ايدير الصبر) : دويت انا دباا ازويينة الهدرة لاخرة راك عارفاهااا (مع غميزة) 
هز سوارت الطموبيل و حل الباب
وجدان:مغاديش تفطر
عثمان:نوو انفطر فالخدمة
وجدان:منسيتي والو (مربعة ايديها) 
عثمان:ههه (مشا لعندها و باسها ففمها)  هاهي الالة بقاي لينا على خاطرك
وجدان:هه واخاا ( عنقاتو) متعطلش مم
عثمان:منمشيش انا گااع
وجدان:هههه حمق سير سير لخدمتك take care babe
خرج من البيت و نزل فالدروج ضرب ف سلمى لي يلاه داخلة و خرج
سلمى:هادا مالو كيخنزر على الصبااح ياكما زبلتها الصگعة
شافت وجدان نازلة كتنقز فالدروج و كتفرنس
وجدان: اا لحوب جاا
سلمى(سلمات عليها) : مال داك الراجل عندك كيخنزر السلام ا ديال الله
وجدان: هههه ا خليه راه مقندش حيت قولبتوو
سلمى:ههه كيفااش
وجدان:وا تتجي رحاب و نقوليكم مفيا لي ايعاود زووج المراات مهم سيري الجردة انقول للمياء تجيب لينا الفطور فالجردة
سلمى:اوكي و سربي عندي ليك شي هضرة
وجدان(غادة و كدوي) : واخاااا
مشات سلمى للجردة و جلسات كتسنا فوجدان تجي
                                             
                              فالشركة عند عثمان

عثمان(كيضور ) : لاش باغي ايوصل هاد حمزة انا مفهمتش
هشام:شنو مفاهمش باغي اينتاقم لختوو
عثمان: ماشي اناا لي قتلتهاا ماتت فالولادة
.هشام:كاملين عارفين هادشي ولكن هواا مبغاش ايتقبلهاا
عثمان:هوا همو مرااتي همو وجدااان و كيتقرب لسلمى باش ايوصل ليهااا ولد القحبة فاااك
هشام:شوف دبا العصاب معندو باش ايفيدناا كين حل واحد
عثمان:داك الحل مبغيتووش انا مبغيتش ندخل فحياة سلمى
هشام:ولكن راه كتعرض حياتكم للخطر
عثمان: انا غنتكلف
هشام:شنو غديير
عثمان:انبقاو متبعين اخبار حمزة ايلا شفناه بدا انبدااو
هشام:مكتعرض صاحبة مرتك للخطر بهاد الفعل
عثمان:لا كلشي فبالي..

