حبي الاول ❤️

البارت الاول

نور/كعدت الصبح عله صياح ماما فدوه اروحله اغله شي عندي هيه وبابا
ام نور /ولج ماما اكعدي راح تتاخرين عله المدرسه
نور بنعاس/يي ماما والله راح اكعد
وره ماراحت ماما كعدت رحت سبحت ولبست ملابسي ونزلت صبحت عليهم
نور /صباح الخير
ام نور /صباح النور واخيرا كعدتي
ابو نور /صباح العسل ابنيتي شلونج 
نور /فدوه باباتي الحمدالله زينه
كعدت تريكت وجان دك الباب حبيبت روحي واختي ماسه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماسه /كعدت الصبح متاخره يبوووو شلحك كمت غسلت وبدلت عله السريع وردت انزل من الدرج وجان انضرب بواحد رفعت راسي ولكيت ابن عمي
المغرور

فهد /جنت جاي اصعد الدرج ونضربت بيه ماستي راسه طخ بصدري مدري صار بيه ضليت اباوع عليه بعدين عافتني ونزلت تركض واني اضحك عليه

ماسه /يبووو من الفشله عفته وركضت سمعته يضحك علي رحت لبيت اختي حبيبتي نونه دكيت الباب عليه

نور/من دكت الباب ماسه ردت اطلع بس باوعت وراي وشفت ماما وبابا مادري حسيت حساس غريب رحت عليهم وحضنتهم ثنينهم بعدين بوسوني وكالوا راح يرحون لبيت خالتي لان مريضه كالوا ماراح يتاخرون علي قبل لا اجي هم يجون

ماسه/ادك بالباب ولج نونه اطلعي متت من البرد واخيرا طلعت

نور /هلاو ماسه صباح الخير

ماسه /صباح النور حبيبتي يله امشي راح

نور/الحمدالله ربي من خلصنه

ماسه/يي والله الحمد الله اكلج نور شو انتي من طلعنه لهسه مو عله بعضج بيج شي

نور/والله مادري بس احس راح يصير شي موزين انشالله خير

ماسه/انشالله

نور/باي ماسه راح اروح الكه اهلي جاين هسه

ماسه/الله وياج عمري

نور/ادك بالباب ومحد يجاوب اكيد بعدهم خلي اروح يم ماسه شويه علما يجون رحت ادك بالباب وجان يفتح الباب حبيبي زيودي يارب شكد احبه بس هو جامد حيل

زيد /هلو نونه شلونج

نور/الحمدالله زينه بس اهلي موهنا والباب مقفول كلت اجي يم ماسه شويه عله مايجون اهلي

زيد/ولو نونه البيت بيتج اليوم ماترحين اله تتغدين ويانه

نور/يبووو اني معت من الخجل وكتله تسلم وطبيت جوه وسلمت عله خاله ام زيد

ام زيد /هلو خاله نونه شلونج

نور/هلابيج خاله الحمدالله وكبل رحت الغرفه ماسه لكيته كاعده تبدل طبيت عليه ونصدمت لان قبل شوي جانت يمي

ماسه/ولج نور مامصدكه انتي هنا

نور/شو بله نجبي اليسمعج يكول اول مره اجيكم شنو هل الاستقبال العدج امداج والله

ماسه /😂😂😂لاولج بس ستوني عفتج ادكين بالباب مالكم

نور/شسوي لعد ضليت ادك ومحد يفتح الباب كلت شي اكيد بعدهم ماجاين كلت اجي يمج ولو اني كلبي لاعبني من روحتهم

ماسه/بدت البومه تحجي 😂

ماسه/ يله هاج البسي هاي الدشداشة حته ننزل نتغده

نور/اوك حياتي مشكوره لبست الدشداشه يبووو فضيحه حيل ضيكه علي لان اني اسمن من ماسه لبسته ونزلت وكعدنه نتغده شويه ودك تيلفون زيد وهو يحجي يباوعلي بصدمه بعدين سده ونزل راسه وكال

زيد/جنت جاي اتغده ودك تليفوني رقم غريب جاوبته وجان يكول اني دكتور وجتنه هسه حاله حادث سياره بيه ثنين رجاله هو وزوجته ميتين اثنينهم ولكيت تليفونه وفتحناه وجان مسجل هذا الرقم باسم ابني سديته منه واني ميت قهر عله اهل نور شلون اكوله دنكت راسي وكتله نور البقيه بحياتج

نور/احجي بصدمه ،منو المات

زيد/فرك وجه بيده حيل ولتفتلي والدمعه بعيني وكالي اهلج 💔

نور/ضليت مصدومه شريط حياتي كله مر كدامي اني وياهم شلون ناكل سوه وشلون من اتمرض ضليت ساكته مادري شكد لاسمع احد ولااشوف احد وصارت الدنيا سوده بعيني بعد ماحسيت بشي

هلاو نبضاتي بس عندي ملاحظه/القصه ٧٠ /١٠٠ حقيقيه
صوتوا ⭐️⭐️