ضحية عنيد3

13

بثينه : وهي الكحل سايح منها من العياط من كتر الالم 

بثينه : أيوه ياجمال بنت بنوت وكان نفسي دخلتي تكون غير كده خالص انت كسرت فرحتي ليه عملت كده ياجمال ليه 😞😞🥲

جمال : ردي عليا انتي ازاي بنت بنوت انتي مش كنتي متجوزه قبل كده 

بثينه : أيوه كنت متجوزه بس عمره ما لمسني ولا خليته يلمسني في يوم..

 اول يوم الدخله لما جه يلمسني ماكنتش متقبله ان في حد ممكن يلمسني غيرك  ولما جه عشان ياخد حقه الشرعي مني وقتها بقيت اعيط وقالي مالك بتعيطي ليه وابتديت احكيله اني محتاجه شويه وقت واني بحب حد تاني ومش متقبله اني حد يلمسني غيره وقتها كان الله يرحمه هيتجن وافتكر ان فيه حاجه او ان بكدب عليه  بقي ياخدني ويروح بيا لكذا دكتور وكلهم اكدوله اني لسه بنت بنوت ومحدش لمسني وهو صعبت عليه نفسه مني اوي وقرر ان احنا هنطلق بعد فتره.. مكانش بيكلمني وكان دايما بعيد عني وده كان سبب الخلاف اللي بينا دايما  معرفش ازاي مر علي جوازنا سنه بسرعه كده حاولت  احبه ماقدرتش لاني كنت شيفاك قدامي طول الوقت ياجمال .. مش هكدب عليك هو كان حد محترم جداا لدرجه فوق الوصف وحبني اوي ممكن حبه ليا هو اللي خلاني اتجوزه انا عارفه اني غلطت لما عملت معاه كده بس كانت حاجه غصب عني انا كنت بشوفك طول العشر سنين اللي كنت نايمه فيهم علي السرير قدامي في كل وقت ماكنتش بتطلع من خيالي لحظه واحده  انا عارفه انك مابتحبنيش ولا عمرك حبتني بس عندي أمل انك ممكن تحبني في يوم لما نبقي سوا انا مستعده ادفع تمن غلطتي زمان ياجمال انا عمرى ما نسيت اني كنت السبب في انك تسيب البلد وتهرب واني اتبليت عليك زور وقولت انك اغتصبتني ويمكن دي اول حاجه بدفع تمنها اني اقضي يوم دخلتي بالمنظر ده

بقلمي مآآهي آآحمد 

جمال: يعني انتي كنتي عارفه ان طول السنتين اللي فاتوا دوول انا مابحبكيش

بثينه :. ( بعياط وكسره نفس ) ايوه عارفه 😔

جمال : ورغم كده اتجوزتيني 

بثينه : عشان عندي نارك ولا جنه غيرك ياجمال 

انا من اول ما فتحت عيني علي الدنيا وانا بحبك ❤️

وعمرى ما حبيت غيرك 

جمال:  ( مسكها من دراعها جامد وبقي يقولها بزعيق ) وازاي عايزاني انسي عشر سنين من عمرى وانا اهلي دايما بيتهموني بأني اغتصبت واحده واني السبب في اللي حصلهم ازاي 

ها .. انطقي ردي عليا 

بثينه : انا عارفه اني غلطت بس انا وقتها كان عندي ١٦ سنه وجدي ضحك عليا وخلاني اعمل كده من غير ما افكر وربنا انتقملك مني انا فضلت ١٠ سنين وانا مشلوله ومابتحركش علي الاقل انت كنت عايش حياتك انا كنت ميته ياجمال مش اكتر من كده