أم نص لسان (مكتملة)

البارت الثالث

ريم بصدمه: يايب(يارب) مايكونش ايلي(اللي) في بايي (بالي) حمام يجال(رجال)..

بيبصولها اللي واقفين بقرف واستغراب..

بتبتسم ابتسامه هبله وبتطلع تجري بتخبط في واحد داخل ...

بيبصلها من فوق لتحت بقرف..

نادر: اومال لو كنتي حلوة بقا كنت عملتي ايه اكتر من كده

ريم: انت بتقوي (بتقول) ايه يا استاذ انت

نادر: ههههه كمان لدغه..

بيزقها ويدخل وهوا قرفان منها

ريم بتحط ايدها علي دماغها: هوا فهم ايه ؟!

دخلت تاني ...

ريم: انت يا استاذ انت كنت بتقول .عااااا

بيبصلها بقرف وهيا بتلف وشها وبتطلع تجري

بيعدل هدومه وبيغسل ايده وبيبص في المرايه وبيطلع..

ريم : نهاي(نهار) اسود ايه اييي(اللي ) عميته( عملته) ده

بتروح للبنت اللي في الإستقبال..

سوزي: خلصتي

ريم: يااااه ياحه( راحه)

سوزي: بس انتي روحتي حمام الرجال

ريم: ههههه ماانا عيفت( عرفت) انتي كنتي متعمدة

سوزي: واتعمد ليه انا ندهت عليكي عشان اتلخبطت انتي اللي جريتي زي الهبله

ريم بتخبطها في كتفها بضحك

ريم: جاتك ايه دمك زي ايعسي( العسل)

بتمسك سوزي ايدها بألم..

ريم: وجعتك أنا أسفه جدا جدا

بتبصلها سوزي بعصبيه..

ريم: خياص (خلاص) قويت(قولت) اسفه طب ممكن تديني شنطتي وانا كاييم(كا ريم) هاخيكي(هاخليكي) مش تشوفي وشي تاني خايص (خالص)

بترمي ليها سوزي الشنطه علي الأرض ..

بتبتسم ريم وبتتك علي شفايفها وهيا بتضحك ضحكه صفرا ...

ريم: شكيا (شكرا) ياذوق.

بتوطي ريم تجيب الشنطه وهيا متغاظه منها بتوقع نضارتها ..

مابتبقاش شايفه حاجه بتلاقي الدنيا مرغوشه .

ريم: النضايه (النضاره) فين يايبي (ياربي) هوا انا ناقصه يعني ولا ناقصه ساعدوني يامنعدمين الضميي (الضمير)

كل اللي واقفين بيتجمعوا حواليها وبيقعدوا يضحكوا وهيا عماله تحسس علي الأرض ومش شايفه حاجه..

بتفتح شنطتها وبتطلع الشمسيه بتاعتها ...

ريم بتفكير: انا هاوييكم ( هاوريكم) يا اوباش