ليلة رأس السنة (مكتملة)

اسكريبت ١

اسكريبت صغير
****************
#حالة نور
**********
في حى من الاحياء البسيطة تجلس بطلتنا على فراشها حزينة منكسة رأسها للاسفل دخلت عليها زوجة ابيها:ايه يا اختى هتفضلى اعدلنا كده كتير ولا ايه متقومى اتحركى شوفيلك شغل
....: نزلت دورت ملقتش محدش عايز يقبلنى
زوجة ابيها:وليه ها كله بسببك ونزلت فيها ضرب لحد ماغمى عليها بس احب اقول ان بطلتنا محستش بايى نوع من الالم لان الم نفسيتها اكبر وبعدين هي اتعودت على كدة تعالوا نعرف ايه الحكايه 💔
استوووووووب
(انا نور او دبدوبة زى ما الناس بتقولى انا عندي ٢٣سنة بس اللى يشوفنى يقول ٣٠ماما ماتت وانا عندى ١٠سنين وبابا اتجوز بعديها بشهور ومات وانا عندى ١٧سنة مرات ابويا كانت بتعملنى كويس لحد ما بابا مات  وانا وحيدة مليش اخوات وهى عملتنى زى الخدامين حكايتي شبه سندريلا بس سندريلا جميلة فلقت السعادة اما انا هلقيها فين انا وزنى ١٥٠كيلو كنت مبسوطة ومكنش وزنى مسببلى مشكلة بس بعد اللى حصل وانا كرهت نفسي كل يوم بيحصل الحوار اللى انتو شفتوه وانا محدش بيقبلنى علشان انا طخينة ووحشة اه بالمناسبة انا عيونى اسود وشعرى كمان وبشرتى سوداء وعادية جدا يمكن اقل من العادية التنمر مش مشكلتى مشكلتى كلها اسمها زياد)
****************
بعد مرور ساعتين........
انا فوقت بعد ماغمى عليا
زوجة ابيها (ريهام):يلا غورى انزلى شغلك
نور:هو انا هشتغل
ريهام:اه في محل اللبس اللي على اول الشارع
نور: حاضر (على فكرة انا ممكن اطردها من البيت بس بابا للاسف كتبه باسمها)
نور: يلهوى المحل ده عند خالتى ربنا يستر ومشفكش
وصلت المحل وانا متوترة بس طلع صاحب المحل راجل كبير وطيب اوى
صاحب المحل (عم مدحت):اذيك تعالى اعرفك كل حاجة
عم مدحت عرفنى كل حاجة وادانى الشغل بعديها بشوية دخل علينا واحد قمحاوى البشرة ومش رفيع اوى ولا طخين اوى وعيونه عسلى مدية على بنى وملامحه شبه عم مدحت اوى
كريم:اذيك يا بابا
عم مدحت:اذيك يا ابنى
نور اه ده طلع ابنه انا مالى
خلصت شغل وسط ضغط نفسي من نظرات العملاء بس انا اتعودت فخلاص وانا خارجة خالتى كانت واقفة في البلكونة هى وبتها ونادتنى وانا طلعت علشان خالتى بتحبنى وبتحسسنى ان امى عايشة وانا كمان بحبها اوى
نور:اذيك يا خالتى عاملة ايه اذيك يا نورهان
خالتها سعاد: كويسة يا حبيبتي وانتى عاملة ايه
نورهان:كويسة يا قلبى وانتى
سعاد: قومى يا نورهان حضرى الاكل لبت خالتك
نور:لا شكراً يا خالتو
اصروا عليا واكلت معاهم واحنا قاعدين بنشرب شاى دخل علينا شاب اية في الجمال عيون خضراء وشعره اسود وجسمه حاجة تانية لانه من صغره بيلعب في الجيم وده خله جسمه تحفة دخل هو اكبر منى بخمس سنين يعنى عنده ٢٨سنة واول مشفنى كشر هو ده سبب حزنى واكتئابى دخل سلم على امه واخته وحضن اخته وعطاها الكتاب اللى هيا عيزاه اد ايه هو حنين يا لو كان عندى اخ اتجاهلنى تماماً ده حتى مسلمش عليا وده قهرنى بس بينتلوا ان انا قويه وانا كمان قررت اتجاهلوا بس انا عارفة ان هو حاسي بقهرتى اصل هو كان اقرب حد ليا بس بعد اللى حصل وهو مبيكلمنيش زياد دخل نام وانا روحت بيتنا ومرات ابويا قعدت تزعق واخدت منى اليومية اللى اخدتها من عم مدحت وانا دخلت استحميت بمية ساقعة واحنا في عز الشتاء يمكن تطفى نار قلبى طلعت وافتكرت موقف حصل بينى وبين زياد
