عمر: فاكر لما قولت متخفش من الوحش وبقا حلو وخاف من الحلو وبقا وحش فريده اختارت سليم وسبتني مع ان كان فيه بنا قصة حب تجاهلت كل ده. وجت تقولي اني بالنسبه لها اخ
قمر بسعاده: يعني مش هترجعلها صح
اسر بضيق: بس ماما مش وحشه وانت قولت بعضمه لسانك انها مخلتنيش اشوف عيوب بابا ولا مشكلهم علشان متعقدش
عمر: بس انا مقولتش انها وحشه انا قولت انها مختارتنيش وانا مش هختارها
اسر ابتسم وقال: ايوا كدا احسن
عمر. بص لـ قمر وقال: يعني اقدر ارجع زمني متخافيش مش هتزفت اتجوزها
قمر بضيق: مفيش رجوع تمام وانا هكسر المنبه ده مليون حته
عمر بغضب : انتي مجنونه
اسر ركب عربيته وقال: فاضل ساعه علي الامتحان يااستاذه قمر واحنا ولا ذكرنا ولا اتنيلنا علي عيناااااا
قمر بصت لـ عمر بخبث وقالت: ماحنا معانا عمورتي اكيد
عمر بضيق: انا اكره ما علي قلبي الغش
قمر قربت منه ومسكته من التيشرت بتاعه وقالت: تعال بس
عمر بص علي ايدها بقرف وقال: بجد بنات الايام دي جرأين أوي ...
عمر وقمر ركبوا العربيه... واسر اتحرك
قمر: مانت عارف ياعمر ان احنا فضلنا نسافر عبر الزمن مكناش فاضين نذاكر
اسر بابتسامة : وانت حببنا بقا وسمعت من امي انك طالع من الاوائل ف كلية طب واحنا ف طب زيك
عمر بغضب: انتم بذمتكم هتبقوا دكاتره
اسر بسخريه : وانت يعني الي دكتور ياخويا
عمر بضيق: مانا موت ملحقتش ابقا دكتور المهم هغششكم بس هدخل الامتحان ازاي
قمر غمزلته وقالت: سبها عليا......
____________________________________
*ف القصر *
*فريده طلعت اوضه قمر... اكتر اوضه بترتاح فيها...
*وقعدت علي السرير بحزن وبدأت تفتكر زكرياتها هي وعمر.... ولفت نظرها شنطة قمر كانت مفتوحه خدتها وجت تقفلها لقت فيها المنبه بصت عليه باستغراب وبعدين طلعته من شنطة
*فريده : ايه المنبه القديم ده... وبعدين بصت علي شنطه تاني لقت مذكرات قمر مسكتهم وقراتهم بصدمه......
*___________________________________
**عند عمر*
*كان سرحان وبص من شباك العربيه وافتكر الي حصل من نص ساعه...
**فلاش باك *
*قمر طلعت من اوضتها وهي بتعيط وعمر مسك شنطتها بضيق وطلع المنبه... بس مذاكرتها وقعت من الشنطه عمر قعد ف الارض وخد المذكرات واسر جاه قعد جمبه وبدأوا يقرأوا
*(انا قمر عمر الاسم ده مضايقني اوي بس كلهم مفكريني هو ده الي بيخليني اعيط لا انا الي بيخليني اعيط اني معنديش اب يهتم بيا يحسسني اني مهمه انا كان نفسي ابويا ميموتش...)
*اسر باستغراب: ازاي الكلام ده مكتوب والزمن اتغير
*عمر: لان الشنطه دي سفرت معانا وهي كدا تعتبر مش هتتغير زينا كدا احنا فاكرين كل حاااجه ولما زمن اتغير مأثرش فينا اما سليم وفريده وعبير نسيوا اي حاجه بعد تغيري الزمن
*اسر رجع قرأ ف المذكرات
*(انهارده عرفت ان عمر مش ابويا الصراحه احسن انا عمري ما شوفته ابويا اصلا الماضي ده وحش اوي عرفت حاجات كتير جرحت قلبي بس عمر دايما بحسه بيقويني انا مستحيل اسيبه ف زمن ده لاني متعلقيه بيه جدا... انا مش قادره اصدق لغايه دلوقتي اني لقيت منبه سفرني عبر الزمن ولقيت عمر كمان..)
*اسر بحزن: شكلها فعلا متعلقه بيك
*عمر حط مذكرات قمر والمنبه ف شنطه وقال: وانا هنهي التعلق ده ف اقرب وقت...
*عمر قام وطلع برا الاوضه...