                                فالدار عند البنات

وجدان(كتاكل الكيش) : يلاه قولي شنووو
سلمى:باسنيي
وجدان:(وحلات ليهها)  اويلاااااي كح كح... 
رحاب:بشوية علك ا صكعة (مدات ليها الماا) شربي شربي المسخووطة
سلمى:شااور مالك معامن مصابقة تاحد مياكل ليك الكيش ا بشوية
وجدان:بلا طنز دبا دوي كيفااش باسك اويلي دغياااا دكشي عدكووم انا و عزيزكم تزووجناا و مدرنا ليبيتيز تا دوزنا زوووج سيمانات ديال الزوااج و نتوما خرجتو غير البارح اوا و تباوستوو
رحاب:سكتي سكتي ذوي ا سلمى
سلمى:ساليتوو وا خليوني نقولييكم ا زمر فاش وصلنا للمطعم كان ناااضي والله عرفتو حمقني و دخلنا لييه كنا غير بحدنا حجزو لينا رااسناا
وجدان:هاي هاي الرومانسسية (كتاكل و دوي ) زيدي كملي كملي
سلمى:صاف ا ختي هيا هادييك دخلنا و جابو لينا الماكلة كلينا عمرت الكريشة دكشي بنييين شي نهار نمشيو ليه بثلاتة عدهم دكشي فن فن
رحاب:ااه واقيلا عرفتوو
وجدان:منين تتعرفيه نتياا..
رحاب(سكتت مبغاتش تقوليها كان تيمشي ليه عثمان و ياسمين(مرت عثمان السابقة ) : واحد صاحبتي كنا تنمشيو ليه مهم كملي
سلمى:معلينااا.. حتا كنسمع صوت الكماان جااي اوا و عرضني نشطحووو نضنا شطحنا شوية واحد الاحسااس زويين البناات والله صافي من بعد سالينا و انا معرت تخربقت و و مشيت جلست فالكرسي صافي رجعنا للدار و انا ماشي معااه خفت نبدا معااه و ايخليني فوسط الطرييق سولني على الليلة كي دازت و قاليا مبغيتهااش تكون اخر ليلة و (خفضات صوتها و دوات بحنان)  و باسني ففمي
وجدان(كتشوف ف صاحبتها و مربعة ايديها) : سلمى
سلمى: ممم
وجدان: مبروك راك طحتي فييه
رحاب:ههه ااه طحتي لمك طحتي
وجدان:اجي بعذا هاد حمزة شنو كنييتو عائلتوو مو بااه خوتاتو نشوفو واش عندك اللوسة السوسة بحالي هه
رحاب و سلمى سكتو مدواوش معرفو ميقولو ليهاا كيفاش ايقولوليها راه خو مرت راجلك القدييمة..
سلمى:خلاااك عثمان نصافروو (قلبات الموضوع)
وجدان:وا اااااه هههههه
رحاب:الله ايرضي علك ا ختي تي رااك تيي 😂😂
بداو البنات كيخطوو و قررو ايمشيو للحسيمة ايدوزو تماك الويكاند
رحاب:انا انحجز فالاوطيل لي جنب البحر
سلمى:ااه مزيان صافي كنت بغيت نقوليكم زعما نكريو مي صاف اوطيل حسن
وجدان: و متلقاايش الكرا دبا راه شهر ثمنية
نسااو راسهم فالتخطييط تاوصلات الثمنية ذالعشية بقاو عاطينها غير للضحك..
وجدان:واش جمعتو بالزكم القووم
سلمى: ويااه راها فالطموبيل غدا نتحركوو
رحاب:انا دبا نطلع و نوجدهاا
وجدان:تاناايا وجدتها الصبااح
شافت طموبيل عثمان جات
وجدان:ها حوبي جاا
رحاب:هايا اتبذا تاني نوضي ا سلمى نوضي و حنا بايرات هناا
سلمى:ههه نوضي نوضي
ناضو البنات و خلاو وجدان مشات عند عثمان لي كان يلاه اينزل من الطموبيل و وقفات قدامو بحال المشة
شافيها و بذا كيضحك
عثمان:حمقة برب
وجدان: ها زيني جاا توحشتك انا
عثمان:امم باينة عليها سولتي فيا النهاار كامل و انا غاابر
وجدان: وابقيت مع البناات دكشي لاش
عنقها و غادين كيدويو
عثمان:اوا اراس الحربة فين قررتو تمشيو
وجدان:الحسيمة
عثمان:ماشي بعدتو بزااف
وجدان:واهي لي زوينة دباا و باقي معمناش فالبحر و الصيف على شوية و ايخرج اوا قلنا نمشيو ليها هيا لي زوينة و بحوراتها فنين
عثمان:مم مزيان هيا غذا اتمشيو
وجدان:وي غدا (شافت فيه)  و انصاافر و انمشي نضوور
