سجينة كارلس (مكتملة)

الحلقة الثامنة وعشرون(ماقبل الأخيرة)

                   ❤الحلقة 28❤ :
وصل للدار دخل كانت هي قاعدة في الجاغدان و كي سقسا عليها قلتلو كريستين وين راهي ، مالا طلع البيتو و دخل للدوش عمل دوش خفيف و خرج بدل حوايجو حتى دخلت هي عليه
جيهان: اوو وقتاش جيت ماقالوليش بلي راك هنا
كارلس: ماعنديش بزاف وحد 20 دقيقة
جيهان: هذا كامل و مافقتلكش بلي راك هنا هههه المهم بصحتك التدويشة
كارلس: يسلمك، حقا ياك مازلتي متوحشة والديك
جيهان : و هذا سؤال باينو ههه
كارلس: راني عارضهم نهار الجمعة يجو يفطرو عندنا و منها تشوفيهم و يطمنو عليك وش رايك
جيهان: صح و لا راك تتمسخر، ما امنتش
كارلس: و الله قبيل برك حكيت مع باباك
راحت تجري ليه عنقاتو و زيرت عليه ، نخلع فيها
جيهان: ميرسي كارلس ميرسي على كلشي كل مرة تحاول ديرلي فيها حاجة تفرحني و ديما صابر معايا ميغسي على كلش
جبدها و حط يديه على خدودها و بدا يشوف في عينيها
كارلس: ماتزيديش تعاودي هاذ الهدرة اذا ما درتش حاجة لي ترضيك نتي هذا مايتسماش حب هاذي انانية
بلا ماتفيق على روحها باستو من شفافو ، حاول يستوعب الامر بقا يخزر فيها
كارلس: جيهان وشنو هذا لي عملتيه
جيهان: بستك
كارلس: علاه! قصدي كفاه!!!
جيهان: علاه مش هذا لي لازم يصير رانا متزوجين ههه
قبل ماتكمل هدرتها جبدها ليه من حزامها و بدا يبوس فيها حتى هو ممبعد رفدها و باقي يبوس فيها و هي ماعارضتش بلعكس تجاوبت معاه ممبعد فاق مع روحو ، و جبد عليها سقساها
كارلس: جيهان راكي متاكدة من هاذ الشي ليراح يصير ماعندكش مشكل
جيهان: علاه مراكش حاب.