فصليه الشيخ ليث

زينب:طبعا وصلنه للبصره وتعبنه حيلل وكلش لان الطريق ٧ساعات حيل بعيد وسجى صارت ثريد من حشه نعمه الله هههه واني هلكت وعدلت شويه حمرتي وكذا ورتبت روحي
بابا:باعن راح نوصل ذوله اشيوخ وطبعهم يختلف عن طبعنه وسوالفهم يعني وسالفجن وضحكجن ماريده فهمتن لان انوب خوش لزمه يلزوموها علينه لو ياخذون نضره خوش
اني وسجى:اي خوش اصلا شعدنه نضحك خلصناهن اهنا هههه
بابا:اي اني اكللجن من هسه مو بعدين غير شي يصير
زينب:اي بابا شسالفه قابل منعرف احنه
المهم وصلنه مكان جبير وزرع وكذا وبيوت هواي وصلنه كتله بابا وين البيت
بابا:هذا البيت وصلنه انزلن خل اغطي السياره واخابر الشيخ
بابا:الو شيخ سلام عليكم اني وصلت بس البيت ماعرفه بضبط
الشيخ:الله حيو هلا بيكم هسه انطلعلك الولد لاتخاف
بابا:الله يسلمك احنه راح انتعبك ويانه بهل شكم ساعه
الشيخ:مامريوده منك هاي ابو مصطفى عيب هل حجي وشنو شكم ساعه اذا طلعت منه مو بايام احنه موش اهل
بابا: ان شاء الله خير نجي ونصافه
الشيخ:وين حسن و علي خل يطلعون للضيوف
حسن:بويه علي ماهوه مودي مرته لهلها
الشيخ:وكت اهلها مو يدري عدنه ضيوف وهم نحتاجه ونحتاج مره واريدك انته ويا ترحون اجيبون الضيف هوه وبته
حسن:بويه ادلل هسه اخذ اسد ونروح
اسد:اجاني حسن كلي بويه يكول انجيب الضيوف بدلنه وخصلنه ورحنه
اسد وحسن:رحنه ولكينه ابو زينب وزينب وبنيه وياهم كاعده ليورا ماشفنها بس شفنه بنيه بلكدام لابسه مناضر ومنتجيه ع الكشن راسها حسن كبل ندسني وكلي ولك مبينه كمر كتله عيب عليك ابن الشيخ لو يسمعك يدفنك ابوي كتله اسكت ولدكله ورحنه
اسد وحسن:طبعا رحنه وسلمنه ورحبنه ع ابو زينب وماباوعنه ابد للسياره البنات البيها
زينب:طبعا بابا قبل ليجون اكو محل نزل يشتري منه رصيد قبل ليجون وفلوس ابو المحل ماعده عود ايصرف واجو الولد انتبهت الواحد يباوعلي بس درت وجهي ورفعت حاجبي لان اني من اطلع ابيع ثكل وفرض شخصيتي لمهم
بابا:صاحني ابو المحل مرخصتكم بس اجيب الفلوس من المحل درت وجهي ع البنات كتلهن انزلن السياره اهنا اخليهن وانزلن ويه الشباب ايوصلوجن نزلت سجى واني وراها جنت الزم بجنطتي واعدل بثوبي ونزلت
اسد:يعني بس حطت رجلها رجلها بييضه ومصبغتهن احمر ونزلت وياريت مانزلت الجسم والطول الحلك الكلشي انوب وخرت المناضر وياريت هم ماوخرت متت اتخبل مع كل هذا ماباوعتلي ودارت وجها للبنيه الوياها ومشت بصفها واني وحسن كدامهن
حسن:ولك اسد شنهاي تره طركاعه هاي ام الابيض يمكن بته وهذيج منو اختها خاف
اسد:لاماتوقع لانو كال بته جان كالو بناته
حسن:اممم المهم اثنينهن حلوات
اسد:عيب عليك كافي (بس بكلبي صدك حلوات بس عيني ماشافت بس هيه ماباوعت الهذيج لان احس فقدت وامشي واحس بالي مو يمي فاقد الوعي)
جاي نمشي وجان تعثر بلكصبه وكالت اوي وكبل درت كتلها خير ان شاء الله شبيج كالت لا خويه مابيه شي
كالت خويه احس انضربت بوري ههههه وحسن كام يضحك بس عرفت اسم الوياها سجى لان من نمشي كالتلها سجى صعدتي الجامه كالت اي سجى هم حلوه بس مو بحلات الوياها وماعرفت اسمها بعد
زينب:حسيت هذا اسد يباوعلي وهيج كلت هذا شبي شسالفه واكو شكم ولد بمنطقتهم يباعولي
حسن واسد:وصلنه للبيت وطببناهن
زينب :وصلنه البيتهم حيل حيل جبير كلش وحلو وكعدونا بلمضيف والشيخ جان بي ورحب بينه وكذا وامور ورا شويه اجه بابا وضل يرحب بي واشكال واستقبلونه استقبال ماكو منه
زينب:كعدنه اني وسجى وحده بصف وحده وكعدنه اثكال وكذا هههه ونافخين روحنه واجو الولد ضيفونه وابوي وشيخ يحجون واحنه بينه انسولف ع كيف وطبو ولده تلاثتهم كعدو حتى علي اجه
علي:طبع رحت اودي مرتي لهله مشايفتهم صار شهر احنه عدنه مانودي نسوانه كل شويه حتلو يمنه واذكرت اليوم ضيوف ويحتاجنها البنات كتلها بليل لو مغرب اجيج كالت اشفت منهم كتلها بدون ناقش بس يرحون ضيوف اجيبج طبعا مرتي غيوره ودرت اكو بنيه كالت اي حبيبي تعال عليه اصلا ماكدر انام بدونك يمه منجن النسوان🌚لمهم رحت دخلت واشوف وسلمت عليهم وشفت البنات حلوات مرتبات بس وحده بيهن ام الابيض احسها معاجبها العجب وثكيله حيل بس حلوه ههههه اوف ههه وينج مرتي هدى اذا تسمع تذبحني
سجى: ولج زينب نعمه الله الكدامنه شنهاي
زينب:اسكتي هي هسه عبالهم غير شي يمعوده اسكتي لمهم صار وكت الغده وجابو الغده اشكال وذبح طلي السفره اشكال وانواع رادو بس احنه وابوي بس بابا ماقبل كال لا الولد يكعدون ويانه
الشيخ:ابو مصطفى ماعدنه زلم تكعد ويه نسوان بس ويه اهلهم
بابا:افا ابو ليث احنه غريب
الشيخ:حشاك انته اهل الدار صرت بعد
صحت ولدي وكعد ويانه واكلو
اسد:اني شبيه اشصايرلي اني الي ينات كلهن يردني وماريد اي وحده من بعد حبيبتي هذيج الخاينه مااحب بعد ليش احس كلبي من شاف هل بنيه اتحرك
زينب:باوعت لكيت هذا اسد يباوعلي دنكت وكعدت اكل لان جوعانه حيل ههههه خلصو وشالو السفره
حسن:صح اثنينهن حلوات بس سجى جذبتني اكثر مرحه وبشوشه حيل وسوالف وتنكت مو مثل زينب ثكيله واحس اسد طاح عليها
علي:ها ولكم شني اشبيكم احسكم مو ع بعضكم
حسن واسد: اشبينه عمي روح روح
علي:متاكدين لو بنات الديوانيه دولبوكم عمي لو ادري هذا الزلمه عده هيج ابنيه اله اخذها
حسن و اسد:احم الو هدى تعاي ههههه
علي:عمي جفونه شركم رايح