**انتهاء فلاش باك*
*عمر بص علي قمر لقها ماسكه كتاب وعماله تذاكر
*عمر: قمر
*قمر بصتله وقالت: ها
*عمر: هو انتي ليه عايزني افضل معاكي
*قمر بصت علي الكتاب وقالت : علشان بحبك
*عمر بصدمه: ايه
*اسر وقف العربيه قدام الجامعه وقال: بتحبيه
*قمر بضحك: اه في ايه مالكم
*عمر بغضب: قمر بطلي هزار وقوليلي الحقيقه
*قمر بضيق: معرفش انا عايزاك جمبي وخلاص
*عمر بزعيق: بس دي انانيه ولازم تعرفي حالا انتي عايزني جمبك ليه
*قمر بتفكير: معرفش انا ببقا مبسوطه وانا معاك
*اسر بنفاذ صبر: لا دا انا احط قرون بقا ماتتلمي مالكيش اخ يلمك
*قمر بغضب: اووووووف
*قمر بصت لي عمر وقالت: فيها ايه لما احبك ايه عملت جريمة فهمني يعني انت مش عايز حد يحبك غير فريده
*عمر بغضب: اخرسي هو انتي تعرفي عني ايه اصلا علشان تحبيني دا انا كنت ابوكي ياشيخه بجد انا شايفك احقر واحده شوفتها ف حياتي
*اسر بصدمه: عمررررر
*قمر بصت لي عمر بصدمه وقالت: انا ياعمر هو انا عملتلك ايه انت ليه مع الكل الشخص الحلو وتيجي عليا تطلع وشك التاني
*عمر بغضب: انا بطلع وشي التاني للي يستاهلوه
*قمر بزعيق: مطلعتهوش لفريده ليه اللي سبتك وراحت لسليم وداست علي كرااامتك وخانتك و
*عمر ضرب قمر بالقلم علي وشها وهي انصدمت وحطت ايدها علي وشها
*اسر بغضب: عمر ايه الي انت عملته ده...
عمر بدأ يستوعب اللي قالو واللي عمله
عمر بندم: قمر انا
قمر نزلت من العربيه ودخلت الجامعه وهي بتعيط..... وعمر نزل وراها وفضل ينده وهي مش بترد... وبعدين بص وراه لقه اسر..
عمر: بيطلبوا منك البطاقه
اسر بستغراب: لا ليه
عمر: انا هدخل مكانك الامتحان ومتخفش هحللك
اسر بابتسامه : ياااه ياريت بس افرض اتقفشنا
عمر بتفكير: صحابك الي تعرفهم هناك معاك يعني ف نفس الجنه
اسر: لا انا معنديش صحاب غير قمر واكيد بردو بعد تغير الماضي فضلت كدا وانا وقمر اصلا مكناش بنحضر المحاضرات.....
عمر ابتسمله وقال: تمام
عمر دخل القاعه بثقه ومكنش لسه الدكتور جه بص علي المدرج لقه قمر قاعده بتعيط ف صمت.... قرب منها وقعد جمبها وهي بصتله وبعدين بعدت عنه شويه بس هو مسك ايدها وقربها منه
قمر بدموع : عايز ايه
عمر بابتسامة: هشرحلك حاجه. كدا مش عارف هتفهميها ولالا
عمر مسك كف ايدها وقال: تعرفي الحب مش كله كلام حب وامسك ايدك وتمسكي ايدي الحب اكبر من كدا بكتير زمان مكنتش مقتنع بالحب بس لما شوفت فريده حبتها
قمر بصتله بغضب وشالت ايدها من ايده... وهو ابتسم ومسك ايدها تاني
عمر: بس لما سبتني رجعت تاني لفكرة ان الحب ده حاجه تافهه وكله وجع وخيانه... كنت عايش معنديش حد غير ابويا وبس امي ماتت ابويا ده اداني حب الدنيا كلها وانا كنت متعلق بيه جدااا
قمر بضيق: انت مش ابويا وانا مش متعلقه بيك تعلق البنت لابوها
عمر: عارف بس لو صبر القاتل علي المقتول مكنش
قمر : مكنش قتله عرفنا
عمر بضيق: هو انتي ليه بتقطعيني....
قمر بصتله بضيق ومردتش
عمر غمزلها وقال: ولا عايزه تفضلي ماسكه ايدي كدا..
