ؤدآعاً لَکْلَ حًلَمً قُدٍيَمً وٌمًرحًبًآ بًمًآ يَريَدٍ آلَلَهّ لَنِآ
جواهر.. كنت اسمع للكلام الي يدور بين ماما وبابا مكنت متوقعه انو حترك بيتنا الي بي ذكرياتنا وطفولتنا الي جمعنا وكت الشدة الي حمل حزنا وفرحنا هل بيت بي هوااااااااااي ذكريات لو شكد مراح اشرح محد حيفهمني
علي.. يلا بابا جواهر تخضري انتي واخوانج حتى نروح
جواهر.. حاضر بابا
هبه.. و وين ناوي تودينا
علي.. ب بيت اختي بشرى لن خلال هل اسبوع تتحرر منطقتهم ما اضل ومن نتحرر ان شاءلله نطلع لبغداد
جواهر.. حضرنا وكملنا كل شي نحتاجاء طلعنا من البيت ودعت كل زاويه بي باوعت اله كله ونزلت دمعه حارة ع خدي تذكرت لمن نلعب اني واخواني...
الكاتبه.. بطلتنا الجميلة تريد تشرح بلهجتها الحلوة
جواهر.. ودعتو كل زاويه بل بيت طلعتو على طابق الثاني بينو مثل الحايط شبه بوري كنتو العب بينو شدا ياورد شدا جبتو قلم وكتبتو علينو هجرنا البيت في تاريخ 2016/11/19 ذكرى للابد قمتو ابكي فتو ع الغرفه شفتو لعب الطفولة مالي اخخخ بحياتي كله ما خليتو احد يمسم وهسه غاح يغوحون لداعش صيحني بابا
اي بابا جيتو وووف يالله اشون غاح اترك صديقاتي ومنطقتي
طلعنا من البيت وانا ادحق (اباوع) ع العوجات (افرع المنطقه) تذكرتو اشون نلعب ونركض انا وصديقاتي تذكرتو اشون ندق لبواب وننهزم ويطلع صاحب البيت ويصيح ويخيلق ويفوت مرا من الايام انا وصديقتي الي هي صديقت الطفوله جواهر هم اسمه انا وهي ولدنا وكبغنا سوا واسمنا نفس بعض مرا من الايام دقينا باب بيت واحد من المنطقه طلع وشافنا قمنا وحدي تذبه بغاس الخ هه ووووف كل هل اشياء صاغت ذكريات 😖
الكاتبه.. كافي جوهرة حتى اني مفهمت بل مصلاوي مدري شلون حيفهمون ال متابعين هه بس الله يساعدج الي مريتي بي مو قليل
جواهر.. ودعنا بيت جدو ورحنا لبيت عمه بشرى ب جانب الايسر الي ديتحرر شوي شوي
وصلنا جسر العتيق(القديم) وجان اكو داعش براس الجسر ديفتشون ويسالون لويش الناس دتعبر ع جانب الايسر لن ديتحرر والي يعبر هناك معنها ديروح للارهاب بنضرهم
هبه.. علي هسه شلون اذا شافو الملابس مبين حننهزم
علي.. شسوي فهميني لخاطر الله
هبه.. اكول خل نرجع احسن والمكتوب يصير
علي.. اوكفي ديعبرون سيارات بدون تفتيش
هبه.. شعجب؟
علي.. اكو مفخخه كبالنا حيدزوها لذاك الجانب!
هبه.. شنوووو. (بصدمه)
علي.. هششش سكتي شبيج اني مكلت حيفجروها علينا سكتي خل بس نعبر يارب هونها
