كل ما تضايقت وواجهت مشكله دخلت هني وكتبت الي ابيه وادزه ولا ارجع اقراه .
اليوم دخلت وقريت الي كاتبته كله وحسيت موجه ذكريات واحاسيس انتابتني ، لاحظت اشياء واجد تغيرت فيني واجد بشكل مو طبيعي .
اولا :اخطائي الاملائيه لاتغتفر 😂 .
ثانيا :كنت مااعرف اعبر عدل مرات اتكلم عربي عامي ومرات لغه عربيه .
ثالثا :شخصيتييييي كانت غير كانت قويه متفائله ايجابيه كنت افرغ غضبي هني وارجع بقوه وبنص البارتات بديت اضعف وايماني بعد ضعف معاي اما الحين انا باضعف مرحله وصلت لها قبل كان ايماني اقوى من الحين .
رابعا: اكتشفت قبل كانت مشاكلي عاديه بس انا كنت اوفر شوي وكنت ماارضى وكنت اتعب وابذل اما الحين مستسلمة للحياه توديني يمين اروح يمين توديني شمال رحت شمال الوضع جدا مزري الحين.
خامسا :اكتشفت ان جزء بسيييييييط من الاحداث الي صارت لي قلتها مني في اشياء واجد ماامداني اعبر فيها بوقتها .
سادسا :عقب ماقريت كلامي قررت ارجع مثل قبل باذن الله.
حلو النضج وحلو ان الانسان يدون الي بخاطره علشان يتعلم من ماضيه تفاءلت يوم قريت كلامي حسيت ودي ارجع ديم القديمه وبقوه باذن الله ربي راح يعوني على هالشي اذا كان فيه خير لي .