عثمان: اه الالة اتصافري و اضووري غير تهدني
طلعو للبيت كيتبادلو اطراف الحدييث بدلو حويجهم و نعسوو
فالبيت عند رحاب ناعسة هيا و سلمى حتا كيوصلها ميساج من عند حمزة و جوباتو
💬 نعستي
💬لا
💬توشحتك
سلمى ناضت و جمعات الوقفة حناكها ايطرطقو بالحشمة
💬نعيط ليك
سلمى كتشوف ف جنابها رحاب ناعسة
و ناضت للبالكو و قالتيه اوكي عيط
حمزة:صاڤا
سلمى:حمد الله
حمزة:شنو خبارك
سلمى:(دغيا بدات تسرسر لييه) مصافرة غذاا
حمزة:اواه فيين
سلمى:للحسيمة
حمزة:ناايس معامن
سلمى:مع صحاباتي
حمزة:اه اوا دوزي وقييت زويين... متعرضينيش معاكم زعما
سلمى:(سقلها) مرحباا ايلا بغيتي تجي
حمزة: صحاباتك معدهم مشكييل زعما !! 
سلمى:لا لا
حمزة:اوكي غذا نتلاقاو
سلمى(قلبها كيضرب فالتسعيين) : واخاا
حمزة:يلاه سيري تنعسي مشا الحال
سلمى:بونوي
قطعات عليه و بقات واقفة فالبالكو كتفكر فههاد الخطوة لي غادي ديير
سلمى:ميكونش ناوي شي حاجة انا متأكدة (مع ابتسامة)  ايكرن خير نشاء الله عثمان ميخلي تا حاجة تقيس وجدان
سدات البالكو و مشات تخشات فبلاصتهاا
صبح الصبااح على بطلاتناا ناضت وجدان مع الخمسة ديال الصبااح لبساات عليها قااذات شعرهاا كتشوف ف عثمان نااعس دخلات جرات لاڤاليز ذيالهاا تكتجيها الردة و المراار ففمهاا مشات كترد فالذوش گااع مصارنها جبداتهم تكتحس بايد دافية كدوز على ضهرهاا
عثمان:متمشيش راك مريضة
وجدان:(ناضت و مسحات فمها بالماا) احم لا غير فالصباح هاكا كان كيوقع ليا من شحاال فاش كنفيق بكري و كتكون تابعاني الطريق
عثمان(جلس فوق الرخامة و كمش فمو بحال الوليد الصغير) : و تخليني /:
وجدان:هههه حمق غير يوماين مالك (قربات حداه)  و نيت تهنا من صداعي شوية
عثمان(عنقها): صداعك راحة و ولفتوو منقذش بلا بييه
وجدان(كيذوبها ب هذرتو): ممم
بقاو كيتشاوفو بنضرات الحب
وجدان:ايلا بقيت هنا منمشييوش
خرجات من الذوش و تبعهاا واقق فجنب الحيط كيشوفيها كتجمع فدكشي لي باقي ليها حتا كيعيطو ليها البنات
وجدان:وي..فقت اه..  صافي انا نازلة..
عثمان:انزل معاك
وجدان:اوكي لبس عليك شي حاجة من الفوق لاتمرض راه محرك البرد شوية مع الصباح
عثمان:واخا
مشا زاد عليه جاكيط ديال السيرڤيت و لبس سبادريتو هز ليها الڤاليز و نزلوو
وجدان:سلم ليا على خالتي مشفتهاش البارح فين كانت
عثمان:مشات للعروبية
وجدان:ههه الذار اتخوا عليك احبيبي
عثمان:وشتي بقاي معايا
وجدان:واا صاف دوينا يااه
حط ليها الڤاليز فالكوفر سلم على رحاب و سلمى
عثمان:متخليوهاش تسووق
رحاب:تؤ انا لي انسووق
وجدان:والا بغيت نجرب طريق الحسيمة كيف دايرا
عثمان : راه دوييت (كيدوي مع ليكارذ)  امانة فعينيكم توقع لوحدة فيهم شي حاجة راكم عارفين
الكارد:امرك سيدي
سلمى(لرحاب):اووه سي توشوون (c'est touchant ) 😂😂
ركبو رحاب و سلمى كيتسناو فوجدان طلع
عثمان:حضي راسك الله ايرضي علك
وجدان:واخا متخافش
عثمان:مني توصلي عيطي لياا متخلينيش مشوش
وجدان:واخا
عثمان:وكولي شي حاجة باش مضركش كرشك و مترضيش تاني
وجدان:واخا
عثمان(قرصها): وبقاي عليا لمك تماك بواخا ديالك و مغادي ديري تاحاجا
وجدان:ايي..ولا انديير متخافش (تعلات باستو فحنكو)  يلاه انا مشييت
مشات كتجري و طلعات للور دارت ليه باباي مع بيزو من الزااج و هوا واقف كيشوفيها و مربع ايدوو
كسيراو البناات و تابعينهم ليكارد من اللور و شدو الطرييق للحسيمة

يتبع..