مرت بوي

الحلقة الثالثة ❤

( مرت بوي ) 💜
..
..
🥇روايات ولد الكاتب 🥇
..
..
لو سمحتو اني كاتب ومش كاتبة اسمي ولد الكاتب يعني كمل مش كملي يعني استمر مش استمري 😇💜
..
..
( الحلقة الثالثة ) 🌥🔥
..
..
..
..
رندة: خشت لدارها بتبدل حوايجها ولقتها كلها امية ،،، ياعثمااااان خشت تجري باش تصكر الشيشمات ،
غادة: بصزت واطي،،، انتي ولا 😳
ريم: اسكتتتي مش وقتك
رندة: ياعثماااان ياعثمان
عثمان: طلع يجري من المربوعة ،،، هاا شن في خيركم
رندة: شوف الدار 😭😭😭
عثمان: خيرها امية كلها ؟؟
رندة: منعرفش خشيت بنبدل لقيت الشيشمات مفتوحات
عثمان: اكيد نسيتيهم
رندة: لالا منسيتهمش كانو مصكرات
ريم: الله غالب حصل خير
رندة: شافتلها بنظرة توا تشوفي
غادة: هي نعاونك
رندة: صحيتي توا انظفها اني
ريم: اوك امالا هي غادة ننزلو مع حنينة وامك
غادة: تمام
رندة: شفت بنتك متشمته واني متأكده هي دارتها
عثمان: لالا انتي توا ادوري في مشاكل ريم بدير هكي مستحيل
رندة: احححح وخلاص
.
.
.
.
.
.
.
.
.
.
ادم: كان مقعمز في حوشهم وشاد السبسي وفاتح الفيس بوك لين وصلاته رسالة مكتوب فيها ( صاحبتك سمر معاي وكان مش مصدق تعالى لكافي .... )  ادم مصدقش اتصل بسمر صكرت عليه ناض لبس وولع سيارته ومشي ،،،
.
.
.
.
.
.
ريم : بسلامه حنينة
حناها: هي سلم بنيتي روحي معانا
ريم: لالا حنينة غدوة موعد افتتاح الروضة منقدرش
حناها: بالخير عليكم انتي وغادة وربي معاكم
ريم: نشاء الله ادعولنا
غادة: خلاص امالا غدوة الساعة 8تكوني واتية
ريم: نشاء الله
حناها: ريتيها مرت بوك حتى النزول منزلتش تقول حني اللي فتحنا المية
ريم: متعدليش عليها حنينه
حناها: هي ياميلود وقت بنلحقو على المغرب بنصلي
ميلود: هي يمه هي
غادة: اني بسيارة محمد خوي جاية
ميلود: تمام هي خليك ورانا
.
.
.
.
.
.
.
.
.
_____ في الكافي _____🏙
.
.
سمر: عليوة هي نروحو
علي: لالا ستني شوية
سمر: شافت للباب متع الكافي لقت ادم كيف خاش ،،،، حي حي ادم هي نووووض نوووض
علي: وخيرك خايفة
سمر: حي عليااااا بيقتلني
علي: شن دخله بيك هو
ادم: خش ووقف عليهم حط ايده ع الطاولة ،،،، مشاااء الله طالعين على بعضكم
علي: اهلين بالسيد ادم
ادم: شده من سوريته وقامه وضربه على وجهه وزاد قرب منه وضربه مرة تانية
علي: طاااح ع الطاولة
القرسون: اطلعووووو تعاركو البرا ولا اناديلكن الشرطة هذا مكان محترم
سمر: ادم افهم مني بالله عليك
ادم: دفها ع الطاولة وطلع
.
( ياداير يا لاقي ) 👋
.
.
.
.
.
.
رندة: ريم يااااريم
ريم: ياوالله نهار اسود ،،، هاااا نعم شن في
رندة: خشي اغسلي اماعين لعشي
ريم: طبيعي ح نغسلهم لان معاش ح نخليك تغسليهم معقولة صنة الزفرة عالقة في الصواني 🙄🙄
رندة: ياميمتي على الكدب توا ياكدابة اني الصواني نغسل فيهم بالوركينة وكان مافيش وركينة ندير في الليم والصابون تتكلمي على نظافتي
ريم: ياوخيتي وانتي من اول ماعتبتي الحوش وتتكلمي على النظافة تعرفي اليوم كان مشفتش بعيوني راهو صدقتك 😂😂
رندة: احترمي نفسك واعرفي شن تقولي خشي اغسلي لماعين وديري عينك على براد الشاااهي متع بوك لما يسخن طفي عليه اني بنطلع نسقي الزرعات
ريم: الزرعات ردي بالك تقربيهم متع امي الله يرحمها بري خوديلك دار نظفيها صالة دار نومك ولا ديري حل لعمرك 😏🙂
رندة: اللهم طولك ياروح
ريم: يلا حبيبتي بندير السماعات وبنخش نغسل لماعين نتلاقو صدفة في الحوش 🤣🤣🤣
رندة: ياقلة الضرب وخلاص
.
.
.
.
.
.
.
.
.
.
