عبير قربت من علي السرير ورفعت الملايه وبصت تحت السرير.. ولقت عمر
عمر بإبتسامه : هالوووو
عبير بصدمه: جيبالي رجاله ف البيت يقمر
قمر بتوتر: لا دا راجل واحد والله
عمر طلع من تحت السرير وقال بذكاء: انتي متعرفنيش
عبير بغضب: وانا اعرفك منين
قمر بصدمه: ماما ده بابا عمر
عبير بضيق: قمر انتي اتهبلتي ده مش ابوكي وبعدين ابوكي ايه ده قدك
قمر فتحت كراسة الرسم وقالت : ده مش بابا
عبير بصت علي رسمه وقالت: اه ده عمر صاحب فريده وده رسم فريده عمر اختفى ف سنه 1997 انا عمري ما شوفته الصراحه بس فريده متأثر اوي بغيابه
قمر بصت لي عمر... وعمر بصلها بحزن كان واثق انها مش بنته
قمر بدموع: اومال انا بنت مين
عبير بتوتر: انتي هتخديني بصوت ولا ايه مين ده
عمر بسرعه: انا حازم ابن عمر وانا شبهه
عبير بغضب: وايه الي جابك بيتي..
عبير اتفجأت بسؤال قمر: هو انا بنت حرام
عبير مردتش عليها
قمر بصوت عالي: ردددي
عبير بغضب: بس اسكتي خلاص
قمر بتهديد: انا كدا كدا هعرف بس اقسم بالله ياماما لو طلعت بنت حرام ما
عمر قطعها وقال: بس خلاص
عبير مقدرتش تستحمل كلام بنتها وطلعت برا الاوضه
قمر بدموع : لو طلعت بنت حرام هغير الماااضي وهنتقم منهم كلهم
عمر بحزن: اهدي احنا لازم نرجع لزمني
قمر: تعال ننزل من هنا
عمر: طب مامتك
قمر بصتله بضبق وطلعت من الاوضه وعمر مسك كراسة الرسم وخدها معه وطلع وراها...... وطلعوا من الشقه
عمر بضيق: اي كان مامتك عملت ايه مكنش ينفع تكلميها كدا
قمر بصتله بغضب وقالت: انت جاي تعلمني ولا ايه لا روح علم نفسك انت حبيت مرات صحبك بجد مش عارفه ايه القرف ده لا وكمان جاي تعلمني الادب
قمر دخلت الاسنسير بغضب.... وبصت لي عمر وقالت بضيق: ادخل
عمر مسك باب الاسنسير وقال بكل هدوء: شوفتي معاملتي معاها كانت عامله ازاي شوفتي فريده جرحتني ازاي بس انا فضلت معاها مش عشان بحبها والله لا عشان انا من اول يوم اتجوزت فيه سليم شوفتها اختي... وانا مبسبش اختي واقعه ف مصيبه.. طيب شوفتي فريده كانت معيشه اسر ف كدبه وانها هي وابوه كويسين مع بعض وبيحبوا بعض مسألتيش نفسك ليه
قمر بصتله ودموع في عنيها وقالت: ليه
عمر: عشان متخليش نفسيته وحشه فريده وسليم كل دقيقه بتتخانقوا اكيد هي بعدت اسر عن الخناق عشان نفسيته وشخصيته متطلعش زي ابوه شوفتي بقا الفرق بينا وبينكم اسر لما عرف ان امه بتحبني زعقلها.. وانتي جيتي تزعقيلي بجد المستقبل ده شكله فيه مصايب كتير وناس مبتحترمش حد وقلة الادب هتبقا طبع فيهم
قمر حطت ايدها علي وشها وبدأت تعيط بحزن.. وعمر دخل الاسنسبر وحضنها بحنان وقال : انا اسف اني كلمتك كدا بس لازم تفهمي ان دي امك مهما عملت
قمر حضنته جامد وقالت: الماضي ده طلع وحش اووي انا كنت بحسب ان كل مشكلتي اسمي بس
عمر بضحك: انا مش عارف عقلي كان فين لما سميتك الاسم ده
قمر ابتسمت وقالت: كنت شارب حاجه شكلك
فجاه سمعوا شخص بيقول: استغفر الله العظيم..
قمر خرجت من حضن عمر وبصت قدامها لقت راجل كبير واقف قدام الاسنسير
قمر بستغراب: مالك ياحج
الشخص بقرف: استغفر الله بجد البنات مبقاش عندها حياء
قمر بصت لي عمر وقالت: هو قصده ايه الراجل الخرفان ده
الشخص وهو بيمشي قدامهم: بقوا يحضنوا ويبوسو بعض كدا قدام الناس بجد بنات اخر زمن
قمر بغضب: استنى ياراجل ياكداب انت احنا بوسنا!!!! بعض
عمر مسك ايدها وقال: اتهدي بقا وحركي اما الاسنسير ده
قمر: طيب...
________________________________
اسر وصل القصر بتاعه بس دخل من البوابه الخلفيه محبش مامته تشوف عربيته كدا وتخاف عليه.... ودخل من باب المطبخ الخلفي وبعدين جاي يخرج من المطبخ شاف ابوه بيزعق لـ امه
سليم بغضب: انتي عايزه مني ايه
فريده بدموع: وطي صوتك لاسر يجي ويسمعك
سليم بغضب: مايسمع خليه يجي يشوف امه
فريده بغضب: ارحم بقا انت كل يوم مع ست اتقي الله بقا
سليم بخبث: ايه غيرانه عليا
فريده بصتله بقرف وقالت: أبدا بس انا مش عايزه اخوت لـ اسر تاني
سليم بسخريه: ولا تاني ولا تالت وبعدين انتي قلبك اسود اووي انتي لسه فاكره الي حصل من 23 سنه
فريده بدموع: يوم 28/10 /1997 التاريخ ده لسه محفور ف قلبي وفي عقلي مستحيل انساه
سليم بخبث : قولتلك سبيني
فريده: علشان تاخد مني اسر عارف لو مكنتش بتهددني بيه كنت مشيت وسبتك...
أسر كان سامع كل ده بصدمه وبعدين جاله رساله من قمر فتح التلفون وشاف الرساله ( احنا قدام القصر اطلع)
اسر قفل التلفون وبعدين طلع من القصر
قمر بحزن: اسر انا طلعت بنت حرام
اسر بصلها بحزن وقال: وبابا طلع بتاع ستات وماما عارفه وساكته
