عريس الولد جابوه يتجوله
وماتهم لزفه بلايه هلهوله😭
...... ..
امنيتي الولد عريس اشوفنه
هلهولت خواته وصفكت الحنه
من الخيمه عماته اليزفنه
بت عمه لعروس تعاين الطوله
عريس لولد جابوه يتجوله وماترهم لزفه بلايه هلهوله
......... ..
فرحانه ابأبنها اتبخر اهدومه
هذا اول فرح للكاضي ملزومه
ماتدري ابابنها مصاحب لحومه
منيه زفته وبسيوف يقروله
عريس لولد جابوه يتجوله وماترهم لزفه بلايه هلهوله
..........
لبس هندام ابوه وشاجخ اعگاله
عمه من لخيم صد اوتعناله
عله عمه لولد ماطالع لخاله
يشبه صورت لعباس گلوله
عريس لولد جابوه يتجوله وماترهم لزفه بلايه هلهوله
..... .........
معروفه ابسلفنه لبت لبن عمها
زفه وكون عباس يتيجدمها
سكنه تصير جنتي وانه اصير امها
يسويه لبخت وتصير معقوله
عريس لولد جابوه يتجوله وماترهم لزفه بلايه هلهوله
...........
معقوله وتصير لماحسبتلها
ولعباس سكنه اله ادللها
اگعد يمه بت عمك شكللها
جاسم راح منج اااه يمدلوله
عريس لولد جابوه يتجوله وماترهم لزفه بلايه هلهوله
.............
جاسم راح منج ونهدم حيلي
حسبت حساب امبيتي تيصيريلي
هايمه يجاسم اكعيد احجيلي
شنهي ابخاطرك ايصير بس كوله
عريس لولد جابوه يتجوله وماترهم لزفه بلايه هلهوله
........
كل شي يصيريلك لاتاخيذك حيره
اسويلك عرس ماصاير ابديره
من عباس اطشلك هاكثر غيره
بخت حسين ازفك ولزلم ذوله
عريس لولد جابوه يتجوله وماترهم لزفه بلايه هلهوله 💔💔😔😔
