فصليه الشيخ ليث

طبعا ماكتلكم اشلبست
لبست بينسل ع جسم امحدد واني عدي خصر وطوله تسعين ولبست جاكيت مفتوح لونه امطعم برصاصي وابيض يعني مخبوط الون وجنطه مال خصر تنشد ع الخصر وحذاء تكرومون بيضه كعب وشيله بيضه ومكياج خفيف واني اعيوني مسحوبه وسويت رسم ومكياج العين مال مسحوبات وحمره حمره حتى تبرز ورموشي بلمسكاره يعني طلعت اخبل بدون غرور ههههه
وسجى حزينه لابسه اسود ميت احد لمهم لبست هيه ثوب شويه كلوش وطويل اسود وبي احزام وشيله سوده لبست لان لبست شال ومو حلو عليها فكتلها البسي شيله لمهم شافتني
سجى:زينب شنهاي راح ترحين هيج
زينب:اي شكو مصطفى الثاني😒
سجى:ولج طالعه واوووو تخبلين
زينب:شكرا خجلتيني واكيد اخبل
سجى:الغسل
زينب:الغسلج حبي😒😂
بابا:يلا العرائيس خلصتن لو لا
اني وياها:اي كملنه وطلعنه

هاي الاحداث نسيت اكللكم بيها فوك فهسه حبيت اكولها لمهم
انروح اليث واهله
ليث:كملت شغلي قبل السبوع بس حبيت ابقه صاير شو اختنك وضوج كلت ابقه واطوني احسابي مليونين
ابو شغل: هذا احسابك وتستاهل
ليث:مشكور ع راسي
ابوشغل:سالم راسك
ليث:طلعت وجاي امشي واشوف بنات خليجيات ووياهن شكم وحده عراقيه يباعلي ويضحكن هزيت ايدي ومشيت مااحب هيج نوعيه من البنات ورا شويه اجت بنيه هلاو ممكن سوال تفضلي انته مرتبط
ليث:وممكن اعرف سبب سوالج
البنيه:لا هيج بس حبيت اتعرف عليك وجذبتني
ليث:اتقربت عليها وكتلها مو اني الي بنيه اتوكعني وعفتها ورحت ورجعت للفندق فتحت جهاز وحجيت ويه اهلي وكلولي الضيوف اليوم يجون
الشيخ:يبوي ليث اليوم الضيوف يجون شني مالك جيه
ليث:بويه اليوم يمكم ان شاء الله
الشيخ:ان شاء الله بويه توصل بسلامه ان شاء الله وديربالك ع نفسك بويه
ليث:ادلل بويه شسالفه ابن شيخ انه لتخاف عليه
الشيخ:اعرفك رجال من ضهر رجال
ليث:ونعم منك
خابرت وياهم كلهم ابوي وامي وخواتي واخواني
وحسن ابو الساان كلي اليوم ويه الضيوف يجي الضيف وبته وكال اذا صاكه من هسه اخطبه اليه
ليث:كتله ولك حسون مجوز من السانك اتريد اتنزل راس ابوي كدام الضيوف اذا سويت شي محد ايخلصك مني
حسن:ههههه اخوي اشاقيك.طبعا اني هم من نوع الي ماانجذب للبنات مو هلكد بس شويه اذا حلوه اباوع ههههه
ليث:سديت الجهاز ورا شويه دك عبالي اهلي طلع رقم شلته طلعت ابنيه كلت الو منو
البنيه:ها ليث اشونك
ليث:منو وياي
البنيه:ليث اني زهراء بت عمك
ليث:طبعا زهراء اتحبني حيل بس اني مااحبها وماحاطها ابالي اعتبرها مثل اختي بس هيه مجاي تفهم هل شي
زهراء:ليث فدوه لتروح اني احبك واريدك وشوكت ترجع سمعت اليوم ضيوف جايين وانته راح تجي
ليث:اي راح اجي
زهراء:ويكولون وياهم بنيه ليث مو تباوع
ليث:اهنا ضجت شنو تحكمني هيه وشنو اشايفتني الملطلط حشاكم كتلها انتو منو حتى تأمريني وبعدين عيب عليج مره ثانيه متلومين نفسج اذا هيج كتيلي ومو انه ابن الشيخ الي يحارش ابت الضيف فهمتي لو لا
زهراء:اسفه ليث فهمت بس اغار وخاف تطلع حلوه
ليث:هه ضحكتني وسديت الخط
زهراء:ضحك وسد الخط وراح وكلت اروح البيت عمي هم اشوفه وهم اشوف الضيوف ونكوم بواجبهم وشوف بتهم مادري ليش حسيت اكو شي بيها لمهم رحت اني هم
ليث:ورا ماسديت رحت حجزت بطاقه وتذكره للبصره باقرب وقت لان وعدت بكملتي بلأبوي ارجع ويه جيه الضيوف وطلعت الصبح وكلولي طيارتك العصر
وخابرت ابوي وكتله وتعذرت منه وكال معذور وليدي بس الزومي تجي كتله يمكم اليوم بحيل الله ورحت بعدها ورا ماخلصت حجز ورجعت للفندق نمت احس تعبان نفسيتي تحتاج نوم وراحه اوحدي ابقخ ماريد احد ابد كلش بس لازم ارجع مو ابن الشيخ الي مايوفي بوعده