(أحيانا يتوجب عليك ان تندفع في أخذ اول خطوه لتحقيق قرار ما لان أول خطوه تعد أصعب خطوه لانها مليئه بالمجازفه ولكن عليك ان تتخذها يا صديقي حتي لا تندم جازف حتا تنال شرف المحاوله)
دعوه حلوه كده علشان النتيجه ❤
لنبدأ.........
(تسمع دقات علي باب غرفتها فتنظر للساعه انها 12بعد منتصف الليل من قد يكون ولكن لا يوجد احتمال سوي انها عشق ذهبت لتفتح الغرفه وتجد )
نورين :بسم الله الرحمن الرحيم إيه اللي حدفك علي هنا يا عم انت
مالك:إيه شوفتي عفريت ولا إيه وبعدين انا ساكن معاكي فأكيد هتشوفيني
نورين :يا عم هو انا اعترضت قصدي إيه جابك عند اوضتي دلوقتي
مالك " وهو يحك مؤخره رأسه ": بصراحه كده عايز أسألك سؤال
نورين " رفعت جانب شفتيها زي ستات السوق كده 😂":نعم يا روح أمك
مالك " بصدمه " :excuse me
نورين : متبرطمش انجليزي جايلي الساعه12تقولي أسألك سؤال أنت بتستهبل انا بنوته محترمه ورقيقه عيب كده
مالك " وهو ينظر لها بسخريه":أولا ايه المشكله في الساعه معاكي انا لسه فاكر السؤال دلوقتي فعادي لما أجي أسألك وأنتي لسه منمتيش اهو ثانيا أنسه إيه انتي كنتي بتعمليها علي رجلي ثالثا بقا وده الاهم رقيقه إيه تقولي كده لو مكنتش شايفك وانتي بتضربي راجل وهو مش قادر عليكي يا قادره
نورين " وهي تنظر له بإحراج": خلاص هتشردلي قول عايز إيه
مالك :في جيم في القصر
وفجأه أغلقت نورين الباب في وجهه وسمعها تقول له من خلف الباب :يلا ياض يا أهبل يا أبو طويله من هنا روح أتخمد
مالك :انا أبو طويله وأهبل ماشي يا أوزعه هشوفك تاني هتروحي مني فين يعني
( ثم ذهب لغرفته وهو يبتسم علي مشاغبه صغيرته هولم يغضب من أي كلمه قالتها له منذ بضع ثواني بل كان ينتظر مشاغبتها له وحده ظل مستيقظ في غرفته إلا أن سمع صوت غرفتها يفتح علم بأنها الان ستنام فقرر ان يضايقها قليلا لينعم بمشاغبتها له ولكن قرر أنه سيعيد تشكيل فتاته مره أخري حتي تحترمه وسوف ينفذ قريبا وقرر الذهاب للنوم لعلها تأتيه في أحلامه كالعاده ليعشقها في أرض الاحلام ولكن سمع دقات علي باب غرفته فظن انها هي فقرر ان يجعلها تخجل مثل الفتيات فقام بخلع التي شيرت خاصته وذهب لباب غرفته وهو يتصنع الغضب )
ولكنه وجد تميم "هويبتسم ":إيه يا بيبي تاخد برد أستر نفسك
مالك :هو أنت
تميم :إيه ده هو أنت كنت مستني حد تاني "وأنهي كلامه بغمزه "
مالك:لا إيه اللي جابك عند باب اوضتي الساعه 12يلا
تميم " وهو يبتسم ببرود ": ممكن تقول جينات يا كينج
مالك :قصدك إيه
تميم :دخلني جوه علشان أقولك قصدي إيه وبالمره تستر نفسك
مالك :أدخل يا أخره صبري
(في الصباح الباكر تستيقظ العائله في سعاده فهم بعد عشرين عام سوف يحصلون علي فطور عائلي لا ينقصه أحد لا يري به دموع أحد مره أخري)
(العائله حتي وإن كانت سيئه فهي أحد نعم الله لك حافظ عليها ❤)
يجلس كبار العائله ومعهم عشق ثم تنزل نورين وهي شبه نائمه وتمسك بالدبدوب الخاص بها
كنز:انتوا مش وراكوا كليات يا بنات
عشق :انا يا عمتو مش عندي شغل أجازه ونورين أجازه بردو
رقيه:علشان كده نازلين بالبيجامه
عشق :اها
كنز " بضحك": تقريبا نورين لسه نايمه
عشق :عادي دي حالتها أصلا علي طول دي أسمها غيبوبه
سليم " بضحك": حيرتوني اسمها غيبوبه ولا مصيبه
عشق " بضحك": بص يا عمو براحتك شكل ...اه
نورين " وقد ضربتها علي يديها ": إيه هو بيشتري طبق حلويات يا أختي
ضحك الجميع عليها
زين :اخرسي يا بت كملي نوم
نورين :حاضر
نزل عمر وهو عاري النصف العلوي كعادته في بيته وفجأه صرخت عشق
نورين :روح استر نفسك يا عم أنت إيه فاكر نفسك علي الشط استغفر الله
عمر " وهو يركض ": أسف أسف يا بنات
نورين وهي تهمس لعشق :عيال عمك الصراحه أبطال اخرحاجه😉
عشق " بنظره قرف لأختها ":أقول إيه ما أنتي تربيه شوارع
نورين :سيبنالك الاحترام يا اختي كتك نيله
نزل كلا من تميم ومالك
تميم :صباح الخير
الجميع :صباح النور
مالك:صباح الخير
الجميع ما عدا نورين :صباح النور
أنت تقرأ
عشق أحفاد الهواري
Romanceعاد من خارج البلاد بعد غياب عشرين عام ولكنه ما زال يتذكر ذات العيون الجميله وشعرها الذي يشبه سلاسل الذهب التي ولدت علي يديه ولكنه تركها وهي في الثانيه من عمرها ولكنها لم تذهب يوما عن عقله هو فقط متشوق لرؤيتها كيف اصبحت الأن ولكن عمله يشغله كثيرا وق...
