حبي الاول ❤️

البارت الثالث

نور/بعد ماخلصت الفاتحه وضلت خاله ام زيد تلح علي اجي يمهم
وافقت اجي وعشت يمهم اني وماسه بغرفه كالتلي ضلي يم ماسه
عله ما انظف الغرفه البصف غرفته هاي الغرفه مقابيله غرفه زيد
ضليت يوم يم ماسه وهيه خطيه تحاول تخفف عني صح كمت ما ابجي كدام احد بس من يجي اليل تجي الذكريات وياه صعبه حيل بيوم وليله تفقد اهلك كملت ماسه هيه وخاله تنضيف الغرفه ورحت كعدت بيه وجبت كل اغراضي عشت يمهم ٣ ايام الى ان اجه اليوم
الرابع واجه عمي

ماسه/اجت يمنه نونه حبيبتي ونضفتله الغرفه البصف غرفتي وحاولت كد ما اكدر اخفف عنه صح هيه ماتبجي يمنه بس كل يوم
بليل اسمع صوت بجيه وشهكاته ومابيدي شي عليه ضلت يمنه ال ان اجه عمه علينه وكلنه انصدمنه من كلامه

زيد /كاعد بالاستقبال ودك الباب كمت فتحته وشفت عم نور

عم نور/السلام عليكم ابني شلونكم

زيد/وعليكم السلام عمي هلا بيك كل احنه بخير تعال تفضل
دخلته للاستقبال وكعد الله بالخير

عم نور/الله بالخير والبركه عمي والله اني جاي النور بسالفه وينه هيه بيت اهله مقفول كلت شي اكيد جايه شوفكم

زيد/والله ياعمي نور راح تعيش يمنه لان البيت فارغ واحنه نخاف عليه

عم نور/شنووووو تعيش يمكم وينه صيحه الي

زيد/ وهو لازم اعصابه وقابض عله ايده . عمي وذا عاشت يمنه حاله حال اختي وبت عمي هيه هم مثل اختنه وهسه اصيح الك

ام زيد/ ها يمه شبي عمه شو سمعته يصيح

زيد /يمه يكول شلون تعيش يمكم

ام زيد/يمه لاتخلي ياخذه هذا واحد ظالم ومايخاف ربه وعنده ولد خريج سجون ونسيوجي

زيد/لايمه ماخلي ياخذه بس صيحه كليله عمج يريدج

ام زيد/ يي يمه هسه رايحه

ام زيد/نور يمه وينج

نور/ جنت اقراء قران ولابسه جادر الصلاه وسمعت خاله ام زيد صيح علي صدقت وكتله ها خاله هياتني هنا

ام زيد/ ها خاله تقبل الله

نور/منا ومنج خاله شكرا تسلمين

ام زيد /يمه نونه عمج جوه بالاستقبال ويريدج

نور / يي خاله هسه اجي ذبيت جادر الصلاه ولبست شالي ونزلت ويه خاله ام زيد وطبيت للاستقبال اول ما دخلت وصلت يم عمي
اول ماسلمت علي ضربني راشدي قوي حيل بحيث وجهي ندار عله الجهه الثانيه وباوعت عله زيد بنضرت انقذني

أم زيد/الله يكسر ايدك انشالله ليش تضربه شسوتلك هاي اليتيمه

زيد /لمن ضربه عمه كمت ودي اكسره جريته وخليته وره ضهري وكتله عدك حجي احجي وياي