🌃 الساعة    3:00 في الليل
.
.
تلفون ريم يشرين 📞📞📞
.
ريم: ناضت مخلوعة من النوم شافت المكالمة لقاته ادم فلأول مابتش ترد لين وصلتها رسالة ( ردي نبيك )  ردت عليه
.
ريم: الو نعم
ادم: سكراااان ومش قادر يتكلم ،،،، اني غلطط
ريم: خيرك ادم شن في
ادم: منبيش نجرحك منبيش نخليك تتعلقي بيا اني جرحتك وخنتك وعاااارف بس انتي انظف من الف بنت انتي الوحيدة اللي مافكرتش ندير معاها شي مافكرتش بيك الا حبيبتي ومرتي بس مقدرتش كلنا نغلطو
ريم: كانت كل كلمة يقولها تذكر كيف لقاته في شقتهم مع بنت تذكر لما ركبت بتعطيه هدية عيد ميلاده  وبتشوف شقتهم اللي يجهزو فيها اذكرت كيف فتحت غرفة النوم ولقت وحده بدالها تذكر كيف خانها اكثر شخص وثقت فيه وعتبراته سند وظهرها وزوجها وبو صغار 💔
ادم: ريم يا ريم الوووو
ريم: صكرت عليه وحطت تلفونها وضع طيران وقعدة تبكي تبكي على حظها تبكي على قهرتها اللي شافتها بعينها لأمتى بتقعد تبكي ناضت مسحت دموعها وشربت امية ورقدة
ادم: كان واقف قدام لبحر بين تفكير وتفكير خدااااه النوم وهو في السيارة💔💔🌃
.
.
.
.
.
.
.
.
.
🌥 ثاني يوم 🌥
غادة: تي هي يااا ريم
ريم: اصبررررري نجيب نظاراتي
غادة: اوووف سنةة
عثمان: امتى يبدا الافتتاح
غادة: ساعة 10  عمي
عثمان: على بركة الله بالتوفيق انشاء الله العشرة نكونو غادي اني وعمتك رندة
غادة: مرحبتين
ريم: اني جيت
غادة: هي
ريم: حي حي نسيت رخصتي هههههه اسفة اصبري
غادة: تلقيني في سيارتك راكبة
عثمان: طول عمرها وهي تنسا هههههه
.
.
.
.
.
.
.
.
مبروكة: صباح الخير ياحاجة
ساسية: صباح النور
مبروكة: عمتي اليوم لمة عواطف بنت فاطمة بنتك راهو
ساسية: ااااي نسيت يذكرك فالشهادة مشت على بالي
مبروكة: ااي قلت نذكرك
ساسية: مسألتهاش فاطمه بنتها بديره في الصالة ولا فالحوش
مبروكة: لالا فالحوش
ساسية: اي قولي لريمه وغادة بعدين
مبروكة: شنو رندة تمشي معانا ولا كيف
سأسية: هالحصلة اللي جابهالي ربي توا شن بنقولو لأنسباتنا وناسنا نقوللهم ولدي تجوز بلا مايقولي ولا كيف
مبروكة : عمتي قوليلهم مدرناش عرس وخلاص
ساسية: فاطمه بتتغشش منه
مبروكة: اااي بالله قوليلها حتى حني منعلموش
ساسية: اي والله شن بديري لغدي
مبروكة: بندير رشدة كسكاس ميلود خاطره فيها
ساسية: اي والله حتى اني قداش ليا عليها وين غادة
مبروكة: في الافتتاح
ساسية: اي قالولي مبارح
.
.
.
.
.
.
.
.
.
نورية( ام ادم ) : نورة يااانورة
نورة( اخته ): نعم ياماما
نورية: شوفي خوك ادم اتصلي بيه قوليله يجي يتغدا وهو 24 ساعة في هاذيكا الشقة لا يقول عندي ام عندي عيلة
نورة: نشاء الله حاضر
نورية: يحضرلك الخير وبري وكلي لعصافير سلم بنيتي وعطيهم اميه في القفاص
نورة: تمام
.
.
.
ترن ترن ترن 📞📞
ادم: هاا  صبح 😖😖
نورة: اما صبح الساعة 9:30 نوض قتلك ماما تعالى باش تتغدا معانا اليوم
ادم: اااه ياراسي بيطربق
نورة: اسمع
ادم: نعم شنو
نورة: كلمت ريم باركتلها
ادم: على شنو
نورة: اليوم افتتاح الروضة متعها هي وغادة
ادم: قصدك اليوم خميس 🤔😱
نورة: اي
ادم: نسيتهاااا زعما نلحق ؟
نورة: تي تلحق ممكن الافتتاح بيبدا 10
ادم: تمام هي صكررري باي
.
.
.
.
.
.
.
.
رندة: هي عثمان اني جاهزة
عثمان: هي اركبي
رندة: زعمه تأخرنا على الافتتاح
عثمان: لالا مزال نص ساعة
رندة: مشاء الله وعلاش فتحت تحديدا روضة
عثمان: ريم تحب الصغااار هلبا ويعني في صغرها معندهاش خوت لا خوات وشاركتها غادة ويعتبر مشروع صغير وبناتي اكثر
رندة: ربي يعاونهم والله حتى اني نفكر نفتح معمل حلو وحار صغير
عثمان: اوووو هكي انتي بتسمنينا
رندة: هههههه
.
.
.
.
.
.
.
.
ريم: اهلا بيكم سيداتي وسادتي في هذا الافتتاح البسيط شكرا لكل من قبل دعوتي ومش ح ننسى دعمكم ليا طبعآ مشروعنا للأطفال وسميناه ( روضة الأمل ) الأمل لما تكون طموح لشي انت تبي توصله بين اهلك وناسك نبي نشكر سندي وظهري والشخص اللي دعمني هو بابا ربي يحفظه ونبي نشكر بنت عمي غادة على دعمها ومشاركتها ليا في مشروعي شكرا ليكم واهلا بيكم في روضة الامل 💜❤
.
.
.
كل الحضور : ناض يصفق
رندة: مشاء الله كلامها ياريته فالحوش هكي
عثمان: ههههههه
ريم: تسلم على ضيوفها لين سمعت بشخص ينادي فيها
ادم: ريمم يا ريم
ريم: تلفتت،،،، اها اهلين
ادم: الف مبروك الافتتاح
ريم: شكرا
ادم: مشاء الله الروضة بدت احلى من الاول
ريم: تذكر وقت قتلك بنفتح روضة للأطفال شن قتلي !!
ادم: نزل راسة
ريم: قتلي انتي طفلة وتبي تفتحي روضة للأطفال وقعدة تضحك
ادم: خلااص ريم خلالاص
ريم: شكرا للورد ولحضورك تفضل استريح
غادة: ريم ياريم تعالى بنعرفك على صاحبتي اروى
ريم: اوك اني جاية ،،،، وقعدو عيونها مع ادم كيف مقعمز والبنات كلهم يشوفوله بجماله وشخصيته
.
.
.
.
.
.
.
عثمان: ادم كيف حالك
ادم: الحمد الله
عثمان: كيف حال بوك والعويلة كلهم
ادم: بخير عمي انت كيف حالك
عثمان: بخير الحمد الله
ادم: اني جيت بنبارك لريم
عثمان: اها مرحبتين بيك
ادم: هي نستاذن نتلاقو على خير
رندة: مني هذا ؟
عثمان: خطيب ريم لقديم ولد كويس غر ريم ربي يهديها
رندة: نعرف البنت كان فسخت اكيد في شي
عثمان: ربي يهديهم وخلاص
رندة: هي نروحو
عثمان: هي نسلمو على غادة وريم ونتوكلو
.
.
.
.
.
.
.
.
.
غادة: اااه يارجليا طااايبة
مبروكة: ستريحي شوية ونوضي جهزي روحك لمة عاواطف بنت عمتك فاطمه
غادة: يااااماما بنرقد منيش ماشية
مبروكة: لا نوضي البنت عازمتكم انتي وريم
غادة: ريم بتمشي ؟
مبروكة: اي كلمتها قتلي بنرقد شوية وبتنوض توتي روحها
اادة: به نوضيني
.
.
.
.
.
رندة: الحق متحشمه ناس منعرفهمش
عثمان: عادي تعرفي عليهم يارندة
رندة: هي خلي نخش ندوش ونوتي روحي
عثمان: تمام هاك 100 عطيهالها
رندة: تمام
.
.
.
.
🏙🏙🏙🏙
ريم: اني واتية هي توصلنا انت بابا
عثمان: اي اي اني
رندة: حتى اني واتية
ريم: فرقت حالك
رندة: نعم ؟
ريم: مشاء الله صنة اللوبان المعجون واصلتني لهني
رندة: الله غالب عروس
ريم: ياحليلي ع الثقة
عثمان: ريم اسكتي سلم بنتي
رندة: قاعدة الدسكة نفسها متع الاغاني
ريم: عشنا وشفنا بابا عنده دسكات اغاني واني لما نركب معاه تقول في عيادة
عثمان: هههههههه لسانك ياووودي منه
ريم: اي والله افتحو افتحو الاغاني
..
.. فتحو اغنية اسماء سليم ❤
..
العب لوطة  فوته سريب الحب فوته فوته 🎶🎶
من اولك والنية مش مزبوطة 🎶🎶
انا في غيبتك زي من دواء من مرض 🎶🎶
🎶❤🎶❤
🎶❤🎶❤
العب غادي باعك رخيص وكل مرة فوادي
عندي العين بالعين وانت البادي
يوم بايعك ماحد خير من حد
..
..
العب العب يابط
..
رندة: تغني وتهز في كتافها🙄
ريم: لالالت بابا مش طبيعي علش مراهقته في شيخوخته ولا كيف 🙂
رندة: فتحت تلفونها وتصور سناب
ريم: ااااي وتعرف السناب مشاء الله
رندة: نقصت الاغنية ،،،، حسيتك تتكلمي
ريم: لا سلامتك حبيبه نشاء الله تقلبيها علي
.
#يتبع ❤
..
..
تفاعلووووو💜💜💜💜