FLASH BACK                                              
من ١٣سنة (كان عندها عشر سنين وهو ١٥ماشى)
نور:بابى هما ليه الناس دى لابسة اسود وايه اللى دخلهم بيتنا وفين مامى هى مش هتحل معايا الواجب
ابوها بقسوة: لأ
نور:ليه يا بابى
ابوها بزعيق:امك غارت اخرسى لوديكى وراها
انا طلعت اجرى واعيط ونزلت الشارع وكانت العربية هتخبطنى بس زياد مسكنى وانا مسكت فيه وحضنته
زياد بحنية:مالك يا نورى بتعيطى ليه
نور: علشان انا عايزه ماما ولما قولت لبابا زعقلى هى ماما فين
زياد مبقاش عارف يقولها ايه:بصى يا نورى ماما علشان ربنا بيحبها اخدها عنده
نور:وهى ليه مخدتنيش معاها
زياد بلهفة: بعد الشر عليكى وبعدين ماما دلوقتى فى مكان احسن هى عند ربنا
نور: يعنى ماما ماتت خلاص وانفجرت في العياط وهو اخدها في حضنه وقعد يطبط عليها لحد مهديت
زياد: خلاص بقى كفاية عياط تعالى اجبلك شوكولاتة وايس كريم
نور: الله ماشى يلا بسرعة
زياد:يلا
نور: لأ استنى ابيه هو انا وحشة
زياد:مين قالك كده انتى جميلة
نور:انا سألت نورهان وهي قالتلى ان هى احلى منى وصحابى بيعدوا يقولولى يا وحشة هو انا وحشة يا ابيه ومن غير متكذب
زياد:عيب يا نور هو ابيه عمره كذب عليكى وبعدين انتى جميلة متسمعيش كلام حد
نور: شكراً يا ابيه انا بحبك اوى
زياد وطى عليها وباسها في خدها واخدها جبلها جيلاتى
BACK                                                            
فقت من تخيلاتى وافتكرت هو عمل فيا ايه ونمت
عدى شهر على شغلى في المحل ابن صاحب الملح في الاول كان كويس بعد كده ابتدى يتحرش بيا طبعا مقدرتش اكلم علشان لو اترفدت مرات ابويا هطردنى من البيت عدى شهر وانا مشفتوش ولا شفت خالتى قلت اكيد في اسكندريه بيصيفوا كنت في المحل ومرة واحدة دخل عليا ابن صاحب المحل كريم ومسك ايدى وابتدى يلمس جسمى بطريقة مستفزة قولتله ابعد ارجوك لحد مدخل علينا ابوه:انتو بتعملوا ايه
كريم:يا بابا البت دى بترمى بلاها عليا وقاعدة تقولى حاجات مش مظبوطه زيها
نور: والله ما حصل
ابوه:انتى هتكدبى ابنى يلا امشى اطلعى برا مش عايز اشوفك
روحت البيت ووشى كله دموع العيال في الشارع قعدوا يتريقوا عليا ويقولوا الدبدوبة جت وحدفونى بالتوب طلعت وروحت ومرات ابويا شفتنى وقالت: ايه اللي جابك بدرى كده
نور:اترفدت
مرات ابوها بزعيق:ايه ليه اكيد عملتى حاجة اسمعى يا بت انتى ادخلى لمى هدومك وامشى ايه القرف ده
نور:بس ده بيتى
مرات ابوها:بيت مين يام بيت البيت باسمى يلا لمى هدومك واطلعى برا وده اكرام منى بدل مطلعك باللى عليكى
