هہل سـنخلص مـن هہذآ آلمـعآنآه آم لآ 💔
ابو سيف..هشششش سكتو لا يكون ذول الدواعيش يردون ينهزمون من الجيش
جواهر.. ضلوا يدكون بل باب بس منعرف منو ذول اهر شي طلع ابن عمتي ع طابق الثاني نزل ركض وكال
سيف.. ولكم هذا الجيش العراقي
الكل.. شنووووووو (بصدمه)
جواهر.. كمنا واحد يحضن الخ من الصدمه والفرحه يبوووو اخيرا تحررنا يارب حرر بيت جدو وبيت عمو طلال ومحمد مثل ماتحررنا ياااارب طلع سيف فتح الباب عمتي محضرة جكليت طلعنا كلنا امي وعمتي كامو يهلهلون وذبو جكليت ع جيش مامصدكين
جواهر.. عمووو واخيرا حررتونا الله ينصركم منصورين منصورين ✌✌
عمتي سوت غدويه وطلعت لكم واحد من الجنود واكفين ع الباب كالت يستاهلون ماي العين
جندي.. تعالي ياحلوة شسمج
جواهر.. جواهر ☺️
جندي2.. فدوا شنو هل اسم الحلو منو مسميج يا
جواهر.. بابا
جندي 1.. الله يحفضج لبابا
جواهر.. شكرا (بدلع)
تغدو وراحو
علي.. يالله احمدك واشكرك ياااارب احمدك واشكرك
بشرى.. الف الحمدلله والشكر ياارب
تغدينا وكملنا شويه وسمعنه اني وت رمي كلنا اكيد ديحررون بعد
بس زاد كلشش خفنا
علي.. خل اطلع اشوف شكوو
بشرى.. اكعد راحه يمعود لا يصيرلك شي اسم الله
طلع بابا عاند ماسمع كلام وفات وجها اصفر
علي.. هبه حضري هدومي بسررررررعه بسرعه
هبه.. خير شكو ياستاار
علي.. داعش ديرجع يلا ركضي
هبه.. واحنا
علي.. ضلو هنا ضلو
هبه.. رجلي ع رجلك
بشرى.. كعدي راحه وين يروح بيكم ضلو انتو هنا خل هو ينهزم يلحك روحه
هبه.. ابدددد
علي.. يلا لعد بسرعه تحضرو
جواهر.. طلعنا ملابسنه اني لبست كاب فوك ملابسي هو حجاب هو عبايه لي ركبه 👈🦵ولبست تكرمون النعال ع مكلوب لن حيل مستعجله
ودعنا بيت عمه بشرى أجا ويانا ابن جيرانهم المهزوم هماتين بيت عمه بشرى بيتهم مفتوح ع بيت إلى بضهرهم الي هو بيت عمة مريم طلعنا منه وكمنا نركض نركض شايلين الجنط بابا شايل طروقي ومحمد وأحمد يركضن وكلنا ويانا إلي اسمه اسامه المهزوم من داعش الشوارع جانت فارغه مابيها بس احنا نركض وصلولنا لمزرعه جبيرااااااااا (الله أكبر) جان نشوف الجيش العراقي كبل مانوصله واجان قناص داعشي يضرب علينا
