ابو زهراء: اي شكو بيهة بس مكتلنة منو؟
ابو هيا: هشام ابن الشيخ علي عشيرة.................
جاني البارحة وطلبهة مني وكتلة يصير خير شنو رئيكم
ابوعلي: ونعم منهم خوش ناس ليش لا وهشام خوش وليد ونعم منة
ابو زهراء: بس وين شايفينهة لو هيج جوي يجطبوهة عل معرف ؟
ابو هيا: ههههههه يكول شايفهة كم مرة من تطلع بس الله شاهد علية ماباوعت وركزت عليهة بس عجبني اخلاقهة وسترهة والنة الشرف ناسبكم
ابو زهراء: ونعم منة ومن اصلهة اني بل نسبة الي خوش ناس انطي
ابو زهراء: اي والله اني هم اكول هيج احسن ما يجيهة ناس باجر عكبة مو خوش وادم
ابو هيا: انتي شنو رئيج بابة
زهراء: طول ماعمامي يحجون عيني علة هيا مبينة متدري لين نصدمت وهية عينهة علة سامر يمكن تنتضرة يحجي وهوة مركز بل حجي حيل ويباوع بل وجوه من سئلهة عمي
سامر رئسن باوع علة هيا هية تريد تبجي عينهة مغوركة وجانت تباع علة سامر من باوع عليهة باوعت علة ابوهة كلتهة
هيا: احم لا بابة اني مموافقة
ابو هيا: ليش يابة والله خوش ناس واوادم وينحلف براسهم عليمن بعد
هيا: بابا ماريد ازوج هسه بعدني زغيرة الله كريم
ابو زهراء: لتضغط عليهة عوفة براحتهة وبعدين اي هية بعدهي زغيرة تكبر والله كريم مو هيا ههههه
هيا: ببتسامة مصطنعة: اي عمو صح
ابو هيا هاي هي بكيفهة نشالله باجر اردلة الخبر
زهراء: سكتنة وعمامي رجعو يحجون بغير مواضيع رجع الوضع الطبيعتة هيا دنجت وضلت ساكتة مكتفة ايدهة ومندنجة تحسة وحدة ابوهة مرزلة طفولية كلش سامر ضل يباوع عليهة مركز حيل واني مركزة حيييل عليهم ثنينهن
شوي جان هيا تمسح خدهة عصرني كلبي عليهة عرفتهة دتبجي توني داكوم حتة اكولهة كومي وياي جان دكوم هية وفاتت للمطبخ ضليت كاعدة طلعت وفاتت بل غرفة وسامر عينة منزلهة وين متروح هيا وياهة كمت فتت وراهة لكيتهة تبجي
زهراء: اف تبجين ليش شبيج يول كعدت يمهة حضنتني وضلت تبجي حيييل نقهرت عليهة
ضلت تبجي شوي هدئت كتلهة
ليش تبجين شبيج هية خطبة لو عرس شلون هههههههه
هيا: بقهر وبجي: ز زهراء توقعت يحجي يكول امي تريدهة شي كلشي محجة يعني وبجت بقوة ي يعني ميحبني زهراء
زهراء: ها اها انتي كلتهية ميحبج بعد عليمن وافقي علة ذول لجوج احسن شي تلكي هسه مسويلة علاقة وية وحدة ولا يمة موضوعج وانتي اضلين تنتضرين وبل اخير تكبرين وهوة يزوج وانتي اضلين هيج لا زواج لا ولد لا تلد