نور:, حاضر
دخلت لميت هدومى وقرشين كنت محوشاهم منها على جنب ملقتش مكان اروحه غير بيت خالتى روحتلها والساعة كانت ١٢,٥ بليل
خالتى:ايه يا بنتى ايه اللي جابك في الوقت ده
قعدت اعيط وخلتى اخدتنى في حضنها وطبطت وانا حكتلها كل حاجة وخرجت نورهان وقعدت معايا وبعديها خرج زياد وهو لابس بنطلون بس: في ايه يا ماما مولعين النور ليه
انا اتكسفت وحطيت وشى في الارض وخالتى حكتله كل حاجة
زياد:اتفضلى ادخلى ارتاحى في اوضتى
نور: لأ شكراً انا همشى
زياد:انا قولت ادخلى والصباح رباح
دخلت وانا مضايقة من اسلوبه معايا بس ايه ده الله اوضته جميلة وانا تخيلت نفسي مراته وقاعدين فيها بس نهرت نفسى وافتكرت لما جرحنى
FLASH BACK.                                                   
كنت قاعده مخنوقة ودخل عليا زياد:القمر سرحان في ايه
نور:ولا حاجة عادى
زياد:بقولك ايه انا محتاج مساعدتك
نور: في ايه
زياد:عايز اجيب هديه حلوة لبنت بس محتار فانتى اقرب حد ليا قولت اسألك
نور بغيرة:مين دى
زياد:زميلتى في الشغل
نور   :وتجبلها هديه ليه بمناسبة ايه
زياد:عادى يا بنتى الفلانتين وبعدين انا معجب بيها فقولت اجيبلها هدية واعترفلها بحبى وبعدين انتى يا بنتى مالك في ايه بوزتى كده كاننا بنحب بعض وانا يخونك
نور: زياد
زياد: امممم
نور: انا فعلا بحبك
زياد: هههههه نكتة حلوة قولى غيرها
نور: زياد انا مش بهزر انا بحبك فعلا ومن مده طويلة وانت مش حاسس بيا
زياد:انتى هبلة يا نور انتى بالنسبالى اختى الصغيرة زيك زي نورهان وانا عمرى موهمتك بحاجة شيلى اللى انتى قولتى ده من دماغك
واخد بعضه ومشى
BACK.                                                                 
ومن ساعتها وهو بيتجاهلنى تماماً نمت وانا دموعى على خدى وفى بالى فكرة وهنفذها بكرة أن شاء الله
صحيت الصبح وكانوا كلهم متجمعين على السفرة
خالتى: صباح الخير ايه يا بنتى ايه الشنطة دى انتى رايحة فين
نور:انا قررت............
*******************************
استوووووووب
ده اسكريبت صغنن ممكن اعملها نوفيلا صغيرة تبقى عشر بارتات او اقل فعايزة أرأكم ولو عملتها نوفيلا هلاقى تفاعل ولا خليها اسكريبت ملحوظة الاسكريبت جزءين اللى عوزه يكتب واللى عوزنى اكمل يكتب ايه رايكم في طريقه السرد ولو عجبكوا الاسكريبت ممكن اعمل غلاف ليه على الواتباد يبقى اسكريبتات بس لو لقيت تفاعل وعجبكم واللى عوزنى اكتب اسكريبتات تانية يقول بتوع الواتباد انا نزلته في قلب الرواية ورونى التفاعل
واستنوا الرواية الجديدة قريباً هتنزل هيا وليلة رأس السنة مع بعض يلا اللى عيزها يقول علشان اتحمس وأبدأ اكتب فيها
توقعاتكم
يا ترى ايه قرار نور؟
#اسكريبت_حالة_نور
#رايكم مهم وبيشجعنى اكمل
#للكاتبة جنى حمادة
#كاتبة رواية ليلة رأس السنة

متابعه لطيفه تزود الدعم GanerHmada متمشيش من غير متقول رأيك وتحط فوت متجريش وخلاصGana Hmada