ليلة رأس السنة (مكتملة)

اسكريبت ٢(بنت الملجئ)

اسكريبت
*********
انا وعد ١٩سنة متربية في ملجئ وبشتغل في كوافير وبتدفع للملجأ انا جايبة مجموع عالى في الثانوى بس للاسف مش هاينفع ادخل كلية علشان الملجئ مش هيتحمل مصاريفى أنا شعرى اشقر وعيونى زرقاء جميلة وبيضاء البشرة وجسمى متوسط كيرفى يعني انا النهاردة قومت الصبح بدرى واستحميت وسلمت على صحابى اللى فى الملجئ ومشيت نزلت الكوافير او البيوتى سنتر يعتبر من اشهر الكوافيرات بيودينا لبيوت ناس وبنشتغل فيها
وعد: صباح الخير يا ماما حنان
حنان: صباح الخير يا بنتى
اه نسيت اعرفكم دى حنان صاحبة البيوتى سنتر هى بتحبنى اوى وجت الملجئ اخدتنى اشتغل معاها وانا بحبها اوى وبعتبرها زى امى
حنان:بصى يا وعد أنا هبعتك بكرة لناس فوق اوى هتروحى هناك تعمليلهم اللى هما عيزينوا تمام مش عايزة شكوى منك ماشى
وعد: حاضر يا ماما يلا هروح اشوف شغلى
حنان: ماشى يا حبيبتي روحي
روحت غيرت ولبست اليونيفورم ودخلت اشتغل

*كنت بعمل لوحده شعرها جات عليا زميلتى في الشغل وهى بتكرهنى اوى وانا مش عارفه ليه انا معملتهلهاش حاجة*
غرام:اوعى يا بت انتى اعملها انا شعرها، اذيك يا هانم نورتينا، اوعى يا بت
الزبونة: لأ سبيها انا عجبنى شغلها
وعد: شكراً لحضرتك
الزبونة:يلا كملى شغلك
وعد: حاضر
خلصت شغلى وروحت الملجئ
صفاء: ايه يا اختى ما لسة بدرى
وعد:انا اسفه كان عندى شغل كتير
نزلت ضربتنى بالقلم على وشى:انتى كمان هتردى عليا ادخلى غورى روقى الدور الاخير كله لوحدك ومش عايزة الاقى فيه قشاية فاهمة، يلا يا بنات سيبولها الدور كله تروقوا يلا بزعيق
*دى صفاء مديرة الملجئ هى علطول قاسية كده وعليا انا بالذات ولما سالتها قالتلى علشان انا حلوة هى علطول بتكرهنى يارب هو انا كل الناس بتكرهنى*
طلعت الدور الاخير وروقته وانا دموعى على خدى زعلانة على بختى وحالى انا خلصت واذان الفجر كان بيأدن روحت صليت وبقيت اشتكى لربنا ودى الحاجة الوحيدة اللى بتريحنى خلصت صلاة وقولت انام شوية قبل معاد الشغل نمت ساعتين
في صباح يوم جديد......
صحيت وقومت عملت نفس الروتين اليومي بتاعى استحميت ولبست ونزلت البيوتى سنتر
حنان:يلا يا حبيبتى البسى اليونيفورم الجديد ويلا بسرعة علشان منتأخرش
وعد: حاضر
دخلت غيرت اليونيفورم كان عليا تحفة هو عبارة عن جيب قصير لحد الركبة لونه روز وقميص ابيض وفردت شعرى
حنان: بسم الله ماشاء الله تبارك الرحمن جميلة يا حبيبتي
وعد بكسوف: شكراً يا ماما
حنان:يلا بينا بقى
ركبنا عربية ماما حنان ومشينا وانا معايا شنطة كبيرة فيها كل الادوات اللي ممكن احتاجها
وصلنا ونزلت انا كنت واقفة مبهورة بالفيلا وجمالها وفخامتها حتى انا مسمعتش حنان وهى بتودعنى فوقت على صوت عربية حنان وهى بتمشى خبطت على الباب وانا هموت من التوتر
فتحتلى الخدامة:انتى مين
وعد بتوتر:انا.. انا جاية من  البيوتى سنتر
الخدامة:اه اتفضلى
دخلت وانا انبهارى بيزيد من الفيلا وجمالها
الخادمه:ثوانى هناديلك الهانم
قعدت شوية لقيت واحدة نازلة لابسة الماظ وواضح انها من الطبقة الغانية اوى 
سماح بتكبر:اه انتى اللى جاية تعمليلى ميكب
وقفت وعد:اه انا يا هانم
سماح بقرف:بلاش هانم دى قوليلى سماح هانم
وعد: حاضر يا سماح هانم
سماح: تعالى يلا، بصى بقى انتى هتعمليلى ايدى مانيكير وباديكير وعايزة وشى ماسكات وحاجات....... وكملت طلباتها فهمتى يا...
وعد: وعد يا سماح هانم
سماح: فهمتى يا وعد
وعد:فهمت
عملتلها الميكب وكل اللى هيا عيزاه وهى كل شوية تبصلى بتكبر وقرف
وعد:انا كده خلصت حضرتك عايزة حاجة تانى
سماح بتكبر وقرف: لأ انا دفعت الحساب في البيوتى سنتر ده حسابك انتى
ورمتلها الفلوس في وشها وعطتها ظهرها
دمعت عيني على حالتى
وعد: شكراً مش عايزة
سماح:بقولك ايه متصدعنيش خديهم وامشى برا يلا
اخدت الفلوس ومشيت وانا طالعة
خبطت في واحد
وعد وهى ماسكة رأسها:اه متفتح يا اعمى
عمر:انا اللى اعمى انتى اللى ماشية مش مفتحة
وعد:طب ما انت عامل زى الحيطة
ضحك عمر علي كلامها
وعد:يلهوى ده انا اتأخرت
وجريت وقفت تاكسى ومشيت
عمر: هههههههه دى مجنونه
دخل عمر الفيلا وهو بيضحك
سماح:ايه اول مرة اشوفك بتضحك
عمر:قابلت واحدة مجنونة كانت طالعة من هنا
سماح:اه دى بنت جربوعة شغالة في بيوتى سنتر
عمر:شكلها دايقتك عملتلك ايه
سماح:دى بنت متخلفة بديها فلوس تقولى شكراً مش عايزة مش فاهمه انا ازاى دى شغالة في اكبر بيوتى سنتر
عمر:معلش
سماح:طب يلا سلام علشان عندى ميتنج
عمر:ماشى
زعل عمر جدآ من مامته وانها حتى مهتمتش تسأله عامل ايه طلع عمر وقعد يفتكر وعد ويضحك لحد ما نام
********************************************
عند وعد.........
راحت على البيوتى سنتر وحكت لحنان كل حاجة ما عدا مقابلتها لعمر
وحنان عطيتها الفلوس وروحت الملجئ وكل العادة روقته ودخلت اوضتها قعدت تفتكر عمر وتضحك لحد منامت من التعب
وفي صباح اليوم التالي
مشت وعد ومارست حياتها الطبيعية عادى جدا وهى خارجة هى وصاحبتها
ريم(صاحبت وعد):بت يا وعد الحقى في مز بينادى عليكى
وعد وهى بتتلفت حواليها:مز مين ده يا بنتى
ريم:اهو اللي ساند على عرييته وبيقلع نضارته وبيشاورلك
وعد:اه شوفته اعملى نفسك مشوفتوش وامشى
ريم:مقولتيش مين ده
وعد: واحد قابلته امبارح....وحكتلها اللى حصل
ريم:يالهوى ده جاى علينا
عمر:استنى يا انسة..يا انسة
وعد:نعم يا استاذ
عمر:حضرتك مش فاكر انى
وعد:لا للأسف مش متذكرة
عمر:ازاى انا اللي قابلت حضرتك امبارح اذيك انا عمر متشرفتش باسمك
وعد:انا وعد
ريم:هستأذن انا يا وعد
وعد:استنى يووووه اهى مشيت عجبك كده
عمر: هههههه ممكن اعزمك على حاجة
وعد بتردد: ماشى بس منأخرنيش
عمر: متخافيش اتفضلى
مشيت وراه وانا خايفة منه وركبنا العربية ودانى مطعم فخم اوى
عمر:اتفضلى
سحبلى كرسى وقعدنى طلع جنتل اوى
عمر:تطلبى ايه
وعد:اى حاجة
عمر: اطلبك على زوقى
وعد:تمام
طلبلى سيفود واكل كتير انا مأكلتش الا حابة صغيرين
عمر باستغراب:مأكلتيش ليه
وعد:عادى مش بحب الاكل ده ومش متعودة عليه
عمر:امل انتى بتاكلى ايه
وعد:اكل عادى
عمر:بقولك ايه انا عزمتك انهاردة تعزمينى بكرة بس انا اللي هدفع
وعد:طب انت كده عازمنى ازاى
عمر:مهو انتى هتطلبى الاكل وانا هدفع
وعد:تمام
عمر:هاجى اخدك بكرة بعد الشغل
وعد: ماشى
وصلها عمر ومشى روحت وعد وهى مبسوطة وكانت اول مرة تنام وهى فرحانة
تانى يوم الصبح....
خلصت وعد شغلها وجالها عمر واخدها
في العربية....
عمر:ها هتودينى فين
وعد:يلا امشى كده ووصفتله المكان
وعد وديته مكان شعبى ودخلته مطعم شعبي
عمر:هو احنا هناكل ايه
وعد بحماس:هناكل كشرى مصرى
عمر: اممم
وعد:شكلك متعرفوش
عمر: لأ عارفه بس ماكلتوش قبل كده
جالهم الكشرى
وعد:سبايسى
عمر:تمام
اكلوا وكل واحد روح
في بيت عمر....
روح همر وهو حاسس انه تعبان اوي سخن اوى ومعرفش ينام
سماح طلعتله: كنت فين يا عمر
عمر:ك..ن..ت..خا....رج وقعد يكح
سماح بخضة: مالك يا عمر
عمر:تعبان
سماح:طب استنى هجبلك دكتور
بعد شوية
سماح:ماله يا دكتور
الدكتور: هو جاله تسمم بس الحمد لله كان خفيف وهو دلوقتى كويس
سماح:تسمم من ايه يا دكتور
الدكتور:اكل برة هاتيلوا العلاج ده وهيبقى كويس
سماح:تمام
سماح:عمر انت اكلت فين انهاردة
عمر:اكلت مع وعد
سماح: وعد مين
عمر: واحدة صاحبتى
سماح:واكلت ايه
عمر: كشرى مصرى هو فيه ايه
سماح: في ان سيتك جالك تسمم وانت تعرف وعد دى منين
عمر:البنت اللى قابلتها خارجة من عندك
سماح بصدمة:ايه الكوافيرة
عمر:اه
سماح خرجت وهى بتفكر في حاجة هتبعد بيها وعد عن عمر
***********************
ده اسكريبت بسيط وانتظروا الجزء الثاني وانتظروا النوفيلا هينزل اول فصل انهاردة عايزة آراءكم وتوقعاتكم
#للكاتبة_جنى_حمادة
#بنت_الملجئ
ده لينك روايتى واتباد
https://www.wattpad.com/story/273804973?utm_medium=link&utm_content=share_writing&utm_source=android
وده لينك جروب ادخله عليه
قناة للنشر والقراءة الروايات والإسكربتات واللي حابب ينشر يبعت للأدمن تعينه مشرف❤️
https://t.me/hsjhshssijshshsjshg