قمر بغضب: كمل
عمر: لما شوفتك كنت متاكد انك مش بنتي لاني مستحيل اتجوز بعد الي عملته فريده مستحيل احب اصلا بس لما شوفتك اتغير كل ده
قمر بستغراب : اتغير ازاي
عمر بابتسامه: كنت عارف من الاول انك بتحبيني بس كنت شايف ده حاجه مقرفه لاني اصلا لو كنت عايش دلوقتي هبقا اكبر منك 23 سنه متخيله وانا كنت ابوكي كنتي بتعتبريني ابوكي مشوفتش غير انك واحده. لسه طفله ولغاية اخر لحظه كنت بكابر كنت عارف وواثق اني اتعلقت بيكي زاي ماتعلقتي بيا واني مش عايزك تسبيني
قمر بصدمه: بجدددد
عمر بحزن: علشان كدا زعقتلك كنت بسألك وانا واثق من الاجابه اتعصبت وغصب عني ضربتك بس بعد كدا استوعبت ان لو فعلا حبنا ده غلط ف لازم انا كمان اتعاقب مش انتي لوحدك لاني كنت بكابر علي الفاضي
قمر كانت بتسمع كل ده وهي مصدومه والدكتور دخل القاعه.. وعمر قرب منها وهمسلها وقال: علشان كدا انا عايز اقولك اني بحبك اوووي حبنا غلط او مش غلط ماليش فيه المهم اني بحبك وبس
قمر بصتله بصدمه وبعدين عمر ساب ايدها وبعد عنها شويه... والدكتور بدأ يوزع الورق ... وعمر بص علي الامتحان وكان بالنسبه له سهل... بص لي قمر لقها لسا بتبصلو عمر ابتسم وبعدين بص علي الدكتور لقه لسا بيوزع الورق ومش مركز....
عمر بهمس: بصي ف ورقتك يابنتي
قمر بصت علي الورقه وقالت بهمس: انا كدا كدا هسقط اصلا ..
عمر ابتسم وقال: عيب انا موجود..
عمر بص علي الورقه وبدأ يحل وقمر كانت بتبص عليه بسعاده وجات دكتوره من جمبها وقالت بضيق: بصي ف ورقتك
قمر بتصتلها وقالت بهمس: استغفر الله باين عليكي بومه...
قمر بصت علي ورقتها... وبعد نص ساعه عمر خلص الامتحان وبص علي قمر لقها حاطه ايدها علي خدها بخيبة امل... وبص حواليه لقه المراقبين مش بصين عليهم ابتسم بخبث
عمر بهمس: قمر
قمر بصتله وقالت: ها
عمر بص وراه وبعدين قدامه لقه كله مركز ف ورقه راح مد ايده بورقة الاجابه والسؤال لقمر... وقمر خدتها وادته ورقة السؤال والاجابه بتاعتها
عمر مسك الورقه وقال: سامحني يارب
قمر بهمس: هيسامحك لانك بتساعد ولايه
عمر بصلها بيضيق وبدا يحل.. وقمر بصت علي ورقه الاجابه كان مكتوب اسمها وهي كتبت رقم الجلوس بتاعها وفتحت شافت حل عمر عجبها جدا خطه وبعدين مسكت ورقه السؤال وركزت فيها لقت عمر كتبلها كلمه ( بحبك)
قمر بصت لـ عمر لقته بيحل ابتسمت بسعاده... وبعد نص ساعه عمر قام وقال: خلصت وطبعا كتب اسم اسر ورقم جلوسه وقمر قامت وراه وسلموا الورق وطلعوا من القاعه وقمر مسكت ورقه السؤال وقالت بجديه مصطنعه: ايه الي انت كتبه ده يااستاذ مش عيب
عمر بضحك: طب هاتي
عمر خد الورقه وجاي يقطعها قمر صرخت فيه وقالت: لااا
عمر بخبث: مش كانت عجباكي صح
قمر بضيق: خلاص بقا يارخم
عمر: تعالي نروح الكافتريه اسر هناك
قمر: يلا....
