مرت بوي

الحلقة الثانية ❤

( مرت بوي ) 💜
..
..
🥇 روايات ولد الكاتب 🥇
..
..
ملاحظة بسيطة : مش معناته ذكرت الخمس يعني واعرات وهكي لا خترت المنطقة لان تمشي مع الشخصية وخترت شخصية رندة لان راكبة ع شخصية رندة لا اكثر ولا اقل 🙂💜
..
..
( الحلقة الثانية )❤
..
..
ريم: تبصرررر ولا 😳
عثمان: خيرك ريم
ريم: هههه اكيد هاذي الخدامه الي بنجيبوها ولا
رندة: نعم نعم حبيبتي خدامة شنو اللي تتكلمي عليها اني رندة مرت بوك على سنة الله ورسوله
ريم: مرت بووي لا عشنا وشفنا تكلم بابا قول كذب
عثمان: يابنتي علاش بنكذبو عليك هاذي مرتي
ريم: كيف صار وامتى وعلاش مقتليش
عثمان: توا نحكيلك اهدي
ريم: منبيش نشفهم منبييش،،،، وسيبتهم وركبت دارها
عثمان: توا تاخد عليك
رندة: شن خاطرك عالعشاء اليوم
عثمان: اللي بديري
رندة: خاطري في قلاية محرحرة
عثمان: تعرفي اديريها
رندة: اااااي امي الله يرحمها معلمتهالي صنة وبنة توا تجربها وقولي
عثمان: باهي هي نوضي
.
.
.
.
.
.
.
ريم: ولا اسكتي شن قتلي
غادة: شن قتلك !!
ريم: اني رندة مرت بوك
غادة: حي عمي دارها وتجوز
ريم: لاكن وحق لا اله الا الله لما نوريها الووويل توا تشوفي
غادة: زعمه بيقول لحنينة ؟
ريم: اكيد لاكن توا تشوفيها مش ح ترضى بيها
غادة: واعررره اكيد
ريم: ههههه واني اوعر منها
غادة: هي باي توا نكلمك بننزل نتعشا
ريم: ياميمتي وانتي دااك في بطنك 😐
غادة: ههههه هي باي
ريم: صكرت وقعدة تفكر كيف بدير وكيف بوها مقاللهاش بين تفكير وتفكير خداها النوم
.
.
.
.
عثمان: طق طق طق ريم ياريم
ريم: 😴😴😴😴😴
عثمان: فتح الباب لقاها راقدة طلع
.
.
رندة: وينها خيرك منناديتهاش
عثمان: رقدة
رندة: اها به هي امالا تعشا 😊
.
.
.
.
.
.
.

🌥🌥 ثاني يوم 🌥🌥
.
عثمان: صباح الخير
رندة: صباح النور هي قعمز لفطور شوية ويكون واتي
عثمان: شنو ريم منزلتش ؟
ريم: صباح الخيرررر
عثمان: صباح النور
ريم: مشاء الله ع الروائح متع لفطور كويس تعرفي اطيبي
رندة: هي قعمزي افطري
ريم: اكيد بنقعمز بنتعرف على مرت بوي على قولتك
عثمان: ستغرب في اسلوب بنته 😐
رندة: احم احم
.
.
.
.
.
.
.
ترن ترن ترن
ريم: الو غادة وينكم ؟
غادة: اهو في الطريق خطمت على حنينة
ريم: وامك وين ؟
غادة: حتى هي معانا
ريم: ايوووة متقوليلهمش خليهم يتفاجئو ههههه
غادة: ياحليلها ريم ايامها سود
ريم: توا تتريح هههههه
.
.
.
.
.
.
عثمان: هي ماتبي شي
رندة: في امان الله
عثمان: منوصيكش رندة على ريم
رندة: اي في عيوني
عثمان: سلامات
رندة: الباب يطق افتح
عثمان: طلع فتح الباب ،،، وتفاجئ لقاها امه 😳😳
ريم: شافتهم من فوق نزلت تجري ،،، حنينة انستينا
ساسية: توا يامنجوه لا تكلمني لا شي
عثمان: الله غالب يا حاجة عمل
ساسية: اي ساعدوني خلي نخش
غادة: اهلين عمي كيف حالك
امها: اهلين سلفي شن اخبارك
عثمان: الله يبارك فيكم تفضلو تفضلو
ريم: اهم شي مقلتيلهمش
غادة: لالا مقلتش 😂
رندة: حي كيف مقاليش امه جاية هاذي اكيد فرخته اللفعة ياررربي فكني منها هالبنت
ريم: تعلي في صوتها بلعاني ،،،، مرررررت بووووي رنووودة
رندة: عطيك قصة فهالصوت ،،، اني جاااية هي
ساسية: شن هوووو مرت بوك ولا اني سمعت غلط
ريم: اي حنينة رندة مرت بابا
ساسية:  شنو اني كرب ولا فيا الزهايمر بوك ولدي عنده مرا وماتت شنو تقولي انتي
ريم: هاذي جابها امس ياحنينة
رندة: السلام عليكم
غادة: وعليكم السلام
ريم: هاذي حنينة يامرت بوي
رندة: عمتي كيف حالك ،،، وطبست بتبوسها من راسه
ساسية: دفتها بالعكاز ،،، امشي لا عمتك لا تعرفيني  قتلي عمتي سمعتيها يا مبروكم
مبروكة( ام غادة): غر فهموني امتى تجوز بوك
رندة: و تجوزنا قبل اربعة ايام وخيره الزواج عيب ولا شنو 😐
غادة: بصوت واطي ،،،، نازكة مرت بوك
ريم: صكري فمك خيرلك
ساسية: وتتكلم توا قوليلي عندك وجه تتكلمي واخدة راجل لا  قال لأمه بنتجوز لا ذدشي شني قطوس في شكارة ولا كيف
رندة: والله ياحاجة ولدك طلبني من خوتي وصاحبهم ويعرفوه علاش الدوشة  الزايدة وهو ميبيش يقول ،
مبروكة: حي ياريم جداك بتنوضلها راهي
ساسية: ريمممم ياريم
ريم: نعم حنينة
ساسية: توا تتصلي ببوك تقوليله يجي
ريم: علاش
ساسية: قوليله حناااي تبيك
ريم: شافت لرندة نظرة شماته ،،،، حاااضر
رندة: شن تشربو
مبروكة: شي
ساسية: شافتلها بربع عين وحطت عكوزها
.
.
.
.
.
غادة: زعممممه شن بيصير فيها
ريم: وين نندري اسكتي توا بابا بيعرف اني ناديتكم قتلكم تعالو
غادة: لالا
ريم: ارفعي القهوة نجيب المترد ونجي
غادة: تمام
.
.
.
.
.
.
عثمان: غر افهمي ياحاجة
ساسية: متقولش لأمك ياخااسر تتجوز وتجيبها لا نعرفو اصلها من فصلها وتقولي افهمي شنو بنفهم اااه قولي
عثمان: ياحاجة فيك الضغط متغشاشيش روحك
ريم: حنينة اهدي شوية
عثمان: اخت صحابي وخطبتها لأمتى بنقعد هكي مني بيونسني ريم وسيورها تتزوج واني شنو
ساسية: ياسيدي على الاقل قلتلي علمت خوك علمت لاختك فاطمه مش تتزوج ونسمعو صدفة
عثمان: حقك على راصي
ساسية: هي غادة بنيتي بنروحو
عثمان: والله ماك مروحه لين تتغذي يمه
مبروكه: هي غادة وصلني اني
عثمان: حتى انتي يامبروكه كلمي خوي ميلود قوليلة يجي يتغذا
رندة: كانت مقعمزة في دارها
عثمان: رندة هي نوضي طيبي لغدي امي وميلود ومرته بياغدو هني
رندة: نشاء الله نكتبلك الناقص جيبه
عثمان: تمام
ساسية: لاكن الحوش نظيف
ريم: نظيف اني نظفته امس حناي راهو
ساسية: عارفاتك بنيتي فالحة
غادة: اهي جت رندة
رندة: هي تفضلو طويسة شاهي خضرة
ساسية: منبيش فيا السكر
رندة: طاستك بروحها مكثرتلكش السكر
مبروكة: صخيتي ، طلع عثمان
رندة: اي خودي راحتك نحي حجابك
.
.
.
.
.
.
ريم: خشت لدار بوها ورندة وفتحت الشيمشمات متع الحمام كلهم وخلتهم مفتوحات
.
.
.
.
.
عثمان: يالله يالله يارندة
رندة: حطت الكاشيك وناضت،،،
عثمان: خودي السفرة
رندة: عجبكم الكسكسي
عثمان: يسلم يديك
مبروكة: تطيبها زي لعسل ياعمتي
ساسية: اي تطيبها زمني
ريم: فرقت حالها
غادة: لا لا تطييبها يهبل امالا بصلتها زي لعسل
رندة: صحتين وعافية
ساسية: ساعديني ياريمه بنخش الحمام
ريم: حاضر حنينة
رندة: بندير طويسة شاهي باللوز
غادة: خلي انوض نعاونها في الماعين
مبروكة: اي سلم بنتي
.
.
.
.
.
.
رندة: خشت لدارها بتبدل حوايجها ولقتها كلها امية ،،، ياعثمااااان خشت تجري باش تصكر الشيمشمات ،
ريم: حي حي شني المية هاذي
غادة: بصوت واطي،،،،، انتي ولا 😳
ريم: # يتبع
.
.
.
تفاعلو ادم ح يطلع اكثر في الحلقة 3 💜💜💜💜💜💜