ليالي صامته الجزء الثاني

الفصل السابع 💔

لارا ملامحها جامده لا تبشر بأي شئ نهائي ....
ملامح صدمه علي زهول ،عدم تصديق ،حلم ،معقول انخدعت بالشكل دا معقول قدرتها أنها تعرف الناس
خدعتها بس ازاي تخدعني وشريف كان صادق معايا

واخيرا اتكلمت .......يعني انت كنت بتخدعني الفتره اللي فاتت كلها

شريف ........لا لا يا لارا انا عمري مخدعتك انا اتعالجت واتغيرت قبل ما قابلك اصلا وعمري مكدبت عليك أو خدعتك في اي كلمه انا قولتهالك

لارا بجمود .........والمطلوب

شريف .......اعرف رايك في اللي انا قولته

لارا ........تعرف يا شريف انا كنت معجبه بيك وبكنلك مشاعر جميله اوي ولو كنت اتقدمتلي كنت وافقت في حاله واحده بس هي من غير متقولي كل الماضي دا

شريف بأمل .......يعني انتي موافقه

لارا .........انا ازاي هأمن علي نفسي مع واحد زيك كان طايش وصايع ازاي هفتخر بيك قدام صحابي واقولهم عليك ازاي لو اتجوزنا احكي اي عنك لولادنا اقولهم اي ابوكم كان مدمن وبتاع ستات وسكير

قولي هقولهم اي وانت هتبقي قدوتهم .......وبعد اللي انت قولته دا كله انا اي يضمني أن انت صادق وبتحبني ومتكونش دي خدعه منك ها ....

شريف بوجع وجع داخلي ،وجع الخذلان والكره وجع قلبه اللي بينبض بعشق اللي قدامك وجع صعب عليه شرحه ،وجع لو اجتمع أطباء العالم كله لم يقدروا علي شفائه ......ماذا يقول لها بعد أن حطمته بكلماتها

كسرت قلبه الي أشلاء صغيره يصعب إصلاحها ماذا يقول أبعد الكسرة شئ يقال أبعد الخذلان يوجد ردود وبرهان ......

فما اصعب الوجع عندما يقف الكلام بين فمك وحنجرتك إن أظهرته ندمت وان ابقيته تألمت ....

فما أشد الاوجاع والجروح التي لا تظهر  آثارها في ملامحنا بل التي تترك أثرا لا يشاهده أحد في أعماقنا

شريف ابتلع ريقه بصعوبه .......ردك وصلني اسف
علي كل حاجه واعتبريني مقولتش حاجه ....ومش هتشوفيني تاني في حياتك .......

ومشي شريف وكأنه في عالم تاني .....

مشي بعربيته لأبعد مكان عن الناس عايز يبقي لوحده ...

وقف ونزل من عربيته وبكل الم العالم بكل ما عنده من قوه صرخ باعلي صوته صرخه وجع صرخه الم خزلان  .......ااااااااااااااااااااااه
اااه ياااااااااارب يارب سامحني وارحمني ياااارب
انا توبت وانت عارف اتغيرت وانت شاهد ...مش عايز اتعاقب كدا ...العقاب صعب اوي صعب ....

دا دا وخبط علي قلبه ....مش هيستحمل مش هستحمل

وانفجر في بكاء مرير كالطفل الذي حرم من أعز شئ لديه .......

وبعد ساعتين مسح دموعه بإديه وقال اخر جمله .....

يارب اللهم اني اسالك العفو فاعف عني،يارب اللهم اني لا اسالك رد القضاء ولكني اسالك اللطف فيه ....