مرت بوي

الحلقة الاولى ❤

رواية: ( مرت بوي ) 🤷‍♂️😌
..
..
🥇روايات ولد الكاتب 🥇
.
.
.
( الحلقة الأولى ) المقدمة :
..
..
..
ترن ترن ترن 📞📞
ريم: الو حنينة كيف حالك
حناها : سلمك بنيتي شن حالك انتي وينك مجيتيناش
ريم: تعرفي ياحنينة بابا مزرد ليه يومين ومنقدرش نخلي الحوش بروحه
حناها: العفو يابنيتي قاعدة بروحك
ريم: وشن بيجيني جنبي عمي مفتاح وعمتي ميلودة
حناها: اااااه هالمفتاح هذا تقول مش ولدي لا يجي يسأل لا شي
ريم: الله غالب
حناها: شنو متصلش بيك بوك ؟
ريم: لالا لا نتصل بيه خارج التغطية هو اليوم مروح من الزردة
حناها: ووين زرد هالمنجوه 🤨
ريم: قال في الخمس ماشي
حناها: سلامته وقلت سوه هي امالا منطولش عليك بسلامه
ريم: سلمك حنينة غدوة توا نجي نبات معاك
حناها: سلم بنيتي بسلامه
ريم: صكرت ع حناها وناضت اضم في حوشهم وفاتحه اغنية حماقي ،
..
..
..
..
🎶🎶 عارفه احلى حاجة فيكي ايه 🎶🎶
🎶🎶 بتحلي اي شي عينيكي تيجي في 🎶🎶
🎶🎶تعالى قولك احلى حاجة فيكي 🎶🎶
🎶🎶ولا انتي فاهمه قصدي واللي بالي فيه🎶🎶
..
..
..
حد بالبراءة دي مافيش 🎶
ولا في الغلاوة دي انا ماليش 🎶
شاريكي يالله 🎶
انشاء الله اموت في هواكي نشاء الله 🎶
يلا انشاء الله اموت في هواكي نشاء الله 🎶
ده كثير عليا الحب ده والله 🎶
..
..
..
..
ريم: وووه عليا دهشت  ايووووة هكي الحوش نظاف دار بابا والمطبخ وكل شي زي الشمامة  قعمزت درت فنجان القهوة متاعي هذا وين يتعدل مزاجي بعد الضمان وبخرت وشقة،،،  وقعمزت نفسفس وياريتني مافسفست عطيني كسرة شن فتحني فيه التلفون  وصلني مسج من صاحبتي غادة وفيه صورة ادم خطيبي السابق وصاحبته وهما في الكافي 🙂😐😐😐😐 تسحااااابوني بنسكت لالا توا تعرفو شن بيصير شوية نعرف ع نفسي🙂🙂🙂🙂
..
..
..
ريم: اسمي ريم مواليد 97 راس بنت عند بابا ماما متوفية من فترة طويلة الله يرحمها طويلة ونقشي ع الاسمر شوية ملامح وجهي زي ماما بالزبط كنت مخطوبة لواحد نسونجي اسمه ادم بنكدب عليكم لو بنقوللكم منحباش بس نسووونجي تفهمو كلمة نسونجي يعني كل مرة نشد فيه مع وحده فسخت خطوبتي ، طبعآ مش هني الفالطة مزززال توا تعرفو 😇❤ عندي صديقة وحده واكثر من اخت وهي بنت عمي يعني صاحبتي وبنت عمي في نفس الوقت اسمها غادة 🙂
..
..
..
..
..
ريم: الو غااادة
غادة: اهلين شفتي التافه
ريم: كيف عرفتيه انتي؟
غادة: اني كنت في الكلية واني مروحة خطمت ع الكافي اللي في طريق الشط لين لقيت الاخ معاه بنت
ريم: وين انتي توا ؟
غادة: في الطريق بنروح بمحمد خوي ماهو عاطيني سيارته
ريم: جيبي محمد لنفس الكافي مابين مابدلت فيييسع راهم يطلعو
غادة: وووووه ريم ردي بالك ادخليني في مشكلة محمد ماعطاني سيارته الا بالسيف 🙂
ريم: محمد توا نتفاهم معاه اني غر بريله واقل من نص ساعة نكون عندكم
غادة: تمام
.
.
.
.
.
.
.
.
😇___ في الخمس ____ 😇
..
عثمان( بوها): هي الشناطي حطيتهم فالسيارة
رندة: عثمااان
عثمان: نعم ياقلب عثمان
رندة: خايفة من بنتك بجد
عثمان: تي بنتي تحطيها عالجرح تبرا راهو
رندة: نشاء الله خير
عثمان: هي شنو نتوكلو
رندة: بنستاحش خوووتي 🥺
عثمان: خوتك لما تبيهم نجيبك وطرابلس اهي خطوة مش بعيدة عالخمس😇
رندة: هي توكلنا على الله
عثمان: هي منسيتي شي
رندة: لالا هي
.
.
.
.
.
.
غادة: الوووو وين انتي 😐
ريم: اهو كيف درست السيارة اسمعي قولي لمحمد يطلعلي
غادة: محمد اطلع لريم دخلها للكافي
محمد: تي شنو متعرفش تخش بروحها
غادة: ياوووخيتي اللي يشوفك يقول عمره 30 سنة وانت كيف خشيت ع 19 هههههه
محمد: اسكتي اسكتي اهووو طالعلها
ريم: حموووودي ولد عمي الغالي
محمد: متفضيحناش قدام الناس شنو اللي لابستيه
ريم: بشت عادي خيرك انت
محمد: طالعه قنينة اول مرة نشوفك هكي ههههه
ريم: ضرباته ع كتفه،،،، اسكت وشد في ايدي
محمد: علاش
ريم: توا بنت طويلة وحلوة وغزااالة زيني تخليها تخش هكي قدام الناس باش يقولو عليا سنقل ويعاكسوووني
محمد: اوووف من لسانك به به
ريم: كطت ايدها في ايد محمد وخشت ،،،، حويتة ع حمودة وليد عمي غزززال ❤❤
غادة: ههههه منظركم كيف خاشيين تقول متزوجين
ريم: وين مقعمز وين ؟؟
غادة: اهونا قدامنا
ريم: وووووه على معاه الجبهة تقول سفينه ياوخيتي
غادة: فكينا من المشاكل
ريم: توا اني متع مشاكل
محمد: شن تقولو
ريم: حاجات بنات عيب
محمد: جعت اني شن بتطلبولي
ريم: غذاك ع حسابي اليوم اطلب شن تبي
.
.
.
.
سمر: ادووومي
ادم: نعم باعيونه
سمر: هاذي البنت اللي قتلي كانت خطيبتك ولا ؟
ادم: ريم وينهااا
سمر: وراك معاها بنت وراجل
ادم: تلفت وعيونه نقلبو لما شاف ريم معاها ولد
سمر: الووو وين مشيت
ادم: اااه لالا شي غر سهيت هي شنو انوضو
سمر: حسيتك غرت عليها
ادم: شافلها بغلللل ،،،،،لالا  هي نوضي
سمر: تمام
..
..
غادة: اهما ناضو
ريم: شوفي سرافتها تقول ماعمرها شافت الموضه واللبس
غادة: اسكتي  اهو جي اششش
ريم: وووه بندير روحي لاهية
ادم: مساء الخير
محند: مساء النور تفضل
ادم: ريم
ريم: شافت ،،، اها اهلين ادم كيفك
ادم: الحمد الله انتي كيف امورك
ريم: تمام بخير
محمد: شاف لريم ،،، شنو تعرفيه ؟؟
ريم: اي ادم صديق ياقلبي
محمد: ستغرب من الكلمة
غادة: في منتصف الجبهة
ادم: اها اي اي صديق
سمر: هي حبيبي
ريم: تعالي سلمي حتى بالكذب
ادم: نعرفك هاذي حبيبتي سمر وهاذي صديقتي ريم
ريم: كم رقمها هاذي حبيبتك الأربعين ولا الواحد واربعين اها نسيت ههههه انت فتت الخمسينات 😂😊
ادم: استفزاته الكلمة
سمر: حبيبتي اني النمبر ون عنده  لا اربعين لا واحد واربعين 😉
ريم: ربي يهني سعيد على سعيدة ونعرفك هذا محمد حبيبي وهاذي غادة بنت عمي 😊
ادم: طلع بلا ولا كلمة
سمر: ادوومه ستنا
ريم: يلا ورااااه يافقمه
غادة: مسحتي بكرامتهم الارض
محمد: مني حبيبك 🙄
ريم: ولد عمي يعني حبيبي خيرك تفهم غلط هي نتغدو الله هذا وين برد قلبي 🙃
.
.
.
.
.
.
.
.
رندة: اااه واخيرا وصلنا
عثمان: اياااه تعبتي
رندة: اي الحق
عثمان: هي تفضلي مرحبتين بيك
رندة: مشاء الله شارعكم يهبل والحوش باين عليه انيق
عثمان: هي تفضلي وتعرفي ع الحوش
رندة: بسم الله
عثمان: سيارة ريم مهناش شكلها طلعت
رندة: قصدك مدايرلها سيارة
عثمان: اي ماهو اني نخدم ومعندهاش من يرفعها علمتها ودرتلها سيارة خلي تعتمد على روحها
رندة: اها به كويس😼
رندة: مشاء الله الجنان والزرع تبارك الرحمن
عثمان: هادم متاعات المرحومه وتهتم بيهم ريم
رندة: الله يرحمها
عثمان: اللهم امين
.
.
.
.
.
ريم:   درست سيارتها في الجنان وصكرت الباب شافت سيارة بوها خشت تجري
عثمان: شكلها ريم جت
رندة: اها خلي نتعرف عليها
عثمان: فتح الباب،،، بنيتي جيتي
ريم: ياعيون بنتك انست
عثمان: حضنها ،،وين كنتي
ريم: طلعت مع محمد وغادة تغذينا وروحنا
عثمان: خشي في ضيفة في الصالون سلمي عليها
ريم: متقولييييش حنينه ستاحشتها بكري كنت نكلم فيها
عثمان: لالا
ريم: خشت للصالون لقت رندة لا بسة قفطان حوش نص كم وشعرها شاداته بكارونا ،،،،، مني هاذي 🙄
عثمان: عمتك رندة زوجتي
ريم: 😳 تبصررررررر ولا
..
..
..
#يتبع
...
تفاعلووووو الحلقات الجايات نااااار 💜💜💜❤🔥🔥🔥🔥🔥