Sa mga readers ko dyan paki follow naman po ako. salamat po.
pasensya na sa lahat kung natagalan ako mag update! naging busy kase ako netong mga nakaraang araw e. ok na ito na ang bagong episode naten !
“Takbo Darryl! Takbo!” Sigaw ni Lily na kasalukuyang hinaharang kaniyang mga kasama.
Ipinikit ni Lily ang kaniyang mga mata, pero nagawa pa rin niyang makita ang pagbagsak ni Darryl habang naliligo sa sarili nitong dugo.
Pero hindi inasahan ni Lily na titigil si Harry sa kaniyang pagsugod nang isasaksak na sana nito ang dala niyang itak kay Darryl!
Nakagiting tumingin si Darryl kay Harry. Nasa kalahating metro na lang ang layo nilang dalawa sa isa’t isa sa mga sandaling ito!
Agad na nakaramdam ng pagkabagabag si William nang makita niya ang pagtigil ni Harry sa pagtakbo.
“Siya ang mangmang na sinasabi ko sa iyo Mr. Harry!” Sigaw ni William. “Siya iyon kuya Harry! Paluhurin mo siya para sa akin!”
Nagsisigaw si William habang namumula ang kaniyang mga mata.
“Ikaw… ito ba ang batang gusto mong bugbugin naming?” Dito na nagreact si Harry sa pamamagitan ng pagtatanong kay William.
“Oo, siya iyon!” Sagot ng tumatangong si William.
Kasalukuyang nanonood ang mga sabik na miyembro ng pamilya Lyndon na nagtuon ng buo nilang atensyon sa dramang nagaganap sa kanilang harapan.
Naglakad si Grandma Lyndon at sinabing “Huwag ka sanang sumobra sa pambubugbog William. Huwag mo siyang bugbugin nang husto.”
“Huwag ko pong bugbugin nang husto?” Ngiti ni William. Ipinahiya siya ni Darryl sa harap ng buo niyang pamilya. Kaya kung hindi niya maipaghihiganti ang ginawang ito ni Darryl sa kaniya, ano pa ang mukha na kaniyang ihaharap sa kaniyang pamilya sa hinaharap?!
“Sige po. Huwag po kayong magalala, susuntukin ko lang po siya hanggang sa lumuhod siya sa harapan ko.” Nakangiting kindat ni William.
Dito lang nakita nang tuluyan ni Harry ang mukha ni Darryl, halos maihi si Harry sa kaniyang pantalon dahil sa sobrang pagkagulat.
Mabilis na tumulo ang malamig na pawis sa noo ni Harry dahil tinatawag si Darryl na ikalawang young master maging ng kaniyang ninong sa bawat sandaling magkita ang dalawang ito!
“Siya ba talaga ang tao na gusto mong ipabugbog sa akin?!” Muling nagtanong ang nagulat na si Harry para kumpirmahin ito.
“Oo, siya nga iyon!”
Sigaw ni William. Mabilis na kumulo ang dugo ni William nang makita niya ang pagtayo lamang doon ni Harry kaya siya na ang naunang lumapit kay Darryl para simulan ang pagsuntok dito!
Pero nang ibibigay na niya sana ang una niyang suntok kay Darryl, biglang nagbago ang ihip ng hangin, dito na sumigaw si Harry at dinampot si William gamit ang buhok nito!
Slap!
Dito na biglang sinampal nang malakas ni Harry si William sa mukha!
Agad na namutla ang buong katawan ni William sa sobrang lakas ng pagsampal na ginawa ni William sa kaniya.
Nagsalita ang nagulat na si William habang hinahawakan ang pisngi niyang tinamaan ng sampal ni Harry “Anong mali ang nagawa ko sa iyo?! Mr. Harry!”
Maliban kay William, nagulat din ang lahat ng mga taong nanonood sa kanilang paligid!
Ano ang nangyari? Hindi ba’t magkakampi sina Harry at William?
“Gusto mo ba akong pataying hayop ka?!” Agad na tumindi ang galit ni Harry. Muli niyang sinampal si William na nakapagpatalsik dito sa lupa bago niya sinimulan ang pagsipa rito nang paulit ulit.
BINABASA MO ANG
THE ULTIMATE HUSBAND
Randomito ay tungkol sa isang taong nilalait ng lahat ngunit hindi nila alam na ang kanila nilalait ay isa sa mga mayamang tao at mahalagang tao sa kanilang City.