____________________________________
*عند اسر *
*كان قاعد وماسك تلفونه.. وفجاه بنت جت قعدت علي ترابيزه بتاعته وقالت: عمر فين
اسر بستغراب: نعم
البنت : بقولك عمر فيييييين
اسر بضيق: انتي مين
البنت بابتسامه: اسمي اسما
اسر: ماشي الي بعده مش معقول يعني هتقولي اسمك وبس
اسما: انا بنت خالد
اسر بصدمه: بجد بنت الراجل الرخم ده
اسما بضيق: لم نفسك
عمر وقمر وصلوا ف لحظه دي واسما اول ماشافت عمر ابتسمت وقالت: عمر
قمر بضيق: نعم
اسما: عمر انا اسما بنت دكتور خالد ابن عمتك فريده هانم جت لـ بابا من ساعه كدا وادتله مذكرايات قمر وعرفوا الحقيقه كلها وقراروا يرجعوك زمنك
عمر بصدمه: ايييه
اسما: هو انا مكنتش اعرف كل ده والله بس سمعت فريده بتكلم مع بابا وعرفت حكايتك كلها وحبيت اجي اقولك وكمان كان عندي فضول اشوفك
اسر بغضب: وافرض هو مش عايز يرجع
اسما بحزن: انا شوفت ف عين بابا شر وكره ماشوفتهوش قبل كدا وفريده شوفت ف عنيها طمع بتحبك لدرجه انها هترجعك زمنك غصب وبعدين تكسر المنبه
قمر بغضب : مش هسمحلها تعمل كدا
عمر بهدوء: هما فين دلوقتي
اسما: ف الفيلا مستنينك
عمر بذكاء : هسالك كام سؤال تجاوبي بسرعه بدون تفكير
اسما بستغراب : تمام
عمر: عرفتي ازاي شكلنا
اسما بابتسامه: حضرتك متعرفش ان جدو الي هو ابوك عايش معانا ما هى تاتا الي هي ام بابا وتبقا اخت جدك كتبت لجدك كل املاكها لانها عارفه بابا مهمل وجدو بقا شايل كل صورك ف اوضته
عمر بسعاده: يعني بابا عايش
اسما: اه الحمدالله
عمر: طب اسر عرفتيه ازاي
اسما : لا والله مااعرفه انا بس سألت عليه هنا ف جامعه والناس وشاورلي عليه
عمر: ايه الي خلاكي تيجي تقوليلي
اسما: انا فاهمه انك مفكر اني جايه اقولك واسحبك واوديك عندهم بس ياعمر انا مش كدا انا طول حياتي مش عجبني تصرفات بابا وجيت قولتلك اي كان بقا انت عايز تكمل هنا ولا تروح زمنك
عمر ابتسم وقال: شكلك طالعه شبهي
قمر بغضب: استغفر الله واتوب اليك
عمر بضحك : مش شبهي اوي يعني
اسر: :طب هتعمل ايه
عمر: تعالوا نرجع القصر
قمر بخوف: هترجع لزمنك
عمر بصلها ومردش عليها
اسر: طب يلا
اسما.: ممكن اجي معاكم معلش اصل انا بحب المغامرات
عمر بابتسامة : اكيد
اسر بضيق: فريده وخالد عرفوا انهارده بكرا مصر كلها تعرف
قمر بضيق: طب. يلا نروح لفريده. ونشوف اخرتها. ...
عمر مسك ايد قمر وميشوا هما الاول ..
عمر: طب انتي زعلانه ليه
قمر بحزن: خايفه ترجع زمنك ومش اشوفك تاني
عمر بصلها بحب وهي اول مره تشوف البصه دي منه
عمر: مش انا قولتلك مش عارف هل حبنا ده صح ولالا بس الي اعرفه اني بحبك ف مهمها حصل انتي هتفضلي حبيبتيَ وبس
قمر ابتسمت وبعدين افتكرت فريده
قمر بغضب : انت بتاكل بعقلي حلاوه ولا ايه
عمر: صبرني يااااارب
قمر بغضب: بص بقا انا ولا بتاعت عياط ولا اقولك بليز متسبنيش ولا الكلام ده دا انا اخدك من قفااااك وحبسك ومخرجكش
عمر بضحك: يخربيتك طب تعالي
عمر وقمر ركبوا العربيه..
اما اسر واسما وقفوا قدام العربيه
اسما بضحك: يعني انت ليك ف الكوره
اسر بضحك: طبعا انا فريقي المفضل ريال مدريد
اسما بصدمه: وانا والله
عمر طلع راسه من شباك العربيه وقال: لا نجيبلكم ليمون ونسيب فريده بقا ونشوف بقا الحاجات المشتركه بينكم
اسر بضيق: فصيل ... احم اتفضلي
اسما ابتسمتله وركبت قدام واسر ركب وساق العربيه....وتحرك
اسر: طب اكلتك المفضله ايه
اسما: مكرونه بالبشاميل و
عمر قطعها وقال: نعم ياخويا انت عايز تشقطها ولا ايه دي ف مقام بنت اخويا
اسر بضيق: مانت شقط اختي وانا ساكت
عمر بص لي قمر وقال بخبث: لا دا هي اللي شقطتني
قمر بضيق: اه مهو واضح
فجاه سمعوا صوت عربيه صوتها عالي عمر بص قدامه لقه عربيه نقل كبير جايه عكسهم...
عمر بصريخ: اسررررررر حااااااسب
__________________________
ياترى فريدة وخالد هيعملوا ايه؟!
ياترى هيحصل ايه للأبطال؟!
ياترى عمر هيرجع لزمنه ولا لا